ಬೆಂಗಳೂರು-ಬೆಳಗಾವಿ ನಡುವೆ ಐರಾವತ್ ಕ್ಲಬ್ ಕ್ಲಾಸ್‌ ಬಸ್ ಸಂಚಾರ

ಬೆಂಗಳೂರು, ಮಾರ್ಚ್ 21: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ ಬೆಂಗಳೂರು-ಬೆಳಗಾವಿ ನಡುವೆ ಐರಾವತಿ ಕ್ಲಬ್ ಕ್ಲಾಸ್ ಬಸ್ ಸೇವೆಯನ್ನು ಆರಂಭಿಸಿದೆ. ಈ ಬಸ್‌ನಲ್ಲಿ ಸಂಚಾರ ನಡೆಸುವ ಪ್ರಯಾಣಿಕರು 860 ರೂ. ದರವನ್ನು ಪಾವತಿ ಮಾಡಬೇಕಿದೆ.

ಬೆಂಗಳೂರು ಕೇಂದ್ರಿಯ ವಿಭಾಗ ಪ್ರಯಾಣಿಕರ ಅನುಕೂಲಕ್ಕಾಗಿ ಮಾರ್ಚ್ 19ರಿಂದ ಬೆಂಗಳೂರು-ಬೆಳಗಾವಿ ಬಸ್‌ ಸಂಚಾರ ಆರಂಭಿಸಿದೆ. ತುಮಕೂರು, ದಾವಣಗೆರೆ, ಹಾವೇರಿ, ಹುಬ್ಬಳ್ಳಿ, ಧಾರವಾಡ ಮಾರ್ಗವಾಗಿ ಬಸ್ ಸಂಚಾರ ನಡೆಸಲಿದೆ.

ಬೆಂಗಳೂರಿನಿಂದ ಬಸ್ 2200 ಗಂಟೆಗೆ ಹೊರಡಲಿದೆ. ಬೆಳಗಾವಿಯನ್ನು ಮರುದಿನ ಬೆಳಗ್ಗೆ 6 ಗಂಟೆಗೆ ತಲುಪಲಿದೆ. ಬೆಳಗಾವಿಯಿಂದ ಪುನಃ 2200 ಗಂಟೆಗೆ ಹೊರಡಲಿರುವ ಬಸ್ ಮರುದಿನ ಬೆಳಗ್ಗೆ 6 ಗಂಟೆಗೆ ಬೆಂಗಳೂರು ತಲುಪಲಿದೆ.

ಬೆಂಗಳೂರು-ಬನಹಟ್ಟಿ (ಎಸಿ ಸ್ಲೀಪರ್ ಬಸ್); ಕೆಎಸ್ಆರ್‌ಟಿಸಿ ಬೆಂಗಳೂರು ಕೇಂದ್ರಿಯ ವಿಭಾಗ ಬೆಂಗಳೂರು-ಬನಹಟ್ಟಿ ನಡುವೆ ಎಸಿ ಸ್ಲೀಪರ್ ಬಸ್ ಸೇವೆಯನ್ನು ಮಾರ್ಚ್ 19ರಿಂದ ಆರಂಭಿಸಿದೆ. 1040 ರೂ.ಗಳ ದರವನ್ನು ನಿಗದಿ ಮಾಡಲಾಗಿದೆ.

ಬೆಂಗಳೂರು-ಬನಹಟ್ಟಿ ಬಸ್ ಬಾಗಲಕೋಟೆ, ಜಮಖಂಡಿ ಮೂಲಕ ಸಂಚಾರ ನಡೆಸಲಿದೆ. ಬೆಂಗಳೂರಿನಿಂದ 19.45ಕ್ಕೆ ಹೊರಡುವ ಬಸ್ ಬನಹಟ್ಟಿಯನ್ನು 7 ಗಂಟೆಗೆ ತಲುಪಲಿದೆ. ಬನಹಟ್ಟಿಯಿಂದ 17.30ಕ್ಕೆ ಹೊರಡುವ ಬಸ್ ಬೆಂಗಳೂರು ನಗರವನ್ನು5 ಗಂಟೆಗೆ ತಲುಪಲಿದೆ.

English summary

Karnataka State Road Transport Corporation (KSRTC) Bengaluru central division started Airavat club class bus service between Bengaluru and Belagavi.