ಬೀದಿ ನಾಯಿಗೆ ಕೃತಕ ಕಾಲು ಜೋಡಿಸಿದ ಕೊಪ್ಪಳ ಕಿಮ್ಸ್ ವೈದ್ಯರು

ಕೊಪ್ಪಳ, ಅಕ್ಟೋಬರ್ 8: ಹಿಂಬದಿಯ ಕಾಲಿನ ಸ್ವಾಧೀನವನ್ನು ಕಳೆದುಕೊಂಡಿದ್ದ ಇಲ್ಲಿನ ಬೀದಿ ನಾಯಿಯೊಂದಕ್ಕೆ ಚಕ್ರದಿಂದ ಕೂಡಿದ ಕೃತಕ ಕಾಲು ಅಳವಡಿಸಿ ಕಿಮ್ಸ್ ಮೆಡಿಕಲ್ ಕಾಲೇಜಿನ ವೈದ್ಯರು ಮಾನವೀಯತೆ ಮೆರೆದಿದ್ದಾರೆ.

ಇಲ್ಲಿನ ವೈದ್ಯಕೀಯ ಕಾಲೇಜಿನ ವಸತಿ ಗೃಹದ ಸಮೀಪ ಈ ನಾಯಿ ಕಾಲಿನ ಸ್ವಾಧೀನ ಕಳೆದುಕೊಂಡು ತೆವಳುತ್ತಾ ಸಾಗುತ್ತಿತ್ತು.

ಇದನ್ನು ಕಂಡ ಕಿಮ್ಸ್ ನಿರ್ದೇಶಕ ಶಂಕರ್ ಮಲ್ಯಾಪುರೆ ಮತ್ತು ಎಲೆಕ್ಟ್ರೀಷಿಯನ್ ತಿಮ್ಮಾ ರೆಡ್ಡಿ ಪರಸ್ಪರ ಚರ್ಚೆ ನಡೆಸಿದ್ದಾರೆ. ನಂತರ ವೈದ್ಯರಾದ ಗೌತಮ ದೇಶಪಾಂಡೆ ಜತೆ ಸೇರಿ ಶಂಕರ್ ಮಲ್ಯಾಪುರೆ ನಾಯಿಗೆ ಚಕ್ರ ಅಳವಡಿಸಿ ಕೃತಕ ಕಾಲಿನ ವ್ಯವಸ್ಥೆ ಕಲ್ಪಿಸಿದ್ದಾರೆ.

800 ರೂಪಾಯಿ ವೆಚ್ಚ

ನಾಯಿಯ ಹೊಟ್ಟೆಯ ಭಾಗಕ್ಕೆ ಪೈಪ್ ಜೋಡಿಸಿ ಅದಕ್ಕೆ ಚಕ್ರ ಕೂರಿಸಲಾಗಿದೆ. ಇದಕ್ಕೆ ಒಟ್ಟು 800 ರೂಪಾಯಿ ಖರ್ಚು ತಗುಲಿದೆ.

ಆರಂಭದಲ್ಲಿ ಮೂರು ನಾಲ್ಕು ದಿನ ಕೃತಕ ಕಾಲು ಅಳವಡಿಸಿದಾಗ ನಾಯಿ ನಡೆಯಲು ಹಿಂಜರಿದಿದೆ. ಆದರೆ ನಿಧಾನಕ್ಕೆ ನಡೆಯಲು ಆರಂಭಿಸಿದೆ. ಸದ್ಯ ಹಿಂಭಾಗಕ್ಕೆ ಚಕ್ರದ ಕೃತಕ ಕಾಲು ಅಳವಡಿಸಿದ್ದರಿಂದ ಎರಡು ಕಾಲುಗಳ ಮೂಲಕವೇ ಈಗ ನಾಯಿ ಸುಲಭವಾಗಿ ನಡೆದಾಡುತ್ತಿದೆ.

English summary

Doctors of the KIMS Medical College have shown their humanity by joining wheel-driven artificial leg to the street dog.