ಸುಷ್ಮಾ ಸ್ವರಾಜ್ ಗೆ ಕೆಲಸವಿಲ್ಲ: ಲಂಡನ್ ನಲ್ಲಿ ರಾಹುಲ್ ವಿವಾದಾತ್ಮಕ ಹೇಳಿಕೆ

ಲಂಡನ್, ಆಗಸ್ಟ್ 25: "ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಅವರಿಗೆ ಕೆಲಸವಿಲ್ಲ. ಕೇವಲ ಜನರಿಗೆ ವೀಸಾ ಮಾಡಿಕೊಡುವುದನ್ನು ಬಿಟ್ಟು ಅವರೇನೂ ಮಾಡುವುದಿಲ್ಲ" ಎಂದು ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಹೇಳಿದ್ದಾರೆ.

ಜರ್ಮನಿ ಮತ್ತು ಇಂಗ್ಲೆಂಡ್ ಪ್ರವಾಸದಲ್ಲಿರುವ ಅವರು, ಶುಕ್ರವಾರ ಲಂಡನ್ ನಲ್ಲಿ ಮಾತನಾಡುತ್ತಿದ್ದರು. "ಭಾರತದ ವಿದೇಶಾಂಗ ಸಚಿವರು ಹೆಚ್ಚು ಸಮಯ ವೀಸಾ ನೀಡುವ ಕೆಲಸವನ್ನೇ ಮಾಡುತ್ತಾರೆ ಎಂದು ಹಲವರು ಹೆಳುವುದನ್ನು ಕೇಳಿದ್ದೇನೆ. ಆ ಮಾತಿನ ಅರ್ಥವೇನು? ಅವರಿಗೆ ವೀಸಾ ಮಾಡುವುದನ್ನು ಬಿಟ್ಟು ಬೇರೆ ಕೆಲಸ ಇಲ್ಲ ಎಂದಲ್ಲವೇ?/" ಎಂದು ಪ್ರಶ್ನಿಸಿದ್ದಾರೆ ರಾಹುಲ್ ಗಾಂಧಿ.

ವಿದೇಶಕ್ಕೆ ಹೋಗಿ ಎನ್ ಡಿಎ ಸರ್ಕಾರದ ಮೇಲೆ ಒಮದಿಲ್ಲೊಮದು ಆರೋಪ ಹೊರಿಸುತ್ತಿರುವ, ನರೇಂದ್ರ ಮೋದಿ ಸೇರಿದಂತೆ ಆಡಳಿತ ಪಕ್ಷದ ಹಲವರ ಕುರಿತು ವಿವಾದಾತ್ಮಕ ಮಾತುಗಳನ್ನಾಡುತ್ತಿರುವ ರಾಹುಲ್ ಗಾಂಧಿ ಅವರ ಮಾತಿನ ಬಾಣಕ್ಕೆ ಇದೀಗ ಸಿಕ್ಕಿಕೊಂಡವರು ಸುಷ್ಮಾ ಸ್ವರಾಜ್!

"ವಿದೇಶಾಂಗ ಸಚಿವಾಲಯ ಪ್ರಧಾನಿಗಳ ಏಕಸ್ವಾಮ್ಯಕ್ಕೆ ಒಳಪಟ್ಟಿದೆ. ಅವರು ತಮ್ಮ ಖಾತೆಯನ್ನು ಸಮರ್ಥವಾಗಿ ನಿರ್ವಹಿಸಲು ಸಾಧ್ಯವಾಗುತ್ತಿಲ್ಲ. ಏಕೆಂದರೆ ಅವರಿಗೆ ಯಾವುದೇ ರೀತಿಯ ಅಧಿಕಾತ ನೀಡಲಾಗಿಲ್ಲ" ಎಂದು ಅವರು ಪರೋಕ್ಷವಾಗಿ ಪ್ರಧಾನಿ ನರೇಮದ್ರ ಮೋದಿ ಅವರನ್ನು ದೂರಿದರು.

English summary

Congress president Rahul Gandhi gives yet another controversial statement now. "Foreign affairs minister Sushma Swaraj has no job. She only spends her time on people's visa" he said in London.