ರಾಣಿ ಎಲಿಜಬೆತ್ ಅವರ ಕೊಹಿನೂರ್ ವಜ್ರದ ಕಿರೀಟದ ವಿಶೇಷತೆ ಏನು?
ಲಂಡನ್, ಸೆಪ್ಟೆಂಬರ್ 09: ಬ್ರಿಟನ್ ರಾಣಿ ಎಲಿಜಬೆತ್ II ತಮ್ಮ 96 ನೇ ವಯಸ್ಸಿನಲ್ಲಿ ನಿಧನರಾದರು. ರಾಣಿ ಎಲಿಜಬೆತ್ ಸ್ಕಾಟ್ಲೆಂಡ್ನ ಬಾಲ್ಮೋರಲ್ ಕ್ಯಾಸಲ್ನಲ್ಲಿ ಕೊನೆಯುಸಿರೆಳೆದರು. ಅವರ ನಂತರ ಅವರ ಪರಂಪರೆಯನ್ನು ಅವರ ಹಿರಿಯ ಮಗ ಕಿಂಗ್ ಪ್ರಿನ್ಸ್ ಚಾರ್ಲ್ಸ್ ಮತ್ತು ಅವರ ಪತ್ನಿ ಕ್ಯಾಮಿಲ್ಲಾ ಪಾರ್ಕರ್ ನಿರ್ವಹಿಸುತ್ತಾರೆ. ಜೊತೆಗೆ ರಾಣಿ ಎಲಿಜಬೆತ್ ಅವರ ಕಿರೀಟವು ಕ್ಯಾಮಿಲ್ಲಾ ಪಾರ್ಕರ್ ಅವರ ತಲೆಯನ್ನು ಅಲಂಕರಿಸುತ್ತದೆ. ಈ ಕಿರೀಟವು ಬ್ರಿಟಿಷ್ ರಾಣಿಯ ಕಿರೀಟ. ಈ ಕಿರೀಟವು ಬಹಳ ವಿಶೇಷ ಮತ್ತು ಮೌಲ್ಯಯುತವಾಗಿದೆ. ಈ ಕಿರೀಟದ ಬಗ್ಗೆ ವಿವರವಾಗಿ ತಿಳಿಯೋಣ.
70 ವರ್ಷಗಳ ಅಧಿಕಾರಾವಧಿ, 15 PM ನೇಮಕಾತಿ, 96 ನೇ ವಯಸ್ಸಿನಲ್ಲಿ ವಿದಾಯ ಹೇಳಿದ ರಾಣಿ
ರಾಣಿ ಎಲಿಜಬೆತ್ ಅವರ ನಿರ್ಗಮನದ ನಂತರ, ಅವರ ಸೊಸೆ ಕ್ಯಾಮಿಲ್ಲಾ ಅವರ ಕೊಹಿನೂರ್ ವಜ್ರಖಚಿತ ಕಿರೀಟವನ್ನು ಪಡೆಯುತ್ತಾರೆ. ಈ ಕಿರೀಟವು ತುಂಬಾ ವಿಶೇಷ ಮತ್ತು ಮೌಲ್ಯಯುತವಾಗಿದೆ. ರಾಣಿಯ ಈ ಕಿರೀಟವು ಯಾವಾಗಲೂ ಆಕರ್ಷಣೆಯ ಕೇಂದ್ರವಾಗಿದೆ. ಅವರು ಯಾವಾಗಲೂ ಈ ಕಿರೀಟದೊಂದಿಗೆ ಕಾಣುತ್ತಿದ್ದರು. ಈ ಕಿರೀಟ ಎಲಿಜಬೆತ್ II ರ ಸೌಂದರ್ಯವನ್ನು ಇನ್ನಷ್ಟು ಇಮ್ಮಡಿಗೊಳಿಸಿತ್ತು. ಈ ಕಿರೀಟವನ್ನು ಜೂನ್ 1953 ರಲ್ಲಿ ಎಲಿಜಬೆತ್ ಪಟ್ಟಾಭಿಷೇಕದ ಸಮಯದಲ್ಲಿ ನೀಡಲಾಯಿತು ಮತ್ತು ಅಂದಿನಿಂದ ಅದು ಅವರು ತಲೆಯನ್ನು ಅಲಂಕರಿಸಿದೆ.
