ಭದ್ರಾ ಅರಣ್ಯದಲ್ಲಿ 67 ವರ್ಷಗಳ ನಂತರ ಕಾಣಿಸಿದ ನೀಲ್‌ಗಾಯ್!

ಚಿಕ್ಕಮಗಳೂರು, ಮಾರ್ಚ್ 10: ಭದ್ರಾ ಅರಣ್ಯದಲ್ಲಿ 67 ವರ್ಷಗಳ ಬಳಿಕ ಮೊದಲ ಬಾರಿಗೆ ನೀಲ್ ಗಾಯ್ ಎಂಬ ಅಪರೂಪದ ಪ್ರಾಣಿ ಪ್ರವಾಸಿಗರ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಅರವತ್ತೇಳು ವರ್ಷಗಳ ಬಳಿಕ ಇಲ್ಲಿನ ಭದ್ರಾ ಮುತ್ತೋಡಿ ಅರಣ್ಯ ಪ್ರದೇಶದಲ್ಲಿ ಶನಿವಾರ ಜಿಂಕೆ ಪ್ರಭೇದಕ್ಕೆ ಸೇರಿರುವ ನೀಲ್​ಗಾಯ್ ಎಂಬ ಅಪರೂಪದ ಪ್ರಾಣಿ ಪ್ರವಾಸಿಗರಿಗೆ ಕಾಣಿಸಿಕೊಂಡಿದೆ. 1950ರಲ್ಲಿ ಬಂಡೀಪುರ ಅರಣ್ಯದಲ್ಲಿ ಕಾಣಿಸಿಕೊಂಡ ದಾಖಲೆಗಳು ಲಭ್ಯವಿದೆ. ಮಹಾರಾಷ್ಟ್ರ, ಮಧ್ಯಪ್ರದೇಶ ಮೊದಲಾದ ರಾಜ್ಯಗಳಲ್ಲಿ ಮಾತ್ರ ಕಂಡು ಬರುವ ಪ್ರಾಣಿ ಇದಾಗಿದೆ.

ಹುಲಿ-ಚಿರತೆಯಂತಹ ಮಾಂಸಹಾರಿ ಪ್ರಾಣಿಗಳಿಗೆ ಇದು ಸುಲಭವಾಗಿ ಸಿಗುತ್ತದೆ. ಸಫಾರಿ ವೇಳೆ ಪ್ರವಾಸಿಗರೊಬ್ಬರು ತೆಗೆದ ಚಿತ್ರದಲ್ಲಿ ಬ್ಲ್ಯೂ ಬುಲ್​ ಅಂತಲೂ ಕರೆಸಿಕೊಳ್ಳುವ ನೀಲ್​ಗಾಯ್​ ಸೆರೆ ಸಿಕ್ಕಿದ್ದು ಆರು ದಶಕಗಳ ನಂತರ ಕರ್ನಾಟಕದಲ್ಲಿ ಕಾಣಿಸಿಕೊಂಡಿದೆ.

ಹುಲ್ಲುಗಾವಲಿನಲ್ಲಿ ವಾಸಿಸುವ ಈ ಪ್ರಾಣಿ ಕಾಡಿನಲ್ಲಿ ಹೆಚ್ಚು ದಿನ ಉಳಿಯುವುದಿಲ್ಲ. ಹಾಗಾಗಿ ಭದ್ರಾ ಹುಲಿ ಯೋಜನೆ ನಿರ್ದೇಶಕ ಕಾಂತರಾಜ್​ ಅವರು ನೀಲ್​ಗಾಯ್​ನನ್ನು ಆದಷ್ಟು ಬೇಗ ಪತ್ತೆ ಮಾಡುವಂತೆ ಅರಣ್ಯ ಸಿಬ್ಬಂದಿಗೆ ಸೂಚಿಸಿದ್ದಾರೆ.

English summary

Nilgai or blue bull was sighted at Bhadra forest in a tourist camera after six decades. This rare species was sighted in Bhandipur forest 67 years ago, forest officals said.