ಉತ್ತರಪ್ರದೇಶ ಚುನಾವಣೆ 2022 ಹಂತ 1: ಮತದಾನದ ದಿನಾಂಕ, ಸಮಯ, ವೇಳಾಪಟ್ಟಿ

ಲಕ್ನೋ ಫೆಬ್ರವರಿ 9: ಉತ್ತರಪ್ರದೇಶದ ವಿಧಾನಸಭೆ ಚುನಾವಣೆಯ ಮೊದಲನೇ ಹಂತದ ಚುನಾವಣೆ ಫೆಬ್ರವರಿ 10ರಂದು ಆರಂಭವಾಗಲಿದೆ. ಉತ್ತರ ಪ್ರದೇಶದ ಒಟ್ಟು 403 ವಿಧಾನಸಭಾ ಸ್ಥಾನಗಳ ಪೈಕಿ 11 ಜಿಲ್ಲೆಗಳ 58 ವಿಧಾನಸಭಾ ಕ್ಷೇತ್ರಗಳಿಗೆ ಮೊದಲ ಹಂತದ ಮತದಾನ ನಡೆಯಲಿದೆ. ಉತ್ತರಪ್ರದೇಶದಲ್ಲಿ ಒಟ್ಟು ಏಳು ಹಂತದಲ್ಲಿ ಮತದಾನ ನಡೆಯಲಿದ್ದು ಮೊದಲ ಸುತ್ತಿನ ಮತದಾನದ ಕ್ಷೇತ್ರಗಳಲ್ಲಿ ಪ್ರಚಾರ ಮಂಗಳವಾರ ಸಂಜೆ ಕೊನೆಗೊಂಡಿದೆ.

ಕೊರೊನಾ ಸುರಕ್ಷಿತೆಯ ಚುನಾವಣಾ ಆಯೋಗದ ಮಾರ್ಗಸೂಚಿಗಳ ಪ್ರಕಾರ ಕ್ಷೇತ್ರಗಳಲ್ಲಿ ಬೆಳಿಗ್ಗೆ 7 ಗಂಟೆಗೆ ಮತದಾನ ಪ್ರಾರಂಭವಾಗಲಿದೆ. ಸಂಜೆ 6 ಗಂಟೆಗೆ ಮತದಾನ ಮುಕ್ತಾಯವಾಗಲಿದೆ. ಈ ಹಂತದಲ್ಲಿ 2.27 ಕೋಟಿ ಮತದಾರರು ಒಟ್ಟು 623 ಅಭ್ಯರ್ಥಿಗಳ ಭವಿಷ್ಯ ನಿರ್ಧರಿಸಲಿದ್ದಾರೆ. ಮಾರ್ಚ್ 10ರಂದು ಮತ ಎಣಿಕೆ ನಡೆಯಲಿದೆ. ಕೊರೊನಾ ಹಿನ್ನೆಲೆಯಲ್ಲಿ ಚುನಾವಣಾ ಆಯೋಗವು ರೋಡ್‌ಶೋಗಳು ಮತ್ತು ಭೌತಿಕ ರ್‍ಯಾಲಿಗಳ ಮೇಲೆ ನಿಷೇಧವನ್ನು ವಿಧಿಸಿದೆ. ಇದರ ಪರಿಣಾಮವಾಗಿ ರಾಜಕೀಯ ಪಕ್ಷಗಳು ವರ್ಚುವಲ್ ಮಾಧ್ಯಮವನ್ನು ಬಳಸಿಕೊಂಡು ಪ್ರಚಾರ ಮಾಡಿವೆ.