ಭಾರತದಲ್ಲಿ ಕಂಡುಬಂದ ಕೊಹಿನೂರ್ ವಜ್ರ
ರಾಣಿಯ ಈ ಕಿರೀಟವು ಕೊಹಿನೂರ್ ವಜ್ರಗಳಿಂದ ಕೂಡಿದೆ. ಈ ಕಿರೀಟ 105.6-ಕ್ಯಾರೆಟ್ ವಜ್ರವನ್ನು ಒಳಗೊಂಡಿದೆ. ಈ ವಜ್ರಗಳನ್ನು ನೂರಾರು ವರ್ಷಗಳ ಹಿಂದೆ ಹೊರತೆಗೆಯಲಾಯಿತು. ಈ ವಜ್ರವು 14 ನೇ ಶತಮಾನದಲ್ಲಿ ಭಾರತದಲ್ಲಿ ಕಂಡುಬಂದಿದೆ ಮತ್ತು ಕಾಲಾನಂತರದಲ್ಲಿ ಈ ವಜ್ರವು ವಿವಿಧ ಸ್ಥಳಗಳಲ್ಲೂ ಕಂಡುಬಂದಿದೆ. 1849 ರಲ್ಲಿ ಬ್ರಿಟಿಷ್ ಆಳ್ವಿಕೆಯಲ್ಲಿ ವಜ್ರವನ್ನು ರಾಣಿ ವಿಕ್ಟೋರಿಯಾಗೆ ಹಸ್ತಾಂತರಿಸಲಾಯಿತು. ಅಂದಿನಿಂದ ಕೊಹಿನೂರ್ ವಜ್ರವು ರಾಣಿ ಎಲಿಜಬೆತ್ ಅವರ ತಲೆಯನ್ನು ಅಲಂಕರಿಸಿದೆ.
ಸಾವಿರಾರು ಕೋಟಿ ಬೆಲೆ ಬಾಳುವ ಕಿರೀಟ
ಬ್ರಿಟನ್ ರಾಣಿ ಎಲಿಜಬೆತ್ ಅವರು ಧರಿಸುವ ಈ ಕಿರೀಟದ ಬೆಲೆಯನ್ನು ನೀವು ಕೇಳಿದರೆ ನಿಜಕ್ಕೂ ಆಶ್ಚರ್ಯ ಪಡುತ್ತೀರಿ. ಹಲವು ಜನರು ಅದರ ಮೌಲ್ಯವನ್ನು ತಿಳಿದುಕೊಳ್ಳಲು ಯಾವಾಗಲೂ ಕುತೂಹಲದಿಂದ ಕೂಡಿರುತ್ತಾರೆ. ಈ ಕಿರೀಟದ ಬೆಲೆಯನ್ನು ಅಂದಾಜಿಸಲಾಗಿದೆ. ಏಕೆಂದರೆ ಅದರ ಮೌಲ್ಯವನ್ನು ಅದರಲ್ಲಿ ಹೊದಿಸಿದ ರತ್ನಗಳು ಮತ್ತು ಆಭರಣಗಳ ಮೊತ್ತದಿಂದ ಮಾತ್ರ ಅಂದಾಜು ಮಾಡಬಹುದು. ರಾಣಿಯ ಈ ಕಿರೀಟದ ಬೆಲೆ ಸುಮಾರು 3600 ಕೋಟಿ ಎಂದು ಹೇಳಲಾಗಿದೆ. ಸಂಪೂರ್ಣ ಸೆಟ್ನ ಬೆಲೆ 4500 ಕೋಟಿ ಎಂದು ಹೇಳಲಾಗುತ್ತದೆ.
