• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕರ್ನಾಟಕ ಗ್ರಾ.ಪಂ ಚುನಾವಣೆಯಲ್ಲಿ ಈ ನಿಯಮಗಳ ಪಾಲನೆ ಕಡ್ಡಾಯ

|

ಬೆಂಗಳೂರು, ಸಪ್ಟೆಂಬರ್.04: ಕರ್ನಾಟಕದಲ್ಲಿ ಕೊರೊನಾವೈರಸ್ ಸೋಂಕು ಹರಡುವಿಕೆ ಆತಂಕದ ನಡುವೆ 2020ನೇ ಸಾಲಿನಲ್ಲಿ ಗ್ರಾಮ ಪಂಚಾಯಿತಿ ಚುನಾವಣೆ ನಡೆಸುವುದಕ್ಕೆ ತೀರ್ಮಾನಿಸಿದೆ. ರಾಜ್ಯ ಚುನಾವಣಾ ಆಯೋಗವು ಇದಕ್ಕೆ ಸಂಬಂಧಿಸಿದಂತೆ ಮಾರ್ಗಸೂಚಿಗಳನ್ನು ಹೊರಡಿಸಿದೆ.

      BBMP Election ಮುಂದೂಡಲು ಪಾಲಿಕೆ ಪಾಲಿಟಿಕ್ಸ್!! | Oneindia Kannada

      ಮೋದಿ ಕನಸಿಗೆ ಕೊಳ್ಳಿ ಇಟ್ಟ ಕೆಎಸ್ಎಸ್ಐಡಿಸಿ, ಏನಿದು ಭಾರಿ ಆರೋಪ?

      ಕೊವಿಡ್-19 ತಡೆಗಟ್ಟುವುದರ ಜೊತೆಗೆ ಸುರಕ್ಷಿತ ರೀತಿಯಲ್ಲಿ ಗ್ರಾಮ ಪಂಚಾಯಿತಿ ಚುನಾವಣೆಗಳನ್ನು ನಡೆಸುವುದಕ್ಕೆ ಅನುಸರಿಸಬೇಕಾದ ಕ್ರಮಗಳ ಬಗ್ಗೆ ಆಗಸ್ಟ್.18ರಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ತಾಂತ್ರಿಕ ನಿಪುಣರೊಂದಿಗೆ ವಿಸ್ತೃತವಾಗಿ ಚರ್ಚಿಸಲಾಗಿತ್ತು.

      ಅಕ್ಟೋಬರ್‌ನಲ್ಲಿ ಗ್ರಾ.ಪಂ. ಚುನಾವಣೆ ಫಿಕ್ಸ್‌; ಲಾಕ್‌ಡೌನ್‌ ಫಲಿತಾಂಶ ನಿಶ್ಚಿತ!

      ರಾಜ್ಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯು ನೀಡಿರುವ ಸಲಹೆಗಳನ್ನು ಆಧರಿಸಿ ರಾಜ್ಯ ಚುನಾವಣಾ ಆಯೋಗವು ಚುನಾವಣೆ ಸಂದರ್ಭದಲ್ಲಿ ಅನುಸರಿಸಲು ಪ್ರಮಾಣಿತ ಕಾರ್ಯನಿರ್ವಹಣಾ ಪದ್ಧತಿ(SOP)ಯನ್ನು ರಚಿಸಿದೆ. ಈ ಕುರಿತು ಒಂದು ವಿಸ್ತೃತ ವರದಿ ಇಲ್ಲಿದೆ.

      ಕೊರೊನಾವೈರಸ್ ನಿಯಂತ್ರಣಕ್ಕೆ ಸಾಮಾನ್ಯ ಮಾರ್ಗಸೂಚಿ

      ಕೊರೊನಾವೈರಸ್ ನಿಯಂತ್ರಣಕ್ಕೆ ಸಾಮಾನ್ಯ ಮಾರ್ಗಸೂಚಿ

      - ಪ್ರತಿಯೊಬ್ಬರು ಮುಖಕ್ಕೆ ಮಾಸ್ಕ್ ಧರಿಸುವುದು ಕಡ್ಡಾಯ

      - ಗ್ರಾ.ಪಂ ಚುನಾವಣೆಗೆ ಬಳಸುವ ಕೊಠಡಿ ಪ್ರವೇಶಕ್ಕೂ ಮೊದಲು ಥರ್ಮಲ್ ಸ್ಕ್ರೀನಿಂಗ್ ಮತ್ತು ಸ್ಯಾನಿಟೈಸ್ ನಿಂದ ಕೈ ತೊಳೆದುಕೊಳ್ಳುವುದ ಕಡ್ಡಾಯ

      - ಪ್ರತಿಹಂತದಲ್ಲಿ ಭೌತಿಕ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು

      - ಗ್ರಾ.ಪಂ ಚುನಾವಣೆಗೆ ಸಾಧ್ಯವಾದಷ್ಟು ವಿಶಾಲವಾದ ಕೊಠಡಿಗಳನ್ನು ಬಳಸುವುದು

      ಚುನಾವಣಾ ಅಗತ್ಯ ದಾಸ್ತಾನು ಕೊಠಡಿ ಹೇಗಿರಬೇಕು?

      ಚುನಾವಣಾ ಅಗತ್ಯ ದಾಸ್ತಾನು ಕೊಠಡಿ ಹೇಗಿರಬೇಕು?

      - ರಾಜ್ಯದಲ್ಲಿ ನಡೆಯಲಿರುವ ಗ್ರಾ.ಪಂ ಚುನಾವಣೆಗೆ ಅಗತ್ಯವಿರುವ ಫಾರಂ ಮತ್ತು ಕವರ್ ಗಳು ಸೇರಿದಂತೆ ಇತರೆ ದಾಸ್ತಾನುಗಳನ್ನು ಡಿಸ್ ಇನ್ಫೆಕ್ಟ್ ಮಾಡಿದ ಕೊಠಡಿಯಲ್ಲಿ ಇರಿಸಬೇಕು. ಈ ಕೊಠಡಿಯಲ್ಲಿ ಗೊತ್ತುಪಡಿಸಿದ ಅಧಿಕಾರಿಗಳಿಗೆ ಮಾತ್ರ ಪ್ರವೇಶವಿದ್ದು, ಕೊವಿಡ್-19 ಮುನ್ನೆಚ್ಚರಿಕೆ ಕ್ರಮವನ್ನು ಅಧಿಕಾರಿಗಳು ಪಾಲಿಸಬೇಕು.

      ಕೊರೊನಾ ಪರಿಣಾಮ; ಬಿಬಿಎಂಪಿ ಚುನಾವಣೆ ಮುಂದೂಡಿಕೆ?

      - ಆಯೋಗದ ನಿರ್ದೇಶನದಂತೆ ನೇಮಕವಾದ ಚುನಾವಣಾಧಿಕಾರಿ, ಸಹಾಯಕ ಚುನಾವಣಾಧಿಕಾರಿ ಮತ್ತು ಮೀಸಲು ಚುನಾವಣಾಧಿಕಾರಿಗಳಿಗೆ ಪ್ರತ್ಯೇಕ ತಂಡಗಳನ್ನು ರಚಿಸಿ ತರಬೇತಿ ನೀಡಲಾಗುವುದು. ಸಾಧ್ಯವಾದಲ್ಲಿ APP/VC/PPT/Vidoe Clips ಮೂಲಕ ತರಬೇತಿ ನೀಡಲಾಗುವುದು.

      ಅಭ್ಯರ್ಥಿಗಳ ನಾಮಪತ್ರ ಸ್ವೀಕೃತಿ ಪ್ರಕ್ರಿಯೆ ಹೇಗಿರುತ್ತೆ?

      ಅಭ್ಯರ್ಥಿಗಳ ನಾಮಪತ್ರ ಸ್ವೀಕೃತಿ ಪ್ರಕ್ರಿಯೆ ಹೇಗಿರುತ್ತೆ?

      ಕರ್ನಾಟಕ ಪಂಚಾಯತ್ ರಾಜ್ ನಿಯಮಗಳು 1993ರ ಅಡಿಯಲ್ಲಿ ಚುನಾವಣೆ ನಡೆಸಲಾಗುತ್ತಿದ್ದು, ಈ ಅವಧಿಯಲ್ಲಿ ಚುನಾವಣಾಧಿಕಾರಿಗಳು ಪ್ರಮಾಣಿತ ಕಾರ್ಯನಿರ್ವಹಣಾ ಪದ್ಧತಿ(SOP)ಯನ್ನು ಅನುಸರಿಸಬೇಕಾಗಿರುತ್ತದೆ.

      - ನಾಮಪತ್ರ ಸಲ್ಲಿಕೆ ಸಂದರ್ಭದಲ್ಲಿ ಚುನಾವಣಾಧಿಕಾರಿ ಮತ್ತು ಅಭ್ಯರ್ಥಿಗಳು ಕೈಗಳನ್ನು ಸ್ಯಾನಿಟೈಸ್ ನಿಂದ ತೊಳೆದುಕೊಳ್ಳುವುದಲ್ಲದೇ, ಹ್ಯಾಂಡ್ ಗ್ಲೌಸ್, ಮುಖಕ್ಕೆ ಮಾಸ್ಕ್ ಧರಿಸುವುದು ಕಡ್ಡಾಯ.

      - ನಾಮಪತ್ರ ಸಲ್ಲಿಸಲು ಆಗಮಿಸುವ ಅಭ್ಯರ್ಥಿಗಳಿಗೆ ಟೋಕನ್ ನೀಡಲಿದ್ದು, ನಿಗದಿತ ಸಮಯ ಮುಗಿದ ನಂತರ ನಾಮಪತ್ರ ಸಲ್ಲಿಕೆಗೆ ಅವಕಾಶ ಇರುವುದಿಲ್ಲ. ಒಂದು ಬಾರಿಗೆ ಒಬ್ಬ ಅಭ್ಯರ್ಥಿ ಮತ್ತು ಒಬ್ಬ ಸೂಚಕರಿಗೆ ಮಾತ್ರ ಚುನಾವಣಾಧಿಕಾರಿ ಕಚೇರಿ ಪ್ರವೇಶಿಸಿ ನಾಮಪತ್ರ ಸಲ್ಲಿಸಲು ಅವಕಾಶ ನೀಡಲಾಗಿರುತ್ತದೆ

      - ಕೊವಿಡ್-19 ಸೋಂಕು ತಗುಲಿರುವ ವ್ಯಕ್ತಿಯು ನಾಮಪತ್ರ ಸಲ್ಲಿಸಲು ಬಯಸಿದ್ದಲ್ಲಿ ಸೂಚಕರ ಮೂಲಕ ಅವಕಾಶ ಕಲ್ಪಿಸಿ ಕೊಡಲಾಗುವುದು

      - ಕ್ಷೇತ್ರವಾರು ಹಾಜರಿರುವ ಅಭ್ಯರ್ಥಿಗಳ ಸಮ್ಮುಖದಲ್ಲಿಯೇ ನಾಮಪತ್ರಗಳ ಪರಿಶೀಲನೆ ನಡೆಸಬೇಕು. ಈ ಸಂದರ್ಭದಲ್ಲಿ ಕ್ಷೇತ್ರದ ಅಭ್ಯರ್ಥಿ ಅಥವಾ ಸೂಚಕರಿಗೆ ಮಾತ್ರ ಚುನಾವಣಾಧಿಕಾರಿ ಕಚೇರಿ ಪ್ರವೇಶಿಸಲು ಅನುಮತಿ ಇರುತ್ತದೆ

      - ನಾಮಪತ್ರ ವಾಪಸ್ ಪಡೆಯುವ ಸಂದರ್ಭದಲ್ಲಿ ಕೂಡಾ ಅಭ್ಯರ್ಥಿ/ಸೂಚಕ / ಅಭ್ಯರ್ಥಿ ಅಧಿಕೃತಗೊಳಿಸಿರುವ ಏಜೆಂಟ್ ಮೂಲಕ ನಾಮಪತ್ರವನ್ನು ವಾಪಸ್ ಪಡೆಯುವ ಬಗ್ಗೆ ನೋಟಿಸ್ ನೀಡಬಹುದು. ಈ ಸಂದರ್ಭದಲ್ಲಿ ಹ್ಯಾಂಡ್ ಸ್ಯಾನಿಟೈಸ್, ಮುಖಕ್ಕೆ ಮಾಸ್ಕ್, ಹ್ಯಾಂಡ್ ಗ್ಲೌಸ್ ಧರಿಸಿವುದು ಕಡ್ಡಾಯ

      - ಚುನಾವಣಾ ಅಭ್ಯರ್ಥಿಗಳಿಗೆ ಚಿಹ್ನೆ ಹಂಚಿಕೆ ಸಂದರ್ಭದಲ್ಲಿ ಹೆಚ್ಚಿನ ಜನರನ್ನು ಸೇರಿಸದಂತೆ ಎಚ್ಚರಿಕೆ ವಹಿಸುವುದು. ಒಂದು ಚಿಹ್ನೆಯನ್ನು ಒಬ್ಬರಿಗಿಂತ ಹೆಚ್ಚು ಅಭ್ಯರ್ಥಿಗಳು ಕೇಳಿದ್ದಲ್ಲಿ ಲಾಟರಿ ಎತ್ತುವ ಮೂಲಕ ಚಿಹ್ನೆ ವಿತರಣೆ ಮಾಡಲಾಗುವುದು. ಈ ಸಂದರ್ಭದಲ್ಲಿ ಅಭ್ಯರ್ಥಿಗಳ ನಡುವೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ಕ್ರಮ ತೆಗೆದುಕೊಳ್ಳುವುದು

      ಗ್ರಾ.ಪಂ ಅಭ್ಯರ್ಥಿಗಳ ಚುನಾವಣಾ ಪ್ರಚಾರ ಹೇಗಿರಬೇಕು?

      ಗ್ರಾ.ಪಂ ಅಭ್ಯರ್ಥಿಗಳ ಚುನಾವಣಾ ಪ್ರಚಾರ ಹೇಗಿರಬೇಕು?

      - ಗ್ರಾ.ಪಂ ಚುನಾವಣೆಯು ಪಕ್ಷರಹಿತವಾಗಿದ್ದು, ಕ್ಷೇತ್ರದ ವ್ಯಾಪ್ತಿ ಬಹಳ ಚಿಕ್ಕದಾಗಿರುತ್ತದೆ. ಈ ಹಿನ್ನೆಲೆ ಗರಿಷ್ಠ 5 ಜನರೊಂದಿಗೆ ಮಾತ್ರ ಮನೆ ಮನೆಗೆ ತೆರಳಿ ಅಭ್ಯರ್ಥಿಗಳು ಪ್ರಚಾರ ಮಾಡಬಹುದು. ಈ ವೇಳೆ ಮುಖಕ್ಕೆ ಮಾಸ್ಕ್ ಧರಿಸುವುದು ಕಡ್ಡಾಯವಾಗಿರುತ್ತದೆ

      ಗ್ರಾ.ಪಂ. ಚುನಾವಣೆಗೆ ಮತದಾರ ಪಟ್ಟಿ ಪರಿಷ್ಕರಣೆ: ವೇಳಾಪಟ್ಟಿ ಹೀಗಿದೆ

      - ಅಭ್ಯರ್ಥಿಗಳು ನಿಯಮಗಳನುಸಾರ ಮುದ್ರಿಸಿದ ಕರಪತ್ರಗಳನ್ನು ಹಂಚಬಹುದು. ಆದರೆ ಕರಪತ್ರ ಹಂಚುವವರು ಹ್ಯಾಂಡ್ ಸ್ಯಾನಿಟೈಸ್ ಬಳಸಬೇಕು, ಹ್ಯಾಂಡ್ ಗ್ಲೌಸ್ ಮತ್ತು ಮುಖಕ್ಕೆ ಮಾಸ್ಕ್ ಧರಿಸಿರಬೇಕು.

      - ಕೊರೊನಾವೈರಸ್ ಹಿನ್ನೆಲೆ ಗುಂಪು ಗುಂಪಾಗಿ ಪ್ರಚಾರ ಮಾಡುವಂತಿಲ್ಲ ಹಾಗೂ ಧ್ವನಿವರ್ಧಕಗಳನ್ನು ಬಳಸುವಂತಿಲ್ಲ.

      - ಕೊವಿಡ್-19 ಸೋಂಕು ಹೊಂದಿರುವ ಅಭ್ಯರ್ಥಿಗಳು ನೇರವಾಗಿ ಜನರ ನಡುವೆ ಮತ್ತು ಸಮುದಾಯದಲ್ಲಿ ಪ್ರಚಾರ ಮಾಡುವಂತಿಲ್ಲ. ಬದಲಿಗೆ ದೃಶ್ಯ ಮಾಧ್ಯಮಗಳ ಮೂಲಕ ಪ್ರಚಾರ ಮಾಡಬಹುದು

      - ಕೊರೊನಾವೈರಸ್ ನಿಯಂತ್ರಣ ಮಾರ್ಗಸೂಚಿಗಳನ್ನು ಅನುಸರಿಸಿ ತಮ್ಮ ಕ್ಷೇತ್ರಗಳನ್ನು ನಡೆಸುವುದಕ್ಕೆ ಅವಕಾಶವಿದೆ