ಮೊದಲ ಹಂತವು ಹೆಚ್ಚಾಗಿ ಪಶ್ಚಿಮ ಯುಪಿಯ ಜಾಟ್-ಪ್ರಾಬಲ್ಯವನ್ನು ಒಳಗೊಂಡಿದೆ. ಅಲ್ಲಿನ ರೈತರು ರಾಷ್ಟ್ರ ರಾಜಧಾನಿಯಲ್ಲಿ ಕೇಂದ್ರದ ಮೂರು ಕೃಷಿ ಕಾನೂನುಗಳ ವಿರುದ್ಧ ಚಳವಳಿಯಲ್ಲಿ ಸಕ್ರಿಯವಾಗಿ ಭಾಗವಹಿಸಿದ್ದರು. ಹೀಗಾಗಿ ಈ ಕ್ಷೇತ್ರಗಳ ಮೇಲೆ ಎಲ್ಲರ ಚಿತ್ತ ನೆಟ್ಟಿದೆ. ಕಳೆದ ಬಾರಿ 2017 ರಲ್ಲಿ 58 ಸ್ಥಾನಗಳಲ್ಲಿ ಬಿಜೆಪಿ 53 ಸ್ಥಾನಗಳನ್ನು ಗಳಿಸಿದರೆ, ಸಮಾಜವಾದಿ ಪಕ್ಷ ಮತ್ತು ಬಿಎಸ್ಪಿ ತಲಾ ಎರಡು ಸ್ಥಾನಗಳನ್ನು ಪಡೆದಿದ್ದವು. ಒಂದು ಸ್ಥಾನ ರಾಷ್ಟ್ರೀಯ ಲೋಕದಳದ ಪಾಲಾಗಿತ್ತು.

* ಶಾಮ್ಲಿ

* ಹಾಪುರ್

* ಗೌತಮ್ ಬುದ್ಧ ನಗರ

* ಮುಜಾಫರ್‌ನಗರ

* ಮೀರತ್

* ಬಾಗ್ಪತ್

* ಗಾಜಿಯಾಬಾದ್

* ಬುಲಂದ್‌ಶಹರ್

* ಅಲಿಗಢ

* ಮಥುರಾ

* ಆಗ್ರಾ

ಮೊದಲ ಹಂತದ ಚುನಾವಣಾ ಕ್ಷೇತ್ರಗಳು ಮತ್ತು ಅಭ್ಯರ್ಥಿಗಳ ಸಂಪೂರ್ಣ ಪಟ್ಟಿ:

