ಮತ್ತೆ ವಿಕೃತಿ ಮೆರೆದ ಪಾಕಿಸ್ತಾನ, 6 ಭಾರತೀಯ ಅಧಿಕಾರಿಗಳಿಗೆ ಕಿರುಕುಳ
ನವದೆಹಲಿ, ಜೂನ್ 26: ಪಾಕಿಸ್ತಾನದಲ್ಲಿರುವ ಭಾರತೀಯ ರಾಯಭಾರ ಕಚೇರಿಯ ಅಧಿಕಾರಿಗಳಿಗೆ ಪಾಕಿಸ್ತಾನ ನಿರಂತರವಾಗಿ ಕಿರುಕುಳ ನೀಡುತ್ತಿರುವ ಸಂಗತಿ ಬೆಳಕಿಗೆ ಬಂದಿದೆ.
2018 ರ ಡಿಸೆಂಬರ್ ತಿಂಗಳಿನಿಂದಲೂ ಭಾರತೀಯ ರಾಯಭಾರ ಕಚೇರಿಯ ಅಧಿಕಾರಿಗಳಿಗೆ ಸತತವಾಗಿ ಪಾಕಿಸ್ತಾನ ಕಿರುಕುಳ ನೀಡುತ್ತ ಬಂದಿದೆ.
ಪಾಕ್ ಜೊತೆ ಮಾತುಕತೆಗೆ ಭಾರತ ಸಿದ್ಧ, ಪಾಕ್ ಹೇಳಿಕೆಗೆ ಭಾರತದ ಗುದ್ದು
ಜೂನ್ 1 ರಂದು ಭಾರತೀಯ ಉನ್ನತ ಆಯೋಗದಲ್ಲಿ ಏರ್ಪಡಿಸಲಾಗಿದ್ದ ಇಫ್ತಾರ್ ಕೂಟದ ಸಂದರ್ಭದಲ್ಲೂ ಭಾರತೀಯ ಅಧಿಕಾರಿಗಳಿಗೆ ಮಾನಸಿಕ ಕಿರುಕುಳ ನೀಡಲಾಗಿದೆ.
ಇತ್ತೀಚೆಗೆ ಪಾಕಿಸ್ತಾನಕ್ಕೆ ಭಾರತೀಯ ಹೈ ಕಮಿಶನರ್ ಅಜಯ್ ಬಿಸಾರಿಯಾ ಅವರ ಕಾರನ್ನು ಕೆಲವರು ಹಿಂಬಾಲಿಸುತ್ತಿದ್ದ ಘಟನೆ ವರದಿಯಾಗಿದೆ. ಈ ಕುರಿತು ಭಾರತ ಈಗಾಗಲೇ ಇಸ್ಲಾಮಾಬಾದಿಗೆ ಎಚ್ಚರಿಕೆ ನೀಡಿದೆ ಎನ್ನಲಾಗಿದೆ.
ಮತ್ತೆ ಬಯಲಾಯ್ತು ಪಾಕ್ ವಿಕೃತಿ: ಕ್ರಿಕೆಟ್ ಜಾಹೀರಾತಿನಲ್ಲಿ ಅಭಿನಂದನ್ ಗೆ ಅವಮಾನ
ಪಾರ್ಟಿಗಳಿಗೆ ಕರೆದು ಅವಮಾನ ಮಾಡುವ ಮತ್ತು ಭಾರತೀಯ ಅಧಿಕಾರಿಗಳ ವಿರುದ್ಧ ಬೇಹುಗಾರಿಕೆ ಮಾಡುವ ಪ್ರಕರಣಗಳು ಕೇಳಿಬಂದಿದ್ದು, ಈ ಬಗ್ಗೆ ತನಿಖೆ ನಡೆಸುವಂತೆ ಭಾರತ ಪಾಕಿಸ್ತಾನಕ್ಕೆ ಎಚ್ಚರಿಕೆ ನೀಡಿದೆ.
ಕಳೆದ ಡಿಸೆಂಬರ್ ನಿಂದಲೂ ಇಂಥ ಘಟನೆಗಳು ನಡೆಯುತ್ತಿದ್ದು, ಭಾರತ ಇಸ್ಲಾಮಾಬಾದಿಗೆ ಅನೌಪಚಾರಿಕವಾಗಿ, ಮಾತಿನ ಮೂಲಕ ಎಚ್ಚರಿಕೆ ನೀದಿದೆ. ಇದು ಮುಂದುವರಿದರೆ ಕಠಿಣ ಕ್ರಮ ಕೈಗೊಳ್ಳುವ ಎಚ್ಚರಿಕೆ ನೀಡಿದೆ.