Private Oil Reserves: ಕರ್ನಾಟಕದ ಈ ಜಿಲ್ಲೆಯಲ್ಲಿ ದೇಶದ ಮೊದಲ ಖಾಸಗಿ ತೈಲ ನಿಕ್ಷೇಪ...!
ಬೆಂಗಳೂರು, ಸೆಪ್ಟಂಬರ್ 16: ಭಾರತದಲ್ಲಿ ಪೆಟ್ರೋಲಿಯಂ ಉದ್ಯಮ ಬೆಳೆಯುತ್ತಿದೆ. ಇಂಧನಕ್ಕೆ ಹೆಚ್ಚಿನ ಬೇಡಿಕೆ ಇದೆ. ತೈಲ ನಿಕ್ಷೇಪ ಪತ್ತೆ ಆದರೆ ಅದು ಆ ದೇಶದ ಆರ್ಥಿಕತೆ ಮೇಲೂ ಪರಿಣಾಮ ಬೀರುತ್ತದೆ. ಅಂತದ್ದೇ ತೈಲ ನಿಕ್ಷೇಪವೊಂದು ಕರ್ನಾಟಕದ ಪ್ರಮುಖ ಜಿಲ್ಲೆಯಲ್ಲಿ ನಿರ್ಮಾಣವಾಗುತ್ತಿದೆ. ಇದು ದೇಶದ ಮೊದಲ ಖಾಸಗಿ ತೈಲ ನಿಕ್ಷೇಪ ಎಂದು ವರದಿ ಆಗಿದೆ. ಯಾವ ಜಿಲ್ಲೆ, ಅಪ್ಡೇಟ್ ಏನಿದೆ ಎಂಬ ಮಾಹಿತಿ ನಿಮ್ಮ ಮುಂದೆ.
ಕರ್ನಾಟಕದ ಕರಾವಳಿಯ ಉಡುಪಿ ಜಿಲ್ಲೆಯ ಪಾದೂರಿನಲ್ಲಿ ಭಾರತದ ಮೊದಲ ಖಾಸಗಿ ತಂತ್ರದ ಪೆಟ್ರೋಲಿಯಂ ನಿಕ್ಷೇಪ (SPR) ನಿರ್ಮಾಣವಾಗುತ್ತಿದೆ. ಒಟ್ಟು 39 ಮಿಲಿಯನ್ ಬ್ಯಾರೆಲ್ಗಳ ಸಾಮರ್ಥ್ಯ ಹೊಂದಿದ ನಿಕ್ಷೇಪ ಹೊಂದಿದೆ. ಇದು ಭಾರತದ ಇಂಧನ ಭದ್ರತೆಯನ್ನು ಬಲಪಡಿಸಲಿದೆ. ಸದ್ಯ ಚೀನಾ ದೇಶದಲ್ಲಿ 1,200 ಮಿಲಿಯನ್ ಬ್ಯಾರೆಲ್ ಹಾಗೂ ಅಮೆರಿಕ ದಲ್ಲಿ 727 ಮಿಲಿಯನ್ ಬ್ಯಾರೆಲ್ ಸಾಮರ್ಥ್ಯದ ತೈಲ ನಿಕ್ಷೇಪಗಳಿವೆ ಎಂದು ವರದಿ ಆಗಿದೆ.
ಹೈದರಾಬಾದ್ ಮೂಲದ ಕಂಪನಿಯಾದ ಮೇಘಾ ಎಂಜಿನಿಯರಿಂಗ್ ಮತ್ತು ಇನ್ಫ್ರಾಸ್ಟ್ರಕ್ಚರ್ಸ್ ಗೆ ಈಗಾಗಲೆ ಎಸ್ಪಿಆರ್ ಯೋಜನೆ ನಿರ್ಮಿಸಲು ಆದೇಶಿಸಲಾಗಿದೆ. 5,700 ಕೋಟಿ ರೂಪಾಯಿ ವೆಚ್ಚದಲ್ಲಿ ನಡೆಯಲಿರುವ ಈ ಯೋಜನೆಗೆ ಕಚ್ಚಾ ತೈಲ ತುಂಬಲು ಪ್ರಸ್ತುತ ಬೆಲೆಯಲ್ಲಿ ಅಂದಾಜು 1.25 ಬಿಲಿಯನ್ (ರೂ.11,020 ಕೋಟಿ) ಅವಶ್ಯಕತೆ ಇದೆ. ಐದು ವರ್ಷಗಳ ಅವಧಿಗೆ ಒಪ್ಪಂದದ ಮೇರೆಗೆ ಕಂಪನಿಗೆ ಎಸ್ಪಿಆರ್ ನೀಡಲಾಗಿದೆ.
