Train Accident: ಎರಡು ರೈಲುಗಳು ಮುಖಾಮುಖಿ ಡಿಕ್ಕಿ, ಎಲ್ಲಿ?, ಆಗಿದ್ದೇನು? ಮಾಹಿತಿ

ರೋಮ್, ಡಿಸೆಂಬರ್ 11: ಉತ್ತರ ಇಟಲಿಯು ಭಾನುವಾರ ರೈಲು ದುರಂತಕ್ಕೆ ಸಾಕ್ಷಿಯಾಗಿದೆ. ತಡರಾತ್ರಿ ಎರಡು ರೈಲುಗಳು ಪರಿಸ್ಪರ ಡಿಕ್ಕಿ ಹೊಡೆದುಕೊಂಡ ಘಟನೆ ನಡೆದಿದೆ. ಸುಮಾರು ಕನಿಷ್ಠ 17 ಜನರು ಗಾಯಗೊಂಡಿದ್ದಾರೆ ಎಂದು ವರದಿ ಆಗಿದೆ.

ಬೊಲೊಗ್ನಾ ಮತ್ತು ರಿಮಿನಿ ನಡುವಿನ ಮಾರ್ಗದಲ್ಲಿ ಹೈಸ್ಪೀಡ್ ರೈಲು ಮತ್ತು ಪ್ರಾದೇಶಿಕ ರೈಲಿನ ನಡುವೆ ಅಪಘಾತ ಸಂಭವಿಸಿದೆ ಎಂದು ರೈಲ್ವೆ ಅಧಿಕಾರಿಗಳು ಮಾಹಿತಿ ನೀಡಿದರು. ಭಾನುವಾರ ತಡರಾತ್ರಿ ಅಪಘಾತಕ್ಕೆ ಈಡಾದ ಈ ಎರಡು ರೈಲುಗಳು ಘಟನೆಗೂ ಮುನ್ನ ಕಡಿಮೆ ವೇಗದಲ್ಲಿ ಸಂಚರಿಸುತ್ತಿದ್ದವು. ಅದೃಷ್ಟವಶಾತ್ ಸಾವು ನೋವು ಸಂಭವಿಸಿಲ್ಲ. ಪರಸ್ಪರ ಡಿಕ್ಕಿ ಹಲವರು ಗಾಯಗೊಂಡಿದ್ದಾರೆ ಎಂದು ರೈಲು ನಿರ್ವಾಹಕರು ತಿಳಿಸಿದ್ದಾರೆಂದು ಎನ್‌ಡಿಟಿವಿ ವರದಿ ಮಾಡಿದೆ.

ಬೊಲೊಗ್ನಾ ಮತ್ತು ರಿಮಿನಿ ನಡುವಿನ ಮಾರ್ಗದಲ್ಲಿ ನಿರ್ದಿಷ್ಟವಾಗಿ ಹೇಳುವುದಾದರೆ ಫೆನ್ಜಾ ನಗರ ಮತ್ತು ಫೋರ್ಲಿಯ ಕಮ್ಯೂನ್ ಮಧ್ಯೆ ಅವಘಡ ಈ ಎರಡು ರೈಲಗಳ ಡಿಕ್ಕಿ ಸಂಭವಿಸಿದೆ ಎಂದು ಅಗ್ನಿಶಾಮಕದ ಸಾಮಾಜಿಕ ಜಾಲತಾಣದ ಅಧಿಕೃತ ಖಾತೆಯಲ್ಲಿ ತಿಳಿಸಲಾಗಿದೆ.

ಘಟನೆ ಕುರಿತು ಪ್ರತಿಕ್ರಿಯೆಸಿರುವ ರಾಷ್ಟ್ರೀಯ ರೈಲು ನಿರ್ವಾಹಕ ಟ್ರೆನಿಟಾಲಿಯಾ ಅವರ ವಕ್ತಾರರು ಘಟನೆಯಲ್ಲಿ ಸಣ್ಣ ಪುಟ್ಟ ಗಾಯಗಳು ಆಗಿವೆ ಎಂದು ತಿಳಿಸಿದ್ದಾರೆ. ಯಾವುದೇ ಗಂಭೀರ ಗಾಯಗಳು ಆಗಿಲ್ಲ ಎಂದು ವಿವರಣೆ ನೀಡಿದೆ.

ಕಡಿಮೆ ವೇಗದಲ್ಲಿದ್ದ ರೈಲುಗಳು

ಘಟನೆಗು ಮೊದಲು ಈವೆರಡು ರೈಲುಗಳು ಕಡಿಮೆ ವೇಗದಲ್ಲಿದ್ದ ಪರಿಣಾಮ ಸಂಭವನೀಯ ಮಹಾ ದುರಂತವೊಂದು ತಪ್ಪಿದಂತಾಗಿದೆ. ಸದ್ಯ ಈ ಅಪಘಾತ ಕುರಿತು ಸೂಕ್ತ ತನಿಖೆ ನಡೆಯುತ್ತಿದೆ. ಇನ್ನೂ ಅಗ್ನಿಶಾಮಕ ದಳದವರು ಎರಡು ರೈಲುಗಳು ಮುಖಾಮುಖಿಯಾಗಿ ಡಿಕ್ಕಿ ಆಗಿರುವ ಫೋಟೋಗಳನ್ನು ಪ್ರಕಟಿಸಿದೆ.

ಉಪ ಪ್ರಧಾನಮಂತ್ರಿಯೂ ಆಗಿರುವ ಸಾರಿಗೆ ಸಚಿವ ಮ್ಯಾಟಿಯೊ ಸಾಲ್ವಿನಿ ಅವರು ಪರಿಸ್ಥಿತಿ ಕುರಿತು ನಿರಂತರವಾಗಿ ಮಾಹಿತಿ ಪಡೆದಿದ್ದಾರೆ. ಘಟನೆಯಲ್ಲಿ ಹಲವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಯಾವುದೇ ಜೀವ ಹಾನಿ ಆಗಿಲ್ಲ ಎಂಬುದು ದೃಢಪಟ್ಟಿದೆ.

ಅಲ್ಲದೇ ಈ ರೈಲು ಅಪಘಾತದ ನಿಖರ ತನಿಖೆಗೆ ಅವರು ಸೂಚನೆ ನೀಡಿದ್ದಾರೆ.

ಹಿಂದೆ ಸಂಭವಿಸಿದ್ದ ರೈಲು ಅಪಘಾತಗಳು

ಕಳೆದ ಆಗಸ್ಟ್ 31 ರಂದು ಮಿಲನ್-ಟುರಿನ್ ಮಾರ್ಗದಲ್ಲಿ ರಾತ್ರಿಯ ನಿರ್ವಹಣೆಯ ಸಮಯದಲ್ಲಿ ಐವರು ರೈಲ್ವೆ ಕಾರ್ಮಿಕರು ರೈಲಿಗೆ ಡಿಕ್ಕಿ ಹೊಡೆದು ಸಾವನ್ನಪ್ಪಿದ್ದರು. ಅದಾದ ಮೂರು ತಿಂಗಳಲ್ಲಿಯೇ ಮತ್ತೊಂದು ರೈಲು ದುರಂತಕ್ಕೆ ಇಟಲಿ ಸಾಕ್ಷಿಯಾಗಿದೆ.

ಇಟಲಿಯಲ್ಲಿ 2020 ರಲ್ಲಿ ಮಿಲನ್‌ನ ದಕ್ಷಿಣದ ಲೋಡಿ ಬಳಿ ಬೆಳಗಿನ ಜಾವ ರೈಲೊಂದು ಹಳಿತಪ್ಪಿದ ಪರಿಣಾಮ ಇಬ್ಬರು ರೈಲು ಕಾರ್ಮಿಕರು ಮೃತಪಟ್ಟಿದ್ದರು. ಇದರಲ್ಲಿ ಒಟ್ಟು ಸುಮಾರು 31 ಪ್ರಯಾಣಿಕರು ಗಾಯಗೊಂಡರು. 2018 ರ ಜನವರಿ ತಿಂಗಳಲ್ಲಿ ಮಿಲನ್ ಬಳಿ ತುಂಬಿದ ರೈಲು ಹಳಿ ತಪ್ಪಿತ್ತು. ಈ ವೇಳೆ ಮೂವರು ಮಹಿಳೆಯರು ಸಾವನ್ನಪ್ಪಿದರು ಮತ್ತು ಸುಮಾರು 100 ಜನರು ಗಾಯಗೊಂಡಿದ್ದರು ಎಂದು ವರದಿ ತಿಳಿಸಿದೆ.

English summary

Two trains collide head-on in Italy, 17 Injured: ಇಟಲಿಯಲ್ಲಿ ಎರಡು ರೈಲುಗಳು ಪರಸ್ಪರ ಡಿಕ್ಕಿ ಹೊಡೆದಿವೆ. ಈ ರೈಲು ಅಪಘಾತದಲ್ಲಿ ಒಟ್ಟು 17 ಮಂದಿಗ ಗಾಯಗಳಾಗಿವೆ ಎಂದು ವರದಿ ಆಗಿದೆ.