Bengaluru Rent: ಬಾಡಿಗೆದಾರರಿಗೆ 10 ಗುಡ್‌ನ್ಯೂಸ್, ಕರ್ನಾಟಕ ಬಾಡಿಗೆ ನಿಯಂತ್ರಣ ಕಾಯ್ದೆ 2025 ಹೇಗೆ ಲಾಭ ?

Bengaluru Rent: ಬೆಂಗಳೂರು ಸೇರಿದಂತೆ ಕರ್ನಾಟಕದಾದ್ಯಂತ ಇರುವ ಬಾಡಿಗೆದಾರರಿಗೆ ಕೇಂದ್ರ ಮತ್ತು ರಾಜ್ಯ ಸರ್ಕಾರವು ಭರ್ಜರಿ ಗುಡ್‌ನ್ಯೂಸ್ ಕೊಟ್ಟಿದೆ. ಬೆಂಗಳೂರಿನಲ್ಲಿ ಮನೆಗಳ ಬಾಡಿಗೆ ದುಬಾರಿಯಾಗುತ್ತಿದ್ದು, ಇದೀಗ ಇದಕ್ಕೆ ಕಡಿವಾಣ ಹಾಕುವ ನಿಟ್ಟಿನಲ್ಲಿ ರಾಜ್ಯ ಸರ್ಕಾರವು ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ. ಇದೀಗ ಹೊಸ ನಿಯಮವನ್ನು ಜಾರಿ ಮಾಡಿದೆ. ಕರ್ನಾಟಕ ಸರ್ಕಾರವು ಬಾಡಿಗೆ ನಿಯಂತ್ರಣ ಕಾಯ್ದೆಗೆ ಪ್ರಮುಖ ತಿದ್ದುಪಡಿಗಳನ್ನು ತಂದಿದೆ. ಇದರಿಂದ ಬೆಂಗಳೂರು ಸೇರಿದಂತೆ ಕರ್ನಾಟಕದ ಪ್ರಮುಖ ನಗರಗಳಲ್ಲಿ ನೆಲೆಸಿರುವ ಬಾಡಿಗೆದಾರರಿಗೆ ಭಾರೀ ಅನುಕೂಲವಾಗಲಿದೆ. ಅದರ ವಿವರ ನೋಡೋಣ.

ರಾಜ್ಯ ಸರ್ಕಾರವು ಜಾರಿಗೆ ತಂದಿರುವ ಈ ಹೊಸ ನಿಯಮವು ಮನೆ ಬಾಡಿಗೆದಾರರು ಹಾಗೂ ಮನೆ ಮಾಲೀಕರು ಇಬ್ಬರಿಗೂ ಅನ್ವಯವಾಗಲಿದೆ. ಅಲ್ಲದೇ ಒಂದೊಮ್ಮೆ ಮನೆ ಮಾಲೀಕರು ಅಥವಾ ಆಸ್ತಿದಾರರು ಈ ನಿಯಮವನ್ನು ಉಲ್ಲಂಘನೆ ಮಾಡಿದರೆ ದೊಡ್ಡ ಮೊತ್ತದ ದಂಡ ವಿಧಿಸಲಾಗುತ್ತದೆ. ಬಾಡಿಗೆ ವ್ಯಾಜ್ಯಗಳನ್ನು ಶೀಘ್ರ ಇತ್ಯರ್ಥಪಡಿಸಲು ಫಾಸ್ಟ್ ಟ್ರ್ಯಾಕ್ ವ್ಯವಸ್ಥೆ ಜಾರಿಗೆ ಬರಲಿದೆ.

