ಮೊಝಾಂಬಿಕ್ : ಪೆಟ್ರೋಲ್ ಟ್ಯಾಂಕ್ ಟ್ರಕ್ ಸ್ಫೋಟ, 73 ಸಾವು
ಮಾಪುಟೊ, ನವೆಂಬರ್ 18: ಪಶ್ಚಿಮ ಮೊಝಾಂಬಿಕ್ ನ ಪುಟ್ಟ ಗ್ರಾಮ ಟೆಟೆಯಲ್ಲಿ ಪೆಟ್ರೋಲ್ ಟ್ಯಾಂಕ್ ಟ್ರಕ್ ಗುರುವಾರ ಸ್ಫೋಟಗೊಂಡಿದೆ. ಈ ದುರ