ಎರಡನೇ ಶನಿವಾರ ರಜೆ ಬಗ್ಗೆ ಸ್ಪಷ್ಟನೆ ನೀಡಿದ ರಾಜ್ಯ ಸರ್ಕಾರ
ಬೆಂಗಳೂರು, ಅಕ್ಟೋಬರ್ 11: ಎರಡನೇ ಶನಿವಾರ (ಅಕ್ಟೋಬರ್ 13) ದಂದು ಮಾಮೂಲಿನಂತೆ ಸರ್ಕಾರಿ ರಜೆ ಇದೆ ಎಂದು ಸರ್ಕಾರ ಸ್ಪಷ್ಟಪಡಿಸಿದೆ.
ಎರಡನೇ ಶನಿವಾರ (ಅಕ್ಟೋಬರ್ 13) ಇದ್ದ ರಜೆಯನ್ನು ರದ್ದು ಪಡಿಸಿ ಮೂರನೇ ಶನಿವಾರಕ್ಕೆ (ಅಕ್ಟೋಬರ್ 20) ರಂದು ರಜೆ ನೀಡಿ ದಸರಾ ರಜೆ ಸತತವಾಗಿ ನಾಲ್ಕು ದಿನ ದೊರಕುವಂತೆ ಮಾಡಲಾಗಿದೆ ಎಂದು ಕೆಲವು ಮಾಧ್ಯಮಗಳಲ್ಲಿ ಸುದ್ದಿ ಹರಿದಾಡಿತ್ತು ಹಾಗಾಗಿ ಸರ್ಕಾರ ಈ ಸ್ಪಷ್ಟನೆ ನೀಡದೆ.
ಗುರುವಾರ (ಅ 18) ಆಯುಧಪೂಜೆ, ಶುಕ್ರವಾರ (ಅ 19) ವಿಜಯದಶಮಿಗೆ ಸರ್ಕಾರಿ ರಜೆ ಇದೆ ಹಾಗಾಗಿ ಶನಿವಾರ (ಅ 20) ರಜೆ ನೀಡಿದರೆ ಮರುದಿನ ಭಾನುವಾರ (ಅ 21) ಸೇರಿ ಒಟ್ಟು ನಾಲ್ಕು ದಿನಗಳ ಸಾಲುಸಾಲು ರಜೆ ಆಗುತ್ತದೆ ಹಾಗಾಗಿ ಸರ್ಕಾರ ಈ ನಿರ್ಣಯ ಕೈಗೊಂಡಿದೆ ಎಂದು ಕೆಲವು ಮಾಧ್ಯಮಗಳಲ್ಲಿ ವರದಿ ಆಗಿತ್ತು.
ಆದರೆ ಇದೀಗ ಸರ್ಕಾರವು ಮೂರನೇ ಶನಿವಾರ ರಜೆ ಇಲ್ಲವೆಂದು ಸ್ಪಷ್ಟನೆ ನೀಡಿರುವ ಕಾರಣ ಸರ್ಕಾರಿ ನೌಕರರು ನಿರಾಸೆ ಅನುಭವಿಸುವಂತಾಗಿದೆ. ಸರ್ಕಾರ ರಜೆ ನೀಡದಿದ್ದರೂ ಸಹ ರಜೆ ಹೆಚ್ಚಿನ ಜನ ರಜೆ ತೆಗೆದುಕೊಳ್ಳುತ್ತಾರೆ.
Click it and Unblock the Notifications
Sign in with Google