ದುಬಾರಿ ಅಡ್ವಾನ್ಸ್‌ ಪಡೆಯುವುದಕ್ಕೆ ಕಡಿವಾಣ

ರಾಜ್ಯ ಸರ್ಕಾರವು ಬಾಡಿಗೆ ನಿಯಂತ್ರಣ ಕಾಯ್ದೆಗೆ ಪ್ರಮುಖ ತಿದ್ದುಪಡಿಯನ್ನು ತಂದಿದ್ದು ಇದರಿಂದ ಇನ್ಮುಂದೆ ಮನೆ ಮಾಲೀಕರು ಹಾಗೂ ಆಸ್ತಿದಾರರು ದುಬಾರಿ ಅಡ್ವಾನ್ಸ್‌ ಪಡೆಯುವುದಕ್ಕೆ ಕಡಿವಾಣ ಬೀಳಲಿದೆ. ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ ಬಾಡಿಗೆ ಮನೆಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಆದರೆ ಮನೆಗಳ ಮಾಲೀಕರು ಮತ್ತು ಬಾಡಿಗೆದಾರರ ನಡುವೆ ಮುಖ್ಯವಾಗಿ ಮುಂಗಡ ಹಣ (Rent Home Advance) ಪಡೆಯು ವಿಚಾರದಲ್ಲಿ ತಕರಾರುಗಳು ನಡೆಯುತ್ತಿದ್ದು, ಇನ್ಮುಂದೆ ಇದಕ್ಕೆ ಕಡಿವಾಣ ಬೀಳಲಿದೆ.

ಹೊಸ ನಿಯಮದ ಪ್ರಕಾರ ಬೇಕಾಬಿಟ್ಟಿ ಅಡ್ವಾನ್ಸ್‌ ಮೊತ್ತವನ್ನು ಪಡೆಯುವಂತೆ ಇಲ್ಲ. ಬೆಂಗಳೂರಿನ ಬಹುತೇಕ ಪ್ರದೇಶಗಳಲ್ಲಿ 10 ತಿಂಗಳ ಅಡ್ವಾನ್ಸ್‌ ಮೊತ್ತವನ್ನು ಪಡೆಯುವುದು ಇದೆ. ಇನ್ಮುಂದೆ ವಸತಿ ಪ್ರದೇಶಗಳಲ್ಲಿ ಇರುವ ಮನೆಗಳ ಬಾಡಿಗೆ ನೀಡುವಾಗ 2 ತಿಂಗಳ ಬಾಡಿಗೆ ಕೊಟ್ಟರೆ ಸಾಕು. ಅಂಗಡಿ ಇಲ್ಲವೇ ಕಮರ್ಷಿಯಲ್ ಜಾಗವನ್ನು ಬಾಡಿಗೆ ಕೊಡುವುದಾದರೆ 6 ತಿಂಗಳ ಬಾಡಿಗೆ ಪಡೆಯಲು ಅವಕಾಶ ಇರಲಿದೆ.

ಬಾಡಿಗೆದಾರರಿಗೆ ಹೇಗೆ ಅನುಕೂಲವಾಗಲಿದೆ ?

1. ಕೇವಲ ಬಾಯಿ ಮಾತಿನ ಒಪ್ಪಂದಗಳಿಗೆ ಬೆಲೆ ಇರಲ್ಲ. ಇನ್ಮುಂದೆ ಬಾಡಿಗೆ ಒಪ್ಪಂದಗಳನ್ನು ಆನ್‌ಲೈನ್‌ನಲ್ಲಿ ನೋಂದಾಯಿಸಲು ಪೋರ್ಟಲ್ ಬರಲಿದೆ.

2. ಮನೆ ಮಾಲೀಕರು ಏಕಾಏಕಿ ಬಾಡಿಗೆದಾರರನ್ನು ಹೊರಹಾಕುವಂತಿಲ್ಲ.

3. ಮನೆಯಲ್ಲಿರುವ ಬಾಡಿಗೆದಾರರನ್ನು ಖಾಲಿ ಮಾಡಿಸಬೇಕಾದರೆ 3 ತಿಂಗಳು ಮೊದಲು ನೋಟಿಸ್ ಕೊಡಬೇಕು.