ಭಾರತದ ಇಂಧನ ಭದ್ರತೆಗೆ ಬಲ
ಪ್ರಸ್ತುತ ಭಾರತದ ಎಸ್ಪಿಆರ್ ಸಾಮರ್ಥ್ಯ 5.33 ಮಿಲಿಯನ್ ಮೆಟ್ರಿಕ್ ಟನ್ (MMT) ನಷ್ಟಿದೆ. ಇದು ಕೇವಲ 8-9 ದಿನಗಳ ಕಚ್ಚಾ ತೈಲ ಬೇಡಿಕೆಯನ್ನು ಪೂರೈಸಬಲ್ಲದು. ಜಿಲ್ಲೆಯ ಪಾದೂರಿನ 2.5 ಮೆಟ್ರಿಕ್ ಟನ್ ಸಾಮರ್ಥ್ಯದ ಹೊಸ SPR ಇದಕ್ಕೆ ಹೆಚ್ಚುವರಿಯಾಗಲಿದೆ. ಭಾರತದಲ್ಲಿನ ಇತರ ಎಸ್ಪಿಆರ್ಗಳನ್ನುಇಂಡಿಯನ್ ಸ್ಟ್ರಾಟೆಜಿಕ್ ಪೆಟ್ರೋಲಿಯಂ ರಿಸರ್ವ್ಸ್ ಲಿಮಿಟೆಡ್ (ISPRL) ನಿರ್ವಹಿಸುತ್ತಿದೆ.
ಕಡಲಾಚೆಯ ಮತ್ತು ಕಡಲಾಚೆಯ ಪೈಪ್ಲೈನ್ಗಳು, ಮೀಸಲಾದ ತೈಲ ಲೋಡಿಂಗ್ ಮತ್ತು ಇಳಿಸುವಿಕೆ ಕೇಂದ್ರಗಳನ್ನು ನಿರ್ಮಿಸದಿದ್ದರೆ. 214 ಸಂಗ್ರಹಿಸಲು ಭೂಮಿಯನ್ನು ಈ ಯೋಜನೆಗೆ ಬಳಸುವ ಸಾಧ್ಯತೆ ಇದೆ. ಇದಕ್ಕಾಗಿ ಮಾತುಕತೆ ನಡೆದಿದ್ದು ಶೀಘ್ರವೇ ಒಪ್ಪಂದ, ಸಹಿ ಪ್ರಕ್ರಿಯೆ ನಡೆಯಲಿವೆ.
ಭಾರತದ ಪೆಟ್ರೋಲಿಯಂ ನಿಕ್ಷೇಪಗಳಲ್ಲಿ ಖಾಸಗಿ ವಲಯದ ಭಾಗವಹಿಸುವಿಕೆ ಬಗ್ಗೆ ಚರ್ಚೆಗಳು ನಡೆಯುತ್ತಲೇ ಇವೆ. 2018ರಲ್ಲಿ ಕೇಂದ್ರ ಸಚಿವ ಸಂಪುಟವು ಕರ್ನಾಟಕದ ಪಾದೂರು (2.5 MMT) ಮತ್ತು ಒಡಿಶಾದ ಚಂಡಿಖೋಲ್ (4 MMT) ಯಲ್ಲಿ ಪಿಪಿಪಿ ಮಾದರಿಯಲ್ಲಿ ನಿಕ್ಷೇಪ ಯೋಜನೆಗಳನ್ನು ಅನುಮೋದಿಸಿತ್ತು ಎಂಬುದನ್ನು ಇಲ್ಲಿ ಸ್ಮರಿಸಬಹುದು.
Click it and Unblock the Notifications
Sign in with Google