ಕರ್ನಾಟಕ ಚುನಾವಣೆ: 10 ದಿನಗಳಲ್ಲಿ 18 ಲಕ್ಷ ಮತದಾರರ ಚೀಟಿ, 38 ಕೋಟಿ ದಾಖಲೆ ಮುದ್ರಣಕ್ಕೆ ತಯಾರಿ

ಬೆಂಗಳೂರು ಮಾರ್ಚ್ 30: ಕರ್ನಾಟಕ ವಿಧಾನಸಭಾ ಚುನಾವಣಾ ಮತದಾನಕ್ಕೆ ಒಂದು ತಿಂಗಳು ಬಾಕಿ ಇದ್ದು ಚುನಾವಣೆಗೆ ಬೇಕಾದ ಸಿದ್ಧತೆಗಳಿಗೆ ತುಂಬಾ ಕಡಿಮೆ ಸಮಯವಿದೆ. ಹೀಗಾಗಿ 10 ದಿನಗಳಲ್ಲಿ 18 ಲಕ್ಷ ಮತದಾರರ ಚೀಟಿ, 38 ಕೋಟಿ ದಾಖಲೆಗಳನ್ನು ಮುದ್ರಿಸಲು ಚುನಾವಣಾ ಆಯೋಗ ನಿರ್ಧರಿಸಿದೆ.

ಕರ್ನಾಟಕದಾದ್ಯಂತ ಮತದಾರರು ಮತ ಚೀಟಿಗಳನ್ನು ಹಾಗೂ ಅಧಿಕಾರಿಗಳಿಗೆ ದಾಖಲೆಗಳನ್ನು ವಿತರಿಸಲು ಚುನಾವಣಾ ಆಯೋಗ ಹಲವಾರು ಕೋಟಿ ಪುಟಗಳ ದಾಖಲೆಗಳನ್ನು 10 ದಿನಗಳಲ್ಲಿ ಮುದ್ರಿಸಲು ಸಿದ್ಧತೆ ಮಾಡಿಕೊಂಡಿದೆ. 10 ದಿನಗಳಿಗಿಂತಲೂ ಕಡಿಮೆ ಅವಧಿಯಲ್ಲಿ, ECIಯು ಚುನಾವಣಾ ಫೋಟೋ ಗುರುತಿನ ಕಾರ್ಡ್‌ಗಳು (EPIC), ಬ್ರೈಲ್ EPIC ಕಾರ್ಡ್‌ಗಳು, ಮತದಾರರ ಪಟ್ಟಿಗಳು, ಪೂರಕ ಪಟ್ಟಿಗಳು ಮತ್ತು ವೋಟರ್ ಸ್ಲಿಪ್‌ಗಳನ್ನು ಮುದ್ರಿಸುವ ಕಠಿಣ ಕಾರ್ಯವನ್ನು ಹೊಂದಿದೆ. ಜೊತೆಗೆ ಅವುಗಳನ್ನು ಬಳಕೆದಾರರಿಗೆ ಸಮಯಕ್ಕೆ ಸರಿಯಾಗಿ ತಲುಪಿಸುವ ಯೋಜನೆಯನ್ನೂ ಮಾಡಿಕೊಂಡಿದೆ.

ಹೊಸ ಮತದಾರರಿಗೆ ವಿತರಿಸಲು ಬೆಂಗಳೂರು ಒಂದರಲ್ಲೇ 18 ಲಕ್ಷ EPIC ಕಾರ್ಡ್‌ಗಳನ್ನು ಮುದ್ರಿಸಬೇಕಾಗಿದೆ. ಜೊತೆಗೆ 8 ಕೋಟಿ ಪುಟಗಳ ಮತದಾರರ ಪಟ್ಟಿಗಳನ್ನು ಮತಗಟ್ಟೆಗಳಿಗೆ ಕಳುಹಿಸಬೇಕಿದೆ. ಇದರೊಂದಿಗೆ ವೋಟರ್ ಸ್ಲಿಪ್‌ಗಳ ಪುಟಗಳು, 30 ಕೋಟಿಗೂ ಹೆಚ್ಚು ಮತದಾರರ ಪಟ್ಟಿಗಳನ್ನು ಇಸಿಐ ಮುದ್ರಿಸಬೇಕು ಎಂದು ಕರ್ನಾಟಕದ ಮುಖ್ಯ ಚುನಾವಣಾಧಿಕಾರಿಗಳ ಕಚೇರಿಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. A4 ಗಾತ್ರದ ಸುಮಾರು 20,000 ಬ್ರೈಲ್ EPIC ಕಾರ್ಡ್‌ಗಳನ್ನು ವಿಶೇಷ ತಂತ್ರಜ್ಞಾನವನ್ನು ಬಳಸಿಕೊಂಡು ಮುದ್ರಿಸಬೇಕಾಗುತ್ತದೆ.

18 ಲಕ್ಷ ಎಪಿಐಸಿಯಲ್ಲಿ ಈಗಾಗಲೇ 13 ಲಕ್ಷ ಕಾರ್ಡ್‌ಗಳನ್ನು ಮುದ್ರಿಸಲಾಗುತ್ತಿದೆ. ಇವುಗಳಲ್ಲಿ 4.4 ಲಕ್ಷ ಕಾರ್ಡ್‌ಗಳು ರವಾನೆಗೆ ಸಿದ್ಧವಾಗಿವೆ. ಇನ್ನೆರಡು ದಿನಗಳಲ್ಲಿ ಉಳಿದ 5 ಲಕ್ಷ ಕಾರ್ಡ್‌ಗಳನ್ನು ಮತದಾರರಿಗೆ ವೈಯಕ್ತಿಕ ಸಂದೇಶದೊಂದಿಗೆ ಮುದ್ರಿಸಲಾಗುವುದು. ಪ್ರತಿದಿನ 3 ರಿಂದ 3.5 ಲಕ್ಷ ಕಾರ್ಡ್‌ಗಳನ್ನು ಮುದ್ರಿಸಲಾಗುತ್ತಿದೆ.

24 ಗಂಟೆಗಳ ಒಳಗೆ EPIC

ಚುನಾವಣಾ ಆಯೋಗ ಬೆಂಗಳೂರಿನ ಮಿತಿಗಳಲ್ಲಿ 24 ಗಂಟೆಗಳ ಒಳಗೆ ಮತದಾರರಿಗೆ EPIC ಅನ್ನು ತಲುಪಿಸಲು ಪ್ರಯತ್ನಿಸುತ್ತಿದ್ದರೆ, ಇತರ ನಗರ ಕೇಂದ್ರಗಳಲ್ಲಿ ಎರಡು ದಿನಗಳು ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಮೂರು ದಿನಗಳು ತೆಗೆದುಕೊಳ್ಳಬಹುದು.

ಬೆಂಗಳೂರಿನಲ್ಲಿ ಆಯೋಗವು ಈಗಾಗಲೇ ಮಲ್ಲೇಶ್ವರಂ, ಬಸವನಗುಡಿ, ರಾಜಾಜಿನಗರ ಮತ್ತು ಗಾಂಧಿನಗರದಲ್ಲಿ EPIC ಕಾರ್ಡ್‌ಗಳನ್ನು ರವಾನಿಸಿದೆ. 'ಶೀಘ್ರದಲ್ಲೇ ನಗರ ಮತ್ತು ಮಹದೇವಪುರ ಕ್ಷೇತ್ರಗಳಲ್ಲಿ EPIC ಕಾರ್ಡ್‌ಗಳನ್ನು ಪೋಸ್ಟ್ ಮಾಡಲು ಪ್ರಾರಂಭಿಸುತ್ತೇವೆ. ಇತರ ವಿಭಾಗಗಳನ್ನು ಏಪ್ರಿಲ್ 10 ರೊಳಗೆ ತೆಗೆದುಕೊಳ್ಳಲಾಗುವುದು. ಯಾವುದೇ ಹೊಸ ಮತದಾರರು EPIC ಕಾರ್ಡ್ ಅನ್ನು ಸ್ವೀಕರಿಸದಿದ್ದರೆ, ಅವರು / ಅವಳು ನಮ್ಮ ಸಾಮಾಜಿಕ ಮಾಧ್ಯಮದಲ್ಲಿ ವಿನಂತಿಯನ್ನು ಸಲ್ಲಿಸಬಹುದು. ಬಳಿಕ EPIC ಅನ್ನು ತಲುಪಿಸಲಾಗಿದೆ ಎಂದು ನಾವು ಖಚಿತಪಡಿಸಿಕೊಳ್ಳುತ್ತೇವೆ" ಎಂದು ಅಧಿಕಾರಿಯೊಬ್ಬರು ಹೇಳಿದರು.

ಮೇ 10ಕ್ಕೆ ಚುನಾವಣೆ

ರಾಜ್ಯದ 224 ಕ್ಷೇತ್ರಗಳಿಗೆ ಒಂದೇ ಹಂತದ ಚುನಾವಣೆ ನಡೆಯಲಿದ್ದು, ಏಪ್ರಿಲ್ 13 ರಂದು ಚುನಾವಣೆಗೆ ಅಧಿಕೃತ ಅಧಿಸೂಚನೆ ಪ್ರಕಟವಾಗಲಿದೆ. ಏಪ್ರಿಲ್ 20ಕ್ಕೆ ನಾಮಪತ್ರ ಸಲ್ಲಿಕೆಗೆ ಕೊನೆಯ ದಿನವಾಗಿದೆ. ಏಪ್ರಿಲ್ 21ಕ್ಕೆ ನಾಮ ಪತ್ರ ಪರಿಶೀಲನೆ ನಡೆಯಲಿದ್ದು, ಏಪ್ರಿಲ್ 24 ನಾಮಪತ್ರ ಹಿಂಪಡೆಯಲು ಕೊನೆಯ ದಿನವಾಗಿರುತ್ತದೆ. ಇನ್ನೂ ಮೇ 10 ರಂದು ವಿಧಾನಸಭೆ ಚುನಾವಣೆ ನಡೆಯಲಿದ್ದು, ಮೇ 13ರಂದು ಶನಿವಾರ ಚುನಾವಣಾ ಫಲಿತಾಂಶ ಪ್ರಕಟಗೊಳ್ಳಲಿದೆ. ಮೇ 15 ರೊಳಗೆ ಚುನಾವಣಾ ಪ್ರಕ್ರಿಯೆ ಮುಕ್ತಾಯಗೊಳ್ಳಲಿದೆ ಎಂದು ರಾಜೀವ್ ಕುಮಾರ್ ತಿಳಿಸಿದ್ದರು.

English summary

Karnataka Election: Election Commission has decided to print 18 lakh voter cards, 38 crore records in 10 days.