Karnataka Dam Water Level: ಅಬ್ಬರದ ಮಳೆಯಿಂದ ಭದ್ರಾ ಡ್ಯಾಂಗೆ ಭರ್ತಿ: 14 ಡ್ಯಾಂಗಳ ನೀರಿನ ಮಟ್ಟ ಎಷ್ಟು? ಇಲ್ಲಿದೆ ವಿವರ

ಬೆಂಗಳೂರು, ಜುಲೈ 18: ರಾಜ್ಯದ ಕರಾವಳಿ ಹಾಗೂ ಮಲೆನಾಡು ಭಾಗದಲ್ಲಿ ವರುಣನ ಆರ್ಭಟ ಮುಂದುವರೆದಿದ್ದು, ಭಾರತೀಯ ಹವಾಮಾನ ಇಲಾಖೆ ಹಲವು ಜಿಲ್ಲೆಗಳಿಗೆ 'ರೆಡ್ ಅಲರ್ಟ್' ಘೋಷಿಸಿದೆ. ದಕ್ಷಿಣ ಒಳನಾಡಿನಲ್ಲಿ ಜುಲೈ 20 ರವರೆಗೆ ಆರೆಂಜ್ ಆಲರ್ಟ್ ಘೋಷಿಸಲಾಗಿದೆ. ರಾಜ್ಯದಲ್ಲಿ ಮಳೆಯಾಗುತ್ತಿರುವ ಹಿನ್ನೆಲೆ ರಾಜ್ಯದ ಬಹುತೇಕ ಜಲಾಶಯಗಳ ಒಳಹರಿವು ಹೆಚ್ಚಳವಾಗುತ್ತಿದೆ.

ರಾಜ್ಯದ ಮಲೆನಾಡು ಮತ್ತು ಕರವಾಳಿ ಜಿಲ್ಲೆಗಳಲ್ಲಿ ಭಾರಿ ಮಳೆಯಾಗುತ್ತಿದೆ. ಚಿಕ್ಕಮಗಳೂರು ಜಿಲ್ಲೆಯ ಜಲಾಯನ ಪ್ರದೇಶದಲ್ಲಿ ಉತ್ತಮ ಮಳೆಯಾಗುತ್ತಿದೆ. ಹೀಗಾಗಿ ಲಕ್ಕವಳ್ಳಿಯ ಭದ್ರಾ ಜಲಾಶಯಕ್ಕೆ ಒಳಹರಿವು ಭಾರಿ ಪ್ರಮಾಣದಲ್ಲಿ ಹೆಚ್ಚಳವಾಗಿದೆ. ಭದ್ರಾ ಜಲಾಶಯದಲ್ಲಿ ಕಳೆದೊಂದು ವಾರದಿಂದ ನೀರು ಸಂಗ್ರಹ 8.2 ಅಡಿಯಷ್ಟು ಹೆಚ್ಚಾಗಿದೆ. ಹಾಗಾದ್ರೆ ಭದ್ರಾ ಜಲಾಶಯ ಸೇರಿದಂತೆ ಜುಲೈ 18 ರಂದು ಪ್ರಮುಖ ಜಲಾಶಯಗಳ ನೀರಿನ ಪ್ರಮಾಣ ಎಷ್ಟಿದೆ? ಜಲಾಶಯಕ್ಕೆ ಒಳಹರಿವು ಎಷ್ಟಿದೆ? ಹೊರಹರಿವು ಎಷ್ಟಿದೆ ಎಂಬ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಕರ್ನಾಟಕದ ಪ್ರಮುಖ ಜಲಾಶಯಗಳು	ಗರಿಷ್ಠ ನೀರಿನ ಮಟ್ಟ (ಮೀ)	ಇಂದಿನ ನೀರಿನ ಮಟ್ಟ (ಟಿಎಂಸಿ)	ಒಳಹರಿವು (ಕ್ಯೂಸೆಕ್ಸ್)	ಹೊರಹರಿವು (ಕ್ಯೂಸೆಕ್ಸ್)
ಆಲಮಟ್ಟಿ ಜಲಾಶಯ	519.60	98.73	92,736	55,063
ತುಂಗಭದ್ರಾ ಜಲಾಶಯ	497.71	39.72	49522	391
ಮಲಪ್ರಭಾ ಜಲಾಶಯ	633.80	14.48	11976	194
ಕೆ ಆರ್‌ ಎಸ್	38.04	32.33	36674	2361
ಲಿಂಗನಮಕ್ಕಿ ಜಲಾಶಯ	554.44	62.88	52366	0
ಕಬಿನಿ ಜಲಾಶಯ	696.13	18.45	33640	33625
ಭದ್ರಾ ಜಲಾಶಯ	657.73	33.11	34544	169
ಘಟಪ್ರಭಾ ಜಲಾಶಯ	662.91	28.70	10296	522
ಹೇಮಾವತಿ ಜಲಾಶಯ	890.58	26.05	25862	250
ವರಾಹಿ ಜಲಾಶಯ	594.36	9.44	8578	0
ಹಾರಂಗಿ ಜಲಾಶಯ	871.38	6.49	9257	10,000
ಸೂಫಾ ಜಲಾಶಯ	564.00	57.40	24140	0
ನಾರಾಯಣಪುರ	492.25	29.07	516251	405
ವಾಣಿವಿಲಾಸ ಸಾಗರ	652.24	17.98	0	147

English summary

Check the Water Levels of Major Dams in Karnataka: KRS, Bhadra, Kabini, Alammati Dams water level in Kannada on July 18th 2024: