Karnataka Dam Water Level: ಭರ್ಜರಿ ಮಳೆ; ಸೂಫಾ ಡ್ಯಾಂ ಸೇರಿದಂತೆ ರಾಜ್ಯದ 14 ಜಲಾಶಯಗಳ ನೀರಿನ ಮಟ್ಟ ಎಷ್ಟು?

ಬೆಂಗಳೂರು, ಜುಲೈ 10: ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಅದರಲ್ಲೂ ಕರಾವಳಿ ಭಾಗವಾದ ದಕ್ಷಿಣ ಕನ್ನಡ, ಉಡುಪಿ, ಉತ್ತರ ಕನ್ನಡ ಭಾಗಗಳಲ್ಲಿ ಭಾರೀ ಮಳೆಯಾಗುತ್ತಿದೆ. ಜುಲೈ 12ರವರೆಗೆ ಕರಾವಳಿ ಭಾಗ ಹಾಗೂ ಮಲೆನಾಡು ಭಾಗದಲ್ಲಿ ಹೆಚ್ಚು ಮಳೆಯಾಗಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.

50ರ ಸಂಭ್ರಮ ಹೊತ್ತಲ್ಲೇ ಕಬಿನಿ ಡ್ಯಾಂ ಬಹುತೇಕ ಭರ್ತಿಯಾಗಿದ್ದು, ಕೇರಳ ಮತ್ತು ಕಬಿನಿ ಜಲಾಶಯ ವ್ಯಾಪ್ತಿಯಲ್ಲಿ ಭಾರಿ ಮಳೆಯಾಗುತ್ತಿದೆ. ಇದರಿಂದ ಜಲಾಶಯಕ್ಕೆ ಒಳಹರಿವು ಹೆಚ್ಚಿದೆ. ಜಲಾಶಯಕ್ಕೆ ನಿತ್ಯ 4-5 ಸಾವಿರ ಕ್ಯೂಸೆಕ್​ ನೀರು ಹರಿದು ಬರುತ್ತಿದೆ. ಅಲ್ಲದೇ ರಾಜ್ಯದ ವಿವಿಧ ಭಾಗದಲ್ಲಿ ಅಬ್ಬರದ ಮಳೆಯಾಗುತ್ತಿದ್ದು, ಬಹುತೇಕ ಜಲಾಶಯಗಳು ಭರ್ತಿಯಾಗುತ್ತಿವೆ.

ಇನ್ನೂ ರಾಜ್ಯದಲ್ಲಿ ಕಳೆದ ವರ್ಷಕ್ಕಿಂತ ಈ ಬಾರೀ ಬಹುತೇಕ ಭಾಗದಲ್ಲಿ ಭರ್ಜರಿ ಮಳೆಯಾಗುತ್ತಿದ್ದು, ಕರೆ, ಕಟ್ಟೆ ಹಾಗೂ ಜಲಾಶಯಗಳು ಭರ್ತಿಯಾಗುತ್ತಿವೆ. ಇತ್ತ ಮಳೆಯ ಅಬ್ಬರಕ್ಕೆ ಕಾಳಿ ನದಿಗೆ ಅಡ್ಡಲಾಗಿ ಕಟ್ಟಿರುವ ಸೂಫಾ ಡ್ಯಾಂ ಬಹುತೇಕ ಭರ್ತಿಯಾಗಿದೆ. ಹಾಗಾದ್ರೆ ಸೂಫಾ ಜಲಾಶಯ ಸೇರಿದಂತೆ ಕೆಆರ್​ಎಸ್ ಡ್ಯಾಂ, ತುಂಗಭದ್ರಾ, ಮಲಪ್ರಭಾ, ವಾರಾಹಿ ಜಲಾಶಯಗಳಲ್ಲಿ ಜುಲೈ 10 ರಂದು ನೀರಿನ ಪ್ರಮಾಣ ಎಷ್ಟಿದೆ? ಜಲಾಶಯಕ್ಕೆ ಒಳಹರಿವು ಎಷ್ಟಿದೆ? ಹೊರಹರಿವು ಎಷ್ಟಿದೆ ಎಂಬ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಕರ್ನಾಟಕದ ಪ್ರಮುಖ ಜಲಾಶಯಗಳು	ಗರಿಷ್ಠ ನೀರಿನ ಮಟ್ಟ(ಮೀ)	ಇಂದಿನ ನೀರಿನ ಮಟ್ಟ(ಟಿಎಂಸಿ)	ಒಳಹರಿವು(ಕ್ಯೂಸೆಕ್ಸ್)	ಹೊರಹರಿವು(ಕ್ಯೂಸೆಕ್ಸ್)
ಆಲಮಟ್ಟಿ ಜಲಾಶಯ	519.60	71.39	78668	430
ತುಂಗಭದ್ರಾ ಜಲಾಶಯ	497.71	22.82	23079	235
ಮಲಪ್ರಭಾ ಜಲಾಶಯ	633.80	10.93	25079	235
ಕೆ ಆರ್‌ ಎಸ್	38.04	25.59	6600	574
ಲಿಂಗನಮಕ್ಕಿ ಜಲಾಶಯ	554.44	40.71	23420	1405
ಕಬಿನಿ ಜಲಾಶಯ	696.13	18.52	6148	2000
ಭದ್ರಾ ಜಲಾಶಯ	657.73	23.09	7806	156
ಘಟಪ್ರಭಾ ಜಲಾಶಯ	662.91	21.10	25079	235
ಹೇಮಾವತಿ ಜಲಾಶಯ	890.58	18.81	6166	250
ವರಾಗು ಜಲಾಶಯ	594.36	6.41	3058	0
ಹಾರಂಗಿ ಜಲಾಶಯ	871.38	5.76	2121	700
ಸೂಫಾ	564.00	42.15	19685	2032
ನಾರಾಯಣಪುರ ಜಲಾಶಯ	492.25	21.16	201	201
ವಾಣಿವಿಲಾಸ ಸಾಗರ	652.24	18.06	0	147

English summary

Check the Water Levels of Major Dams in Karnataka: KRS, Bhadra, Kabini, Alammati Dams water level in Kannada on July 10th 2024: