ಮಹಾರಾಷ್ಟ್ರ: ಹೆದ್ದಾರಿ ದಾಟಲು ಸ್ಕೈ ವಾಕರ್ನಲ್ಲಿ ಆಟೋ ಚಲಾಯಿಸಿ ಭೂಪ
ಮುಂಬೈ ಆಗಸ್ಟ್ 19: ಮಹಾರಾಷ್ಟ್ರದಿಂದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದೆ. ಚಾಲಕನೊಬ್ಬ ಸ್ಕೈ ವಾಕರ್ನಲ್ಲಿ ಆಟೋವನ್ನು ಚಲಾಯಿಸಿದ್ದಾನೆ. ಜನನಿಬಿಡ ಮುಂಬೈ-ಅಹಮದಾಬಾದ್ ಹೆದ್ದಾರಿಯಲ್ಲಿರುವ ಸ್ಕೈ ವಾಕರ್ನಲ್ಲಿ ರೋಡ್ ದಾಟಲು ವ್ಯಕ್ತಿಯೊಬ್ಬ ತನ್ನ ಆಟೋರಿಕ್ಷಾವನ್ನು ಓಡಿಸಿದ್ದಾನೆ.
ಘಟನೆಯ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಈ ಕೃತ್ಯದ ಬಗ್ಗೆ ಪೊಲೀಸರನ್ನು ಎಚ್ಚರಿಸಿದೆ ಎಂದು ಅಧಿಕಾರಿಯೊಬ್ಬರು ಶುಕ್ರವಾರ ತಿಳಿಸಿದ್ದಾರೆ. ವಿಡಿಯೊದ ಪ್ರಕಾರ, ಮಹಾರಾಷ್ಟ್ರದ ಪಾಲ್ಘರ್ ಜಿಲ್ಲೆಯ ವಿರಾರ್ನಲ್ಲಿ ಈ ಘಟನೆ ನಡೆದಿದೆ. ಚಾಲಕನನ್ನು ಹಿಡಿಯುವ ಪ್ರಯತ್ನಗಳು ನಡೆಯುತ್ತಿವೆ ಎಂದು ಮೀರಾ-ಭಾಯಂದರ್-ವಸಾಯಿ-ವಿರಾರ್ (ಎಂಬಿವಿವಿ) ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ. "ಚಾಲಕನನ್ನು ಕಂಡುಹಿಡಿಯಲು ನಾವು ವಿಡಿಯೊವನ್ನು ಅಧ್ಯಯನ ಮಾಡುತ್ತಿದ್ದೇವೆ'' ಎಂದು ಅವರು ತಿಳಿಸಿದ್ದಾರೆ.
Bas yahi dekhna baaki tha! pic.twitter.com/wuAZvBy5fh
— Roads of Mumbai 🇮🇳 (@RoadsOfMumbai) August 19, 2022
ಈ ವಿಡಿಯೊ ಸಾಕಷ್ಟು ಲೈಕ್ಸ್ ಪಡೆದುಕೊಂಡಿದೆ. ಅವರಲ್ಲಿ ಹಲವರು ಇದನ್ನು ಜನರು ಟ್ರಾಫಿಕ್ ನಿಯಮಗಳನ್ನು ಸ್ಪಷ್ಟವಾಗಿ ಮತ್ತು ಅಪಾಯಕಾರಿ ರೀತಿಯಲ್ಲಿ ಉಲ್ಲಂಘಿಸುತ್ತಿದ್ದಾರೆ ಎಂಬುದಕ್ಕೆ ಉದಾಹರಣೆ ಎಂದು ಕರೆದಿದ್ದಾರೆ.