      ಮತದಾನ ಕೇಂದ್ರದಲ್ಲಿ ಹೇಗಿರಬೇಕು ಸಿದ್ಧತೆ

      ಮತದಾನ ಕೇಂದ್ರದಲ್ಲಿ ಸಿದ್ಧತೆಗೆ ಮಾರ್ಗಸೂಚಿ

      - ಗರಿಷ್ಟ 1000 ಮತಗಳಿಗೆ ಒಂದು ಮತಗಟ್ಟೆಯನ್ನು ತೆರೆಯುವುದು

      - ಮತದಾನಕ್ಕೆ ನಿಗದಿಪಡಿಸಿದ ಹಾಗೂ ಅಕ್ಕಪಕ್ಕದ ಕೊಠಡಿಗಳನ್ನು ಶೇ.1ರಷ್ಟು ಸೋಡಿಯಂ ಹೈಪೋಕ್ಲೋರೈಡ್ ದ್ರಾವಣ ಸಿಂಪಡಿಸಿ ಸಿದ್ಧಗೊಳಿಸಬೇಕು

      - ಮತಗಟ್ಟೆಯಲ್ಲಿ ಪ್ರಿಸೈಡಿಂಗ್ ಅಧಿಕಾರಿ, ಪೊಲಿಂಗ್ ಅಧಿಕಾರಿಗಳು, ಪೊಲಿಂಗ್ ಏಜೆಂಟರು ಕೂರುವ ಸ್ಥಳವನ್ನು ನಿಯಮದಂತೆ ಜೋಡಿಸಿರಬೇಕು.

      - ಮತದಾನದ ಗೌಪ್ಯತೆ ಕಾಪಾಡಲು ಕಂದಾಯ ಅಧಿಕಾರಿಗಳ ಮೂಲಕ ಕಾರ್ಡ್ ಬೋರ್ಡ್ ಗಳನ್ನು ಅವವಡಿಸುವುದು

      - ಮಸ್ಟರಿಂಗ್ ದಿನ ಸಂಜೆ ಮತದಾನದ ಅಧಿಕಾರಿಗಳು ಉಳಿದುಕೊಳ್ಳುವುದಕ್ಕೆ ಪಕ್ಕದಲ್ಲೇ ಸ್ಯಾನಿಟೈಸ್ ಮಾಡಿದ ಕೊಠಡಿಯನ್ನು ನೀಡುವುದು

      - ಮತಕೇಂದ್ರದಿಂದ 200 ಮೀಟರ್ ದೂರದಲ್ಲಿ ಮತದಾರರಿಗೆ ಗುರುತಿನ ಚೀಟಿ ನೀಡುವುದಕ್ಕೆ ಜಾಗವನ್ನು ಗುರುತಿಸುವುದು. ಈ ಸ್ಥಳದಲ್ಲಿ ಸಾಮಾಜಿಕ ಅಂತರವನ್ನು ಕಾಯ್ದುಕೊಂಡು ಅಭ್ಯರ್ಥಿಗಳು ಮತದಾರರಿಗೆ ಗುರುತಿನ ಚೀಟಿಯನ್ನು ನೀಡಬಹುದು

      ಚುನಾವಣೆ ಮಸ್ಟರಿಂಗ್ ಕಾರ್ಯ ನಡುವುದು ಹೇಗೆ?

      ಚುನಾವಣೆ ಮಸ್ಟರಿಂಗ್ ಕಾರ್ಯ ನಡುವುದು ಹೇಗೆ?

      - ಮತದಾನದ ಮಸ್ಟರಿಂಗ್ ಕಾರ್ಯವನ್ನು ಮುಂಚಿತವಾಗಿ ಮಾಡುವುದರಿಂದ ಎಲ್ಲ ಸಿದ್ಧತೆಗಳನ್ನು ಮುಂಚಿತವಾಗಿಯೇ ಮಾಡಿಕೊಳ್ಳಲಾಗಿರುತ್ತದೆ. ಮತಗಟ್ಟೆ ಅಧಿಕಾರಿಗಳನ್ನು ಸಂಬಂಧಿಸಿದ ಮತಗಟ್ಟೆಗೆ ತಲುಪಿಸಲು ರೂಟ್ ಮ್ಯಾಪ್ ಸಿದ್ಧಪಡಿಸುವುದು.

      - ಮಸ್ಟರಿಂಗ್ ದಿನ ಎಲ್ಲ ಅಧಿಕಾರಿಗಳು ಒಂದೇ ಕಡೆಗೆ ಸೇರುವುದನ್ನು ತಪ್ಪಿಸಲು ತಾಲೂಕು ಕೇಂದ್ರಗಳಲ್ಲಿ ಬೇರೆ ಬೇರೆ ಪ್ರದೇಶಗಳಲ್ಲಿ ಮಸ್ಟರಿಂಗ್ ಕೇಂದ್ರಗಳನ್ನು ತೆರೆಯುವುದು.

      - ಯಾವ ಮಸ್ಟರಿಂಗ್ ಕೇಂದ್ರಗಳಲ್ಲಿ ಯಾವ ರೂಟ್ ಮತಗಟ್ಟೆಗಳು ಬರುತ್ತವೆ ಎನ್ನುವ ಬಗ್ಗೆ ಲಿಖಿತ ನೋಟಿಸ್ ಪ್ರದರ್ಶಿಸುವುದು

      - ಮತಗಟ್ಟೆ ಅಧಿಕಾರಿಗಳು ಯಾವ ಮಸ್ಟರಿಂಗ್ ಕೇಂದ್ರಕ್ಕೆ ತೆರಳಬೇಕು ಎನ್ನುವುದನ್ನು ಮುಂಚಿತವಾಗಿಯೇ ತಿಳಿಸಬೇಕು. ಇದರಿಂದ ಹೆಚ್ಚಿನ ಅಧಿಕಾರಿಗಳು ಒಂದು ಕಡೆಯಲ್ಲಿ ಸೇರುವುದನ್ನು ತಪ್ಪಿಸಬಹುದು

      - ಅಗತ್ಯವೆನಿಸಿದಾಗ ಮತಗಟ್ಟೆಯ ಅಧಿಕಾರಿಗಳು ಭೇಟಿಯಾಗಲು ಒಂದು ನಿರ್ದಿಷ್ಟ ಕೊಠಡಿ ಗೊತ್ತುಪಡಿಸುವುದು

      - ಮಸ್ಟರಿಂಗ್ ದಿನ ಮಸ್ಟರಿಂಗ್ ಕೇಂದ್ರಕ್ಕೆ ತೆರಳುವ ಪ್ರತಿಯೊಬ್ಬ ಅಧಿಕಾರಿಗಳು ಮುಖಕ್ಕೆ ಮಾಸ್ಕ್ ಧರಿಸಬೇಕು

      - ಮಸ್ಟರಿಂಗ್ ಕೇಂದ್ರ ಪ್ರವೇಶಕ್ಕೂ ಮೊದಲು ಥರ್ಮಲ್ ಸ್ಕ್ರೀನಿಂಗ್ ನಡೆಸುವುದು. ಕೊವಿಡ್-19 ಸೋಂಕಿನ ಲಕ್ಷಣ ಇಲ್ಲದ ಅಧಿಕಾರಿಗಳಿಗೆ ಮಾತ್ರ ಪ್ರವೇಶ ನೀಡುವುದು

      - ಮತದಾನದ ದಿನ ಒಬ್ಬ ಅಧಿಕಾರಿಗೆ ಮಾಸ್ಕ್, ಹ್ಯಾಂಡ್ ಗ್ಲೌಸ್ ಮತ್ತು ಸ್ಯಾನಿಟೈಸರ್ ಬಾಟಲ್ ನ್ನು ನೀಡುವುದು

      - ಮತಗಟ್ಟೆ ಸಾಮಗ್ರಿ ವಿತರಣೆ ವೇಳೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು ಹಾಗೂ ಒಂದು ವಾಹನದಲ್ಲಿ ನಿರ್ದಿಷ್ಟ ಸಿಬ್ಬಂದಿಯನ್ನು ಮಾತ್ರ ಕಳುಹಿಸಿ ಕೊಡುವುದು

      ಮತದಾನದ ದಿನ ಪ್ರಕ್ರಿಯೆಗಳು ಹೇಗಿರಬೇಕು?

      ಮತದಾನದ ದಿನ ಪ್ರಕ್ರಿಯೆಗಳು ಹೇಗಿರಬೇಕು?