* ಕೈರಾನಾ - ಪ್ರಮುಖ ಅಭ್ಯರ್ಥಿಗಳು ನಹಿದ್ ಹಾಸನ (SP), ಮೃಗಾಂಕಾ ಸಿಂಗ್ (ಬಿಜೆಪಿ), ಹಾಜಿ ಅಖ್ಲಾಕ್ (ಕಾಂಗ್ರೆಸ್) ರಾಜೇಂದ್ರ ಸಿಂಗ್ ಉಪಾಧ್ಯಾಯ (BSP)
* ಠಾಣಾ ಭವನ - ಪ್ರಮುಖ ಅಭ್ಯರ್ಥಿಗಳು ಅಶ್ರಫ್ ಅಲಿ (ಆರ್‌ಎಲ್‌ಡಿ), ಸುರೇಶ್ ರಾಣಾ (ಬಿಜೆಪಿ), ಸತ್ಯ ಸಯಮ್ ಸೈನಿ (ಕಾಂಗ್ರೆಸ್), ಜಹೀರ್ ಮಲಿಕ್ (ಬಿಎಸ್‌ಪಿ)
* ಶಾಮ್ಲಿ - ಪ್ರಮುಖ ಅಭ್ಯರ್ಥಿಗಳು ಪ್ರಸನ್ನ ಚೌಧರಿ (ಆರ್‌ಎಲ್‌ಡಿ), ತೇಜೇಂದ್ರ ಸಿಂಗ್ ನಿರ್ವಾಲ್ (ಬಿಜೆಪಿ), ಮೊಹಮ್ಮದ್ ಅಯೂಬ್ ಜಂಗ್ (ಕಾಂಗ್ರೆಸ್) ಬ್ರಿಜೇಂದ್ರ ಮಲಿಕ್ (ಬಿಎಸ್‌ಪಿ)
* ಬುಧಾನಾ - ಪ್ರಮುಖ ಅಭ್ಯರ್ಥಿಗಳೆಂದರೆ ರಾಜ್‌ಪಾಲ್ ಬಲಿಯಾನ್ (ಆರ್‌ಎಲ್‌ಡಿ), ಉಮೇಶ್ ಮಲಿಕ್ (ಬಿಜೆಪಿ), ದೇವೇಂದ್ರ ಕಶ್ಯಪ್ (ಕಾಂಗ್ರೆಸ್), ಹಾಜಿ ಮೊಹಮ್ಮದ್ ಅನೀಶ್ (ಬಿಎಸ್‌ಪಿ).
* ಚಾರ್ತಾವಾಲ್-ಪ್ರಮುಖ ಅಭ್ಯರ್ಥಿಗಳು ಪಂಕಜ್ ಕೆಆರ್ ಮಲಿಕ್ (ಎಸ್‌ಪಿ), ಸಪ್ನಾ ಕಶ್ಯಪ್ (ಬಿಜೆಪಿ), ಡಾ. ಯಾಸ್ಮೀನ್ ರಾಣಾ (ಕಾಂಗ್ರೆಸ್), ಸಲ್ಮಾನ್ ಸಯೀದ್ (ಬಿಎಸ್‌ಪಿ)
* ಪುರ್ಕಾಜಿ (SC)-ಪ್ರಮುಖ ಅಭ್ಯರ್ಥಿಗಳು ಅನಿಲ್ ಕುಮಾರ್ (RLD), ಪ್ರಮೋದ್ ಉತ್ವಾಲ್ (BJP), ದೀಪಕ್ ಕುಮಾರ್ (ಕಾಂಗ್ರೆಸ್), ಸುರೇಂದ್ರ ಪಾಲ್ ಸಿಂಗ್ (BSP)
* ಮುಜಾಫರ್ ನಗರ - ಪ್ರಮುಖ ಅಭ್ಯರ್ಥಿಗಳು ಸೌರಭ್ (ಆರ್‌ಎಲ್‌ಡಿ), ಕಪಿಲ್ ದೇವ್ ಅಗರ್ವಾಲ್ (ಬಿಜೆಪಿ), ಸುಬೋಧ್ ಶರ್ಮಾ (ಕಾಂಗ್ರೆಸ್), ಪುಷ್ಪಂಕರ್ ಪಾಲ್ (ಬಿಎಸ್‌ಪಿ)
* ಖತೌಲಿ - ಪ್ರಮುಖ ಅಭ್ಯರ್ಥಿಗಳೆಂದರೆ ರಾಜ್‌ಪಾಲ್ ಸಿಂಗ್ ಸೈನಿ (ಆರ್‌ಎಲ್‌ಡಿ), ವಿಕ್ರಮ್ ಸೈನಿ (ಬಿಜೆಪಿ), ಗೌರವ್ ಭಾಟಿ (ಕಾಂಗ್ರೆಸ್), ಕರ್ತಾರ್ ಸಿಂಗ್ ಭದಾನ (ಬಿಎಸ್‌ಪಿ)
* ಬಾಗ್‌ಪತ್ - ಪ್ರಮುಖ ಅಭ್ಯರ್ಥಿಗಳು ಯೋಗೇಶ್ ಧಾಮಾ (ಬಿಜೆಪಿ), ಅಹ್ಮದ್ ಹಮೀದ್ (ಎಸ್‌ಪಿ-ಆರ್‌ಎಲ್‌ಡಿ) ಅನಿಲ್ ದೇವ್ ತ್ಯಾಗಿ (ಕಾಂಗ್ರೆಸ್)
* ನೋಯ್ಡಾ - ಪ್ರಮುಖ ಅಭ್ಯರ್ಥಿಗಳೆಂದರೆ ಪಂಕಜ್ ಸಿಂಗ್ (ಬಿಜೆಪಿ), ಸುನಿಲ್ ಚೌಧರಿ (ಎಸ್‌ಪಿ), ಪಂಖೂರಿ ಪಾಠಕ್ (ಕಾಂಗ್ರೆಸ್), ಮತ್ತು ಪಂಕಜ್ ಅವಾನಾ (ಎಎಪಿ)
* ಮಥುರಾ- ಪ್ರಮುಖ ಅಭ್ಯರ್ಥಿಗಳು ಶ್ರೀಕಾಂತ್ ಶರ್ಮಾ (ಬಿಜೆಪಿ), ದೇವೇಂದ್ರ ಅಗರ್ವಾಲ್ (ಎಸ್‌ಪಿ), ಪ್ರದೀಪ್ ಮಾಥೂರ್ (ಕಾಂಗ್ರೆಸ್)