4. ಮನೆ ಖಾಲಿ ಮಾಡುವಾಗ ಬೇಕಾಬಿಟ್ಟಿ ಹಣ ಮುರಿದುಕೊಳ್ಳುವಂತೆ (ಅಡ್ವಾನ್ಸ್‌ ಹಣವನ್ನು ಹಿಡಿದುಕೊಳ್ಳುವಂತಿಲ್ಲ).

5. ಬಾಡಿಗೆದಾರರ ಬಾಕಿ ಮೊತ್ತವನ್ನು ಬಾಡಿಗೆದಾರರು ಮನೆ ಖಾಲಿ ಮಾಡುವಾಗ ಅದೇ ದಿನ ಹಿಂದಿರುಗಿಸಬೇಕು.

6. ಬಾಡಿಗೆಗೆ ಮನೆ ಕೊಡುವ ಅಥವಾ ತೆಗೆದುಕೊಳ್ಳುವ ಸಂದರ್ಭದಲ್ಲಿ ಲಿಖಿತ ರೂಪದ ಅಗ್ರಿಮೆಂಟ್ ಕಡ್ಡಾಯವಾಗಲಿದೆ.

7. ಅಗ್ರಿಮೆಂಟ್ ಮಾಡಿಕೊಂಡ 2 ತಿಂಗಳ ಒಳಗೆ ರೆಂಟ್ ಅಥಾರಿಟಿ ಬಳಿ ಜಂಟಿಯಾಗಿ ರಿಜಿಸ್ಟರ್ (ಮನೆ ಮಾಲೀಕರು ಹಾಗೂ ಬಾಡಿಗೆದಾರರು ಇಬ್ಬರ ಸಹಿ) ಮಾಡಿಸಬೇಕು.

8. ಆನ್‌ಲೈನ್‌ನಲ್ಲೂ ಡಿಜಿಟಲ್ ಸ್ಟ್ಯಾಂಪ್ ರಿಜಿಸ್ಟರ್ ಮಾಡುವ ಅವಕಾಶ ಇರುವುದರಿಂದ ಮುಂದೆ ಸಮಸ್ಯೆಯಾದರೆ ಅನುಕೂಲವಾಗಲಿದೆ.

9. ಮನೆ ಮಾಲೀಕರು ಬಾಡಿಗೆದಾರರು ಇರುವ ಮನೆಗೆ ಏಕಾಏಕಿ ಬರುವಂತೆ ಇಲ್ಲ. ಮನೆಗೆ ಬರುವ ಕನಿಷ್ಠ 24 ಗಂಟೆಯ ಮುಂಚೆ ಮೆಸೇಜ್ ಮಾಡಿರಬೇಕು.

10. ಮನೆ ಬಾಡಿಗೆದಾರರಿಗೆ ಅನವಶ್ಯಕ ಕಿರಿಕಿರಿ ಕೊಡುವಂತೆ ಇಲ್ಲ.

ಬಾಡಿಗೆದಾರರು ನಿರಾಳ

ಇನ್ನು ಈ ಹೊಸ ತಿದ್ದುಪಡಿಯಿಂದಾಗಿ ಬಾಡಿಗೆದಾರರು ನಿರಾಳರಾಗಲಿದ್ದಾರೆ. ಲಕ್ಷಾಂತರ ರೂಪಾಯಿ ಅಡ್ವಾನ್ಸ್‌ ಹಣ ಕೊಡುವುದು ಹಾಗೂ ಆ ಅಡ್ವಾನ್ ಹಣವನ್ನು ವಾಪಸ್ ಪಡೆದುಕೊಳ್ಳುವುದಕ್ಕೆ ಇಷ್ಟು ದಿನಗಳ ಕಾಲ ನಡೆಸಲಾಗುತ್ತಿದ್ದ ಸಂಕಷ್ಟಗಳು ತಪ್ಪಲಿವೆ.

English summary

10 Big Benefits for Tenants: Karnataka Rent Control Act 2025 Brings Good News