ಮುಂಬೈನಲ್ಲಿ ಸೇತುವೆ ಕುಸಿತ : ಕೊಚ್ಚಿ ಹೋದ ಬಸ್ಸು, ಕಾರು

Updated: Wednesday, August 3, 2016, 8:34 [IST]

ಮುಂಬೈ, ಆಗಸ್ಟ್ 02 : ಮುಂಬೈ-ಗೋವಾ ಹೆದ್ದಾರಿಯ ಸೇತುವೆ ಭಾರೀ ಮಳೆಗೆ ಕುಸಿದುಬಿದ್ದಿದೆ. ಎರಡು ಬಸ್ ಮತ್ತು 2 ಕಾರುಗಳು ನೀರಿನಲ್ಲಿ ಕೊಚ್ಚಿ ಹೋಗಿರುವ ಶಂಕೆ ಇದ್ದು, ಹುಡುಕಾಟ ನಡೆಯುತ್ತಿದೆ.

ಬುಧವಾರ ಮುಂಜಾನೆ 2 ಗಂಟೆ ಸುಮಾರಿಗೆ ಮುಂಬೈ-ಗೋವಾ ಹೆದ್ದಾರಿಯಲ್ಲಿ ಸಾವಿತ್ರಿ ನದಿಗೆ ಅಡ್ಡವಾಗಿ ನಿರ್ಮಿಸಲಾಗಿರುವ ಸೇತುವೆ ಕುಸಿದುಬಿದ್ದಿದೆ. ಸೇತುವೆಯ ಶೇ 80ರಷ್ಟು ಭಾಗ ನೀರಿನಲ್ಲಿ ಕೊಚ್ಚಿ ಹೋಗಿದೆ ಎಂದು ಪೊಲೀಸರು ಹೇಳಿದ್ದಾರೆ.

ಸೇತುವೆ ಮೇಲಿದ್ದ ರಾಜಾಪುರ-ಬೋರಿವೇಲಿ, ಜಯಗಡ-ಮುಂಬೈ ಮಾರ್ಗದ ಎರಡು ಎಂಎಸ್‌ಆರ್‌ಟಿಸಿ ಬಸ್ಸುಗಳು ಮತ್ತು 2 ಕಾರುಗಳು ನೀರಿನಲ್ಲಿ ಕೊಚ್ಚಿ ಹೋಗಿವೆ ಎಂದು ಶಂಕಿಸಲಾಗಿದೆ.

Pictures of the bridge that collapsed on Mumbai-Goa highway in late night hours. Rescue operations underway pic.twitter.com/Q2Y1kebJAj
— ANI (@ANI_news) August 3, 2016