ಮೀರಾಪುರ, ಸಿವಾಲ್ಖಾಸ್, ಸರ್ಧನ, ಹಸ್ತಿನಾಪುರ, ಕಿಥೋರ್, ಮೀರತ್ ಕ್ಯಾಂಟ್, ಮೀರತ್, ಮೀರತ್ ದಕ್ಷಿಣ, ಛಪ್ರೌಲಿ, ಬರೌತ್, ಲೋನಿ, ಮುರಾದನಗರ, ಸಾಹಿಬಾಬಾದ್, ಗಾಜಿಯಾಬಾದ್, ಮೋದಿ ನಗರ, ಧೌಲಾನಾ, ಹಾಪುರ್ (SC), ಗರ್ಮುಕ್ತೇಶ್ವರ, ದಾದ್ರಿ, ಜೇವರ್, ಸಿಕಂದರಾಬಾದ್, ಲಂದ್‌ಶಹರ್, ಸೈನಾ, ಅನುಪ್ಶಹರ್, ದೇಬಾಯಿ, ಶಿಕಾರ್ಪುರ್, ಖುರ್ಜಾ (SC)-, ಖೇರ್ (SC), ಬರೌಲಿ, ಅತ್ರೌಲಿ, ಬಹ್, ಛರ್ರಾ, ಕೊಯಿಲ್, ಅಲಿಘರ್, ಇಗ್ಲಾಸ್ (SC), ಛಾಟಾ, ಮಂತ್, ಗೋವರ್ಧನ್, ಬಲದೇವ್ (SC), ಎತ್ಮಾದ್‌ಪುರ, ಆಗ್ರಾ ಕ್ಯಾಂಟ್, ಆಗ್ರಾ ದಕ್ಷಿಣ, ಆಗ್ರಾ ಉತ್ತರ, ಆಗ್ರಾ ಗ್ರಾಮಾಂತರ (SC),ಫತೇಪುರ್ ಸಿಕ್ರಿ, ಖೇರಘರ್, ಫತೇಹಾಬಾದ್ ಇತರ ಕ್ಷೇತ್ರಗಳು.

ಕೋವಿಡ್-19 ಸುರಕ್ಷತಾ ಪ್ರೋಟೋಕಾಲ್‌ಗಳು ಮತ್ತು ಚುನಾವಣಾ ಆಯೋಗವು ಕಾಲಕಾಲಕ್ಕೆ ನೀಡಿರುವ ಮಾರ್ಗಸೂಚಿಗಳನ್ನು ಬಳಸಿಕೊಂಡು ಮೊದಲ ಹಂತದ ಮತದಾನವನ್ನು ನಡೆಸಲಾಗುವುದು. ಎಲ್ಲಾ ಮತದಾರರು ಕಡ್ಡಾಯವಾಗಿ ಮಾಸ್ಕ್ ಧರಿಸಬೇಕು, ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳಬೇಕು ಮತ್ತು ಮತದಾನ ಮಾಡುವಾಗ ಸ್ಯಾನಿಟೈಸರ್ ಬಳಸಬೇಕು ಮತ್ತು ಇವಿಎಂ ಕೊಠಡಿಯೊಳಗೆ ಪ್ರವೇಶಿಸಲು ಅನುಮತಿಸುವ ಮೊದಲು ಎಲ್ಲಾ ವ್ಯಕ್ತಿಗಳ ಥರ್ಮಲ್ ಸ್ಕ್ಯಾನಿಂಗ್ ಅನ್ನು ಕೈಗೊಳ್ಳಲಾಗುತ್ತದೆ. ಚುನಾವಣೆಯನ್ನು ಸುಗಮವಾಗಿ ನಡೆಸಲು ಚುನಾವಣಾ ಅಧಿಕಾರಿಗಳಿಗೆ ಕೋವಿಡ್ -19 ಕಿಟ್ ನೀಡಲಾಗುವುದು. ಮತದಾನದ ಕೊನೆಯ ಒಂದು ಗಂಟೆಯನ್ನು ಹೆಚ್ಚಾಗಿ ಕೋವಿಡ್-ಪಾಸಿಟಿವ್ ಮತದಾರರಿಗೆ ಮೀಸಲಿಡಲಾಗುತ್ತದೆ.

ಪ್ರಮುಖ ಅಭ್ಯರ್ಥಿಗಳು

ಶ್ರೀಕಾಂತ್ ಶರ್ಮಾ, ಸುರೇಶ್ ರಾಣಾ, ಸಂದೀಪ್ ಸಿಂಗ್, ಕಪಿಲ್ ದೇವ್ ಅಗರ್ವಾಲ್, ಅತುಲ್ ಗಾರ್ಗ್ ಮತ್ತು ಚೌಧುರಿ ಲಕ್ಷ್ಮಿ ನಾರಾಯಣ್ ಸೇರಿದಂತೆ ಮೊದಲ ಹಂತದಲ್ಲಿ ಭವಿಷ್ಯ ನಿರ್ಧಾರವಾಗಲಿದೆ. ಶಾಮ್ಲಿ, ಹಾಪುರ್, ಗೌತಮ್ ಬುದ್ಧ ನಗರ, ಮುಜಾಫರ್‌ನಗರ, ಮೀರತ್, ಬಾಗ್‌ಪತ್, ಗಾಜಿಯಾಬಾದ್, ಬುಲಂದ್‌ಶಹರ್, ಅಲಿಘರ್, ಮಥುರಾ ಮತ್ತು ಆಗ್ರಾ ಜಿಲ್ಲೆಗಳಲ್ಲಿ ಚುನಾವಣೆ ನಡೆಯಲಿದೆ.

ಕ್ರಿಮಿನಲ್ ಕೇಸ್ ಇರುವ 25 ಅಭ್ಯರ್ಥಿಗಳಿಗೆ ಪಕ್ಷಗಳಿಂದ ಟಿಕೆಟ್: ಎಡಿಆರ್ ವರದಿ

ಉತ್ತರ ಪ್ರದೇಶ ವಿಧಾನಸಭಾ ಚುನಾವಣೆಯ ಮೊದಲ ಹಂತದ ಕಣದಲ್ಲಿರುವ ಶೇಕಡಾ 25 ರಷ್ಟು ಅಭ್ಯರ್ಥಿಗಳ ವಿರುದ್ಧ ಕ್ರಿಮಿನಲ್ ಮೊಕದ್ದಮೆಗಳಿವೆ ಎನ್ನುವ ವಿಚಾರ ತಿಳಿದು ಬಂದಿದೆ. ಇದರಲ್ಲಿ 12 ಮಂದಿ ಮಹಿಳೆಯರ ವಿರುದ್ಧದ ಅಪರಾಧಗಳ ಆರೋಪಿಗಳು ಮತ್ತು ಆರು ಮಂದಿ ಕೊಲೆ ಆರೋಪ ಹೊತ್ತಿದ್ದಾರೆ ಎಂದು ಸುಧಾರಣೆಗಳ ವಕಾಲತ್ತು ಗುಂಪು (ADR) ತಿಳಿಸಿದೆ.

