ವಿಮಾನ ಪತನ: ಬೋಯಿಂಗ್ ವಿಮಾನ ಚಾಲನೆಗೆ ಮಾರ್ಗಸೂಚಿ ಹೊರಡಿಸಿದ ಕೇಂದ್ರ

ನವದೆಹಲಿ, ಮಾರ್ಚ್ 12: ಅಮೇರಿಕಾದ ಬೋಯಿಂಗ್ ಕಂಪನಿಯ 737 ಮ್ಯಾಕ್ಸ್ 8 ಸರಣಿಯ ವಿಮಾನಗಳ ಹಾರಾಟವನ್ನು ಹಲವು ದೇಶಗಳು ಸ್ಥಗಿತಗೊಳಿಸಿವೆ.

ಇಥಿಯೋಪಿಯಾದಲ್ಲಿ ನಾಲ್ವರು ಭಾರತೀಯರು ಸೇರಿದಂತೆ 157 ಪ್ರಯಾಣಿಕರ ಸಾವಿಗೆ ಕಾರಣವಾದ ವಿಮಾನವನ್ನು ಬಹಿಷ್ಕರಿಸಿದ್ದಾರೆ. ಚೀನಾವೊಂದರಲ್ಲೇ ಈ ಸರಣಿಯ 100 ವಿಮಾನಗಳ ಸಂಚಾರ ತಡೆ ಹಿಡಿಯಲಾಗಿದೆ.

ಇಂಡೋನೇಷ್ಯಾ , ಇಥಿಯೋಪಿಯಾದಲ್ಲೂಸಂಚಾರ ನಿಲ್ಲಿಸಲಾಗಿದೆ. ಕಳೆದ ಐದು ತಿಂಗಳಲ್ಲಿ ಇದು 2 ನೇ ಬಾರಿ. 2018ರ ಅಕ್ಟೋಬರ್‌ನಲ್ಲಿ ಇಂಡೋನೇಷ್ಯಾದಲ್ಲಿ 180 ಪ್ರಯಾಣಿಕರು ಇದೇ ವಿಮಾನ ಅಪಘಾತಕ್ಕೆ ಬಲಿಯಾಗಿದ್ದರು.

ಈ ನಡುವೆ, ಭಾರತದಲ್ಲಿ 737 ಮ್ಯಾಕ್ಸ್ ಸರಣಿಯ ವಿಮಾನಗಳ ಸುರಕ್ಷತಾ ಪರಿಶೀಲನೆಗೆ ಸೂಚಿಸಲಾಗಿದೆ. ಜೊತೆಗೆ ಸುರಕ್ಷತಾ ಕ್ರಮವಾಗಿ 1000 ತಾಸು ವಿಮಾನ ಹಾರಾಟದ ಪೈಲಟ್ ಮಾತ್ರ ಈ ವಿಮಾನ ಹಾರಿಸಬೇಕು ಎಂದು ತಿಳಿಸಿದೆ.

English summary

A day after the fatal crash of a Boeing's 737 MAX aircraft in Ethiopia, India's aviation regulator DGCA on Monday ordered additional maintenance checks for the planes operating in the country and said a review found "no significant concern" related to the model.