ಅಕ್ರಮ ವಿದೇಶಿ ಮದ್ಯ: ಕಾಸರಗೋಡಿನಲ್ಲಿ ಒಬ್ಬನ ಸೆರೆ
ಮಂಗಳೂರು: 500 ಬಾಟ್ಲಿ ವಿದೇಶಿ ಮದ್ಯ ಸಹಿತ ಓರ್ವನನ್ನು ಕಾಸರಗೋಡು ಅಬಕಾರಿ ದಳದ ಅಧಿಕಾರಿಗಳು ಬಂಧಿಸಿದ್ದಾರೆ. ಬಂಧಿತನನ್ನು ತಳಂಗರೆ ಕೊಪ್ಪಲ್ ಕಾಲನಿಯ ರಮೇಶ್ ( 39) ಎಂದು ಗುರುತಿಸಲಾಗಿದೆ.
ರಮೇಶ್ ಬರೋಬ್ಬರಿ 500 ಬಾಟ್ಲಿ ವಿದೇಶಿ ಮದ್ಯವನ್ನು ಮನೆಯ ಅಡುಗೆ ಕೋಣೆಯ ನೆಲದಡಿ ನಾಲ್ಕು ಪ್ಲಾಸ್ಟಿಕ್ ಗೋಣಿ ಮತ್ತು ಚೀಲಗಳಲ್ಲಿ ಬಚ್ಚಿಟ್ಟಿದ್ದ.
ಪೊಲೀಸರಿಗೆ ಲಭಿಸಿದ ಖಚಿತ ಮಾಹಿತಿಯಂತೆ ತಳಂಗರೆ , ಕಾಸರಗೋಡು ಪೇಟೆ, ಕರಂದಕ್ಕಾಡ್ , ಕೇಳುಗುಡ್ಡೆ ಮೊದಲಾದ ಸ್ಥಳಗಳಲ್ಲಿ ದಾಳಿ ನಡೆಸಲಾಗಿತ್ತು.
ಹಲವೆಡೆ ಅಕ್ರಮ ಮದ್ಯ ಮಾರಾಟ ಮಾಡುತ್ತಿರುವ ಬಗ್ಗೆ ಅಬಕಾರಿ ದಳಕ್ಕೆ ಮಾಹಿತಿ ಲಭಿಸಿದ್ದು, ಮುಂದಿನ ದಿನಗಳಲ್ಲೂ ವಿಶೇಷ ನಿಗಾ ಇಡಲು ಅಬಕಾರಿ ದಳದ ಸಿಬಂದಿಗಳು ಮುಂದಾಗಿದ್ದಾರೆ.
Click it and Unblock the Notifications
Sign in with Google