ಒಟ್ಟು 623 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ ಮತ್ತು ಅವರಲ್ಲಿ ಎಂಟು ಮಂದಿಯ ಅಫಿಡವಿಟ್‌ಗಳನ್ನು ಸರಿಯಾಗಿ ಸ್ಕ್ಯಾನ್ ಮಾಡಲಾಗಿಲ್ಲ ಅಥವಾ ಅಪೂರ್ಣವಾಗಿರುವ ಕಾರಣ ವಿಶ್ಲೇಷಿಸಲು ಸಾಧ್ಯವಾಗಲಿಲ್ಲ ಎಂದು ಎಡಿಆರ್ ತಿಳಿಸಿದೆ. ಅಭ್ಯರ್ಥಿಗಳ ಕ್ರಿಮಿನಲ್ ಹಿನ್ನಲೆಯಲ್ಲಿ, "ವಿಶ್ಲೇಷಿತ 615 ಅಭ್ಯರ್ಥಿಗಳಲ್ಲಿ 156 (ಶೇ. 25) ಅಭ್ಯರ್ಥಿಗಳು ತಮ್ಮ ವಿರುದ್ಧ ಕ್ರಿಮಿನಲ್ ಮೊಕದ್ದಮೆಗಳನ್ನು ಘೋಷಿಸಿದ್ದಾರೆ ಮತ್ತು 121 (ಶೇ. 20) ತಮ್ಮ ವಿರುದ್ಧ ಗಂಭೀರ ಕ್ರಿಮಿನಲ್ ಮೊಕದ್ದಮೆಗಳನ್ನು ಘೋಷಿಸಿದ್ದಾರೆ" ಎಂದು ಎಡಿಆರ್ ತಿಳಿಸಿದೆ.

ಬಿಜೆಪಿಯ 57 ಅಭ್ಯರ್ಥಿಗಳಲ್ಲಿ 29 (ಶೇ. 51), ಕಾಂಗ್ರೆಸ್‌ನ 58 ಅಭ್ಯರ್ಥಿಗಳಲ್ಲಿ 21 (ಶೇ. 36), ಬಿಎಸ್‌ಪಿಯ 56 ಅಭ್ಯರ್ಥಿಗಳಲ್ಲಿ 19 (ಶೇ. 34) ಮತ್ತು ಎಎಪಿಯ 52 ಅಭ್ಯರ್ಥಿಗಳಲ್ಲಿ ಎಂಟು (ಶೇ. 15) ಅಭ್ಯರ್ಥಿಗಳು ತಮ್ಮ ಅಫಿಡವಿಟ್‌ಗಳಲ್ಲಿ ತಮ್ಮ ವಿರುದ್ಧ ಕ್ರಿಮಿನಲ್ ಮೊಕದ್ದಮೆಗಳನ್ನು ಘೋಷಿಸಿದ್ದಾರೆ.ಪ್ರಮುಖ ಪಕ್ಷಗಳ ಪೈಕಿ, ಎಸ್‌ಪಿಯಿಂದ 28 ಅಭ್ಯರ್ಥಿಗಳಲ್ಲಿ 17 (ಶೇ. 61), ಆರ್‌ಎಲ್‌ಡಿಯ 29 ಅಭ್ಯರ್ಥಿಗಳಲ್ಲಿ 15 (ಶೇ. 52), ಬಿಜೆಪಿಯ 57 ಅಭ್ಯರ್ಥಿಗಳಲ್ಲಿ 22 (ಶೇ. 39), INC ಯ 58 ಅಭ್ಯರ್ಥಿಗಳಲ್ಲಿ 11 (19%), BSP ಯ 56 ಅಭ್ಯರ್ಥಿಗಳಲ್ಲಿ 16 (29%) ಮತ್ತು AAP ಯ 52 ಅಭ್ಯರ್ಥಿಗಳಲ್ಲಿ ಐದು (10%) ತಮ್ಮ ವಿರುದ್ಧ "ಗಂಭೀರ ಕ್ರಿಮಿನಲ್ ಮೊಕದ್ದಮೆಗಳನ್ನು" ಘೋಷಿಸಿಕೊಂಡಿದ್ದಾರೆ ಎಂದು ಎಡಿಆರ್ ಗಮನಿಸಿದೆ.

