Click it and Unblock the Notifications
Just In
-
-
-
Don't Miss
-
Seetha Rama ; ಸತ್ಯ ಹೇಳಲು ಹೊರಟ ಚಾಂದಿನಿಯನ್ನು ತಡೆದ ಭಾರ್ಗವಿ ಮನದಲ್ಲಿ ಸರ್ಪ್ರೈಸ್ ಪ್ಲಾನ್..! -
KKR vs RR IPL 2024: ಜೋಸ್ ದಿ ಬಾಸ್ ಬಟ್ಲರ್ ಆರ್ಭಟಕ್ಕೆ ಕೆಕೆಆರ್ ಹೈರಾಣ; ರಾಯಲ್ ಆಗಿ ಗೆದ್ದ ರಾಜಸ್ಥಾನ -
ಬೇಸಿಗೆಯಲ್ಲಿ ಇಡ್ಲಿ, ದೋಸೆಯ ಹಿಟ್ಟು ಹುಳಿ ಬಂದರೆ ಹುಳಿ ಕಡಿಮೆಯಾಗಲು ಏನು ಮಾಡಬೇಕು? -
ಪೆಟ್ರೋಲ್ ಎಂಜಿನ್ಗಳಲ್ಲಿ ಮಾತ್ರ ಬರಲಿದೆ ರೆನಾಲ್ಟ್ನ ಬ್ರಹ್ಮಾಸ್ತ್ರ ಡಸ್ಟರ್ -
ಇಸ್ರೇಲ್-ಇರಾನ್ ಯುದ್ಧದ ಪರಿಣಾಮ ಷೇರು ಪೇಟೆಯಲ್ಲಿ ಭಾರಿ ನಷ್ಟ -
YouTube: ಯೂಟ್ಯೂಬ್ ಬಳಕೆದಾರರಿಗೆ ಶಾಕಿಂಗ್ ನ್ಯೂಸ್! ಆಡ್ ಬ್ಲಾಕರ್ ವಿರುದ್ಧ ಸಮರ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇಂಟರ್ನೆಟ್ ಕ್ರ್ಯಾಶ್: ಬಿಬಿಸಿ, ಅಮೆಜಾನ್ ಸೇರಿದಂತೆ ಅನೇಕ ಪ್ರಮುಖ ವೆಬ್‌ಸೈಟ್ಸ್‌ ಡೌನ್
ನವದೆಹಲಿ, ಜೂ.08: ಬಿಬಿಸಿ, ಅಮೆಜಾನ್, ಯುಕೆ ಸರ್ಕಾರದ ತಾಣಗಳು ಸೇರಿದಂತೆ ಅನೇಕ ಪ್ರಮುಖ ವೆಬ್‌ಸೈಟ್‌ಗಳು ಭಾರಿ ಇಂಟರ್ನೆಟ್ ನಿಲುಗಡೆಗೆ (ಇಂಟರ್ನೆಟ್ ಔಟೇಜ್‌) ಗುರಿಯಾಗಿವೆ. ಹಲವಾರು ಪ್ರಮುಖ ವೆಬ್‌ಸೈಟ್‌ಗಳಲ್ಲಿ ಒಂದೇ ಸಮಯಕ್ಕೆ ಇಂಟರ್ನೆಟ್ ಕ್ರ್ಯಾಶ್ ಸಮಸ್ಯೆ ಕಾಣಿಸಿಕೊಂಡಿದೆ.
ಪ್ರಮುಖವಾಗಿ ಅಮೆಜಾನ್, ಬಿಬಿಸಿ ಮತ್ತು ಯುಕೆ ಸರ್ಕಾರದ ತಾಣಗಳಲ್ಲಿ ಇಂಟರ್ನೆಟ್ ಔಟೇಜ್‌ ಸಮಸ್ಯೆ ಕಾಣಿಸಿಕೊಂಡಿದೆ. ಇದನ್ನು ಹೊರತುಪಡಿಸಿ ಗಾರ್ಡಿಯನ್, ಫೈನಾನ್ಷಿಯಲ್ ಟೈಮ್ಸ್, ಇಂಡಿಪೆಂಡೆಂಟ್, ನ್ಯೂಯಾರ್ಕ್ ಟೈಮ್ಸ್, ಈವ್ನಿಂಗ್ ಸ್ಟ್ಯಾಂಡರ್ಡ್ ಮತ್ತು ರೆಡ್ಡಿಟ್ ಸೇರಿದಂತೆ ಹಲವಾರು ಪ್ರಮುಖ ಮಾಧ್ಯಮ ವೆಬ್‌ಸೈಟ್‌ಗಳಲ್ಲೂ ಇಂಟರ್ನೆಟ್ ನಿಲುಗಡೆಯಾಗಿದೆ.
ಕೆಲವು ವೆಬ್‌ಸೈಟ್‌ಗಳಲ್ಲಿ ಒಂದು ಬಾರಿಗೆ ಸಂಪೂರ್ಣವಾಗಿ ಕಾರ್ಯ ಸ್ಥಗಿತಗೊಂಡಿದ್ದು ಇನ್ನು ಕೆಲವು ವೆಬ್‌ಸೈಟ್‌ಗಳಲ್ಲಿ ಸಣ್ಣ, ಪುಟ್ಟ ಅಡಚಣೆ ಕಾಣಿಸಿಕೊಂಡಿದೆ. ಇನ್ನೂ ಕೆಲವು ವೆಬ್‌ಸೈಟ್‌ಗಳಲ್ಲಿ ಯಾವುದೇ ಸಮಸ್ಯೆ ಕಂಡು ಬಂದಿಲ್ಲ.
ವಿಶ್ವದ ಪ್ರಮುಖ ವಿಷಯ ವಿತರಣಾ ನೆಟ್‌ವರ್ಕ್‌ಗಳಲ್ಲಿ (ಸಿಡಿಎನ್‌ಗಳು) ಈ ಸಮಸ್ಯೆಯು ಪ್ರಮುಖವಾಗಿ ಬೆಳಕಿಗೆ ಬಂದಿದೆ. ಸಿಡಿಎನ್ ಎನ್ನುವುದು ವೆಬ್‌ಸೈಟ್‌ಗಳನ್ನು ಮತ್ತು ಅವುಗಳ ವಿಷಯವನ್ನು ಅಂತರ್ಜಾಲದಲ್ಲಿ ನಿರ್ವಹಿಸುವ ಹಾಗೂ ಮಾಹಿತಿಯನ್ನು ಬಳಕೆದಾರರಿಗೆ ಪೂರೈಸಲು ಬಳಸುವ ಒಂದು ವ್ಯವಸ್ಥೆಯಾಗಿದೆ. ಅದರ ಜಾಗತಿಕ ನೆಟ್‌ವರ್ಕ್‌ನಾದ್ಯಂತ ಪ್ರಮುಖವಾಗಿ ಇಂಟರ್ನೆಟ್ ಕ್ರ್ಯಾಶ್ ಕಾಣಿಸಿಕೊಂಡಿದೆ. ಇದು ಪ್ರಮುಖ ವೆಬ್‌ಸೈಟ್‌ಗಳಲ್ಲಿ ಇಂಟರ್ನೆಟ್ ಕ್ರಾಶ್‌ಗೆ ಕಾರಣ ಎಂದು ನಂಬಲಾಗಿದೆ.
ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಯುಎಸ್ ಸಂಸ್ಥೆ, "ಪ್ರಸ್ತುತ ನಮ್ಮ ಸಿಡಿಎನ್ ಸೇವೆಯಲ್ಲಿ ಕಂಡು ಬಂದಿರುವ ಸಮಸ್ಯೆಯ ಪರಿಣಾಮದ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ" ಎಂದು ಹೇಳಿದೆ. ಹಾಗೆಯೇ ಗಾರ್ಡಿಯನ್‌ನ ತಂತ್ರಜ್ಞಾನ ಸಂಪಾದಕ ಅಲೆಕ್ಸ್ ಹರ್ನ್, "ಸಮಸ್ಯೆಯ ಕಾರಣವೆಂದು ಗುರುತಿಸಲಾಗಿದೆ" ಎಂದು ಟ್ವೀಟ್‌ ಮಾಡಿದ್ದಾರೆ.
We are aware of the issues with https://t.co/uLPSBt4jdQ which means that users may not be able to access the site. This is a wider issue affecting a number of other non-government sites. We are investigating this as a matter of urgency.
— GOV.UK (@GOVUK) June 8, 2021
ಯುಕೆ ಸಮಯ ಬೆಳಿಗ್ಗೆ 11 ಗಂಟೆಯ ಮೊದಲು ಪ್ರಾರಂಭವಾದ ನಿಲುಗಡೆ, ವ್ಯಾಪಕವಾದ ಸೈಟ್‌ಗಳಿಗೆ ಭೇಟಿ ನೀಡುವವರಿಗೆ "Error 503 Service Unavailable" ಮತ್ತು "connection failure" ಎಂದು ಕಾಣಿಸಿದೆ'' ಎಂದು ಟ್ವೀಟ್‌ ಮೂಲಕ ಹೇಳಿದ್ದಾರೆ.
ಇನ್ನು ಅಧಿಕೃತ gov.uk ಟ್ವಿಟ್ಟರ್ ಖಾತೆ, "http://gov.uk ನಲ್ಲಿನ ಸಮಸ್ಯೆಗಳ ಬಗ್ಗೆ ನಮಗೆ ತಿಳಿದಿದೆ, ಅಂದರೆ ಬಳಕೆದಾರರು ಸೈಟ್‌ಗೆ ಪ್ರವೇಶಿಸಲು ಸಾಧ್ಯವಾಗದಿರಬಹುದು. ಇದು ಹಲವಾರು ಇತರ ಸರ್ಕಾರೇತರ ಸೈಟ್‌ಗಳ ಮೇಲೆ ಪರಿಣಾಮ ಬೀರುವ ವ್ಯಾಪಕ ಸಮಸ್ಯೆಯಾಗಿದೆ. ನಾವು ಇದನ್ನು ತುರ್ತು ವಿಷಯವಾಗಿ ತನಿಖೆ ಮಾಡುತ್ತಿದ್ದೇವೆ" ಎಂದು ತಿಳಿಸಿದೆ.
(ಒನ್‌ಇಂಡಿಯಾ ಸುದ್ದಿ)