ವಜ್ರದಲ್ಲಿ ಕೊಹಿನೂರ್ ಹೊರತುಪಡಿಸಿ ಇನ್ನೇನು ಇದೆ?
ಬ್ರಿಟನ್ನ ರಾಯಲ್ ಕ್ರೌನ್ ಬೆಳ್ಳಿಯ ಆರೋಹಣಗಳಲ್ಲಿ ವಜ್ರದ ಆರೋಹಣಗಳನ್ನು ಹೊಂದಿದೆ ಮತ್ತು ಭವ್ಯವಾದ ಕಟ್ಟಿಂಗ್ ಹೊಂದಿದೆ. ಚಿನ್ನದ ಆರೋಹಣಗಳಲ್ಲಿ ಕೆತ್ತಲಾದ ವರ್ಣರಂಜಿತ ರತ್ನಗಳಲ್ಲಿ ನೀಲಮಣಿಗಳು, ಪಚ್ಚೆಗಳು ಮತ್ತು ಮುತ್ತುಗಳು ಸೇರಿವೆ. ಸುಮಾರು 1.28 ಕೆಜಿ ತೂಕದ ಕಿರೀಟವು ಅನೇಕ ಹಳೆಯ ಮತ್ತು ಅಮೂಲ್ಯವಾದ ರತ್ನಗಳಿಂದ ಕೂಡಿದೆ. ಇದು ನೀಲಮಣಿಗಳಿಂದ ಹಿಡಿದು ಎಡ್ವರ್ಡ್ ದಿ ಬ್ಲ್ಯಾಕ್ ಪ್ರಿನ್ಸ್ನ ಮಾಣಿಕ್ಯಗಳು, ಎಲಿಜಬೆತ್ I ರ ಮುತ್ತುಗಳು ಮತ್ತು ಕುಲ್ಲಿನನ್ II ರ ವಜ್ರಗಳು ಎಲ್ಲವನ್ನೂ ಒಳಗೊಂಡಿದೆ.
ಯಾರು ಧರಿಸುತ್ತಾರೆ ಬ್ರಿಟನ್ ಕಿರೀಟ?
ಬ್ರಿಟನ್ನ ದೀರ್ಘಾವಧಿಯ ದೊರೆ, ರಾಣಿ ಎರಡನೇ ಎಲಿಜಬೆತ್ ಅವರು 96 ನೇ ವಯಸ್ಸಿನಲ್ಲಿ ನಿಧನರಾದರು. ಅವರು ಬ್ರಿಟನ್ ಇತಿಹಾಸದಲ್ಲಿ ದೀರ್ಘಾವಧಿಯ ರಾಣಿಯಾಗಿದ್ದರು. ರಾಣಿಯ ಸಾವಿನೊಂದಿಗೆ ಅವರ ಹಿರಿಯ ಮಗ ಪ್ರಿನ್ಸ್ ಚಾರ್ಲ್ಸ್ ಈಗ ರಾಜನಾಗುತ್ತಾರೆ. ಬ್ರಿಟನ್ನಲ್ಲಿ ರಾಣಿ ಎಲಿಜಬೆತ್ ಸ್ಥಾನವನ್ನು ಅವರ ಹಿರಿಯ ಮಗ ಕಿಂಗ್ ಪ್ರಿನ್ಸ್ ಚಾರ್ಲ್ಸ್ ಮತ್ತು ಅವರ ಪತ್ನಿ ಕ್ಯಾಮಿಲ್ಲಾ ಪಾರ್ಕರ್ ಅಲಂಕರಿಸಲಿದ್ದಾರೆ. ರಾಣಿ ಎಲಿಜಬೆತ್ ಅವರ ನಂತರ ಅವರ ಸೊಸೆ ಕ್ಯಾಮಿಲ್ಲಾ ಅವರ ಕೊಹಿನೂರ್ ವಜ್ರಖಚಿತ ಕಿರೀಟವನ್ನು ಪಡೆಯುತ್ತಾರೆ.