ಮಾಹಿತಿ ಪ್ರಕಾರ, 12 ಅಭ್ಯರ್ಥಿಗಳು "ಮಹಿಳೆಯರ ವಿರುದ್ಧದ ಅಪರಾಧಗಳಿಗೆ" ಸಂಬಂಧಿಸಿದ ಪ್ರಕರಣಗಳನ್ನು ಘೋಷಿಸಿದ್ದಾರೆ ಮತ್ತು ಅವರಲ್ಲಿ ಒಬ್ಬರು ಅತ್ಯಾಚಾರ (IPC ಸೆಕ್ಷನ್ 376)ಕ್ಕೆ ಸಂಬಂಧಿಸಿದ ಪ್ರಕರಣಗಳನ್ನು ಘೋಷಿಸಿದ್ದಾರೆ. "ಗಂಭೀರ ಕ್ರಿಮಿನಲ್ ಪ್ರಕರಣಗಳ" ಮಾನದಂಡವು ಯಾವುದೇ ಅಪರಾಧಕ್ಕೆ ಗರಿಷ್ಠ ಐದು ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಶಿಕ್ಷೆಯನ್ನು ಅಥವಾ ಜಾಮೀನು ರಹಿತವಾಗಿದ್ದರೆ, ಚುನಾವಣಾ ಅಪರಾಧವನ್ನು ಉಲ್ಲೇಖಿಸುತ್ತದೆ.

ಬೊಕ್ಕಸಕ್ಕೆ ಸಂಬಂಧಿಸಿದ ಅಪರಾಧಗಳು, ಹಲ್ಲೆ, ಕೊಲೆ, ಅಪಹರಣ, ಅತ್ಯಾಚಾರಕ್ಕೆ ಸಂಬಂಧಿಸಿದ, ಪ್ರಜಾಪ್ರತಿನಿಧಿ ಕಾಯಿದೆ (ವಿಭಾಗ 8), ಭ್ರಷ್ಟಾಚಾರ ತಡೆ ಕಾಯಿದೆಯ ಅಡಿಯಲ್ಲಿರುವ ಅಪರಾಧಗಳು ಮತ್ತು ಮಹಿಳೆಯರ ವಿರುದ್ಧದ ಅಪರಾಧಗಳು "ಗಂಭೀರ ಕ್ರಿಮಿನಲ್ ಪ್ರಕರಣಗಳು" ಎಂದು ಅರ್ಹತೆ ಪಡೆಯುತ್ತವೆ ಎಂದು ಎಡಿಆರ್ ಹೇಳಿದೆ. ಆರು ಅಭ್ಯರ್ಥಿಗಳು ತಮ್ಮ ವಿರುದ್ಧ ಕೊಲೆ (ಐಪಿಸಿ ಸೆಕ್ಷನ್ 302) ಮತ್ತು 30 ಮಂದಿ ತಮ್ಮ ವಿರುದ್ಧ ಕೊಲೆ ಯತ್ನ (ಐಪಿಸಿ ಸೆಕ್ಷನ್ 307) ಪ್ರಕರಣಗಳನ್ನು ಘೋಷಿಸಿಕೊಂಡಿದ್ದಾರೆ ಎಂದು ವಕೀಲರ ಗುಂಪು ಹೇಳಿದೆ.

English summary

Uttra Pradesh Election 2022 Phase-I Voting Date, Time, Results, Candidates, Key Constituencies, Exit Poll – All you need to know in kannada. Read on.