      - ಮತದಾನದ ದಿನ ಪ್ರತಿಯೊಬ್ಬ ಪೊಲಿಂಗ್ ಅಧಿಕಾರಿ ಕಡ್ಡಾಯವಾಗಿ ಮಾಸ್ಕ್, ಹ್ಯಾಂಡ್ ಗ್ಲೌಸ್ ಧರಿಸಬೇಕು

      - ಮತದಾನಕ್ಕೆ ಸಾಲಾಗಿ ನಿಲ್ಲುವ ಮತದಾರರ ನಡುವೆ ಸಾಮಾಜಿಕ ಅಂತರವಿರಬೇಕು. ಮುಖಕ್ಕೆ ಮಾಸ್ಕ್ ಹಾಗೂ ಹ್ಯಾಂಡ್ ಗ್ಲೌಸ್ ಗಳನ್ನು ಧರಿಸುವುದು ಕಡ್ಡಾಯ

      - ಪ್ರತಿಯೊಂದು ಮತಕೇಂದ್ರಗಳಲ್ಲಿ ಮತದಾನಕ್ಕೆ ತೆರಳುವ ಮುನ್ನ ಪ್ರತಿಯೊಬ್ಬರನ್ನು ಥರ್ಮಲ್ ಸ್ಕ್ರೀನಿಂಗ್ ಗೆ ಒಳಪಡಿಸಲು ಆರೋಗ್ಯ ಸಿಬ್ಬಂದಿಯನ್ನು ನಿಯೋಜಿಸುವುದು

      - ಮತಗಟ್ಟೆಯ ಏಜೆಂಟರ್ ಗಳು ನಿಗದಿತ ಸಮಯದಲ್ಲೇ ಮತಗಟ್ಟೆಯಲ್ಲಿ ಹಾಜರಿದ್ದು ಮೀಸಲಿರಿಸಿದ ಆಸನದಲ್ಲಿ ಕುಳಿತಿರಬೇಕು

      - ಮತದಾರರು ಮತ್ತು ಮತಗಟ್ಟೆ ಅಧಿಕಾರಿಗಳ ನಡುವೆ ಅಂತರ ಕಾಯ್ದುಕೊಳ್ಳಬೇಕು

      - ಮಹಿಳಾ ಮತ್ತು ಪುರುಷ ಮತದಾರರಿಗೆ ಪ್ರತ್ಯೇಕ ಸಾಲಿನಲ್ಲಿ ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳುವ ರೀತಿಯಲ್ಲಿ ವ್ಯವಸ್ಥೆ ಕಲ್ಪಿಸುವುದು

      - ಮತದಾರರ ಗುರುತು ಪತ್ತೆ ಬಳಿಕ ಗುರುತಿನ ಚೀಟಿಯನ್ನು ಮತಗಟ್ಟೆಯಲ್ಲೇ ಇರಿಸಿದ ಡಬ್ಬದಲ್ಲಿ ಹಾಕುವಂತೆ ಸೂಚಿಸುವುದು

      - ಮತದಾನದ ಬಳಿಕ ಕೈಗಳನ್ನು ಮುಟ್ಟದೇ ಮತಗಟ್ಟೆಯ ಅಧಿಕಾರಿಯು ಮತದಾರರ ಕೈಬೆರಳಿಗೆ ಅಳಿಸಲಾಗದ ಶಾಯಿ ಹಾಕುವುದು

      - ಕೊವಿಡ್-19 ಸೋಂಕಿತರು ಮತ ಚಲಾವಣೆಯ ಹಕ್ಕನ್ನು ಹೊಂದಿದ್ದು, ಆಸ್ಪತ್ರೆ ಅಥವಾ ಹೋಮ್ ಕ್ವಾರೆಂಟೈನ್ ನಲ್ಲಿದ್ದರೆ ಅಂಥವರಿಗಾಗಿ ರಾಜ್ಯ ಚುನಾವಣಾ ಆಯೋಗವು ಹೊಸ ಮಾರ್ಗಸೂಚಿಯನ್ನು ಬಿಡುಗಡೆ ಮಾಡಲಿದೆ

      - ಮತದಾನ ಮುಕ್ತಾಯದ ಬಳಿಕ ಮತಪೆಟ್ಟಿಗೆಯನ್ನು ಸೀಲ್ ಮಾಡಿಕೊಂಡು ಅಗತ್ಯ ದಾಖಲೆಗಳನ್ನು ಸಿದ್ಧಪಡಿಸಿಕೊಂಡು ನಿಗದಿತ ವಾಹನದಲ್ಲಿ ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳುವ ಮೂಲಕ ಭದ್ರತಾ ಕೊಠಡಿಗೆ ತೆಗೆದುಕೊಂಡು ಹೋಗುವುದು.

      ಮತಎಣಿಕೆ ಸಿದ್ಧತೆ ಮತ್ತು ಮತಎಣಿಕೆ ಕಾರ್ಯ

      ಮತಎಣಿಕೆ ಸಿದ್ಧತೆ ಮತ್ತು ಮತಎಣಿಕೆ ಕಾರ್ಯ

      - ಮತ ಎಣಿಕೆ ಸಂದರ್ಭದಲ್ಲಿ ಅಭ್ಯರ್ಥಿ ಮತ್ತು ಏಜೆಂಟರಿಗೆ ಮಾತ್ರ ಕುಳಿತುಕೊಳ್ಳುವುದುಕ್ಕೆ ಅವಕಾಶ ಕಲ್ಪಿಸುವುದು

      - ಮತ ಎಣಿಕೆ ಕೇಂದ್ರಗಳ ಹೊರಭಾಗದಲ್ಲಿ ಜನರು ಗುಂಪು ಗುಂಪಾಗಿ ಸೇರುವುದನ್ನು ಕಡ್ಡಾಯವಾಗಿ ನಿಷೇಧಿಸಲಾಗಿದೆ

      - ಕೊವಿಡ್-19 ಎಚ್ಚರಿಕೆ ಬಗ್ಗೆ ಎಣಿಕೆ ಕೇಂದ್ರದಲ್ಲಿ ನೋಟಿಸ್ ಅಂಟಿಸಬೇಕು. ನಿಯಮ ಉಲ್ಲಂಘಿಸಿದವರನ್ನು ತಕ್ಷಣ ಎಣಿಕಾ ಕೇಂದ್ರದಿಂದ ಹೊರ ಕಳುಹಿಸುವುದರ ಜೊತೆಗೆ ಶಿಸ್ತು ಕ್ರಮವನ್ನು ತೆಗೆದುಕೊಳ್ಳುವುದು.

      - ಬೆಳಗ್ಗೆ 8 ಗಂಟೆಯಿಂದಲೇ ಮತಎಣಿಕೆ ಕಾರ್ಯ ನಡೆಯುವುದರಿಂದ ಸಿಬ್ಬಂದಿಯು ಮುಂಚಿತವಾಗಿ ಹಾಜರಿರಬೇಕು. ಕೊವಿಡ್-19 ಮುನ್ನೆಚ್ಚರಿಕೆ ಕ್ರಮಗಳ ಬಗ್ಗೆ ಜಾಗರೂಕತೆ ವಹಿಸಿರಬೇಕು.

      - ಮತಎಣಿಕೆ ಬಳಿಕ ಸೀಲ್ ಮಾಡಲಾದ ಟ್ರಂಕ್ ಗಳನ್ನು ತಾಲೂಕಿನ ಉಪ ಖಜಾನೆ ಅಥವಾ ತಹಶೀಲ್ದಾರ್ ಸುಪರ್ಧಿಯ ಕಚೇರಿಯ ಭದ್ರತಾ ಕೊಠಡಿಯಲ್ಲಿ ಇರಿಸುವುದು

      - ಅಂತಿಮವಾಗಿ ವಿಜೇತ ಅಭ್ಯರ್ಥಿಗಳಿಗೆ ದೃಢೀಕರಣ ಪತ್ರ ನೀಡುವ ಸಂದರ್ಭದಲ್ಲಿ ಅಧಿಕಾರಿಗಳು ಹಸ್ತಲಾಘವ ಮಾಡುವಂತಿಲ್ಲ

      - ವಿಜೇತ ಅಭ್ಯರ್ಥಿಯು ಗುಂಪುಗಳಲ್ಲಿ ಮತ್ತು ಮೆರವಣಿಗೆಯ ಮೂಲಕ ವಿಜಯೋತ್ಸವವನ್ನು ಆಚರಿಸುವಂತಿಲ್ಲ

      English summary
      Karnataka State Election Commission Has Issued Standard Operating Procedure For Gram Panchayat Elections.
      ತಾಜಾ ಸುದ್ದಿ ತಕ್ಷಣ ಪಡೆಯಿರಿ
      Enable
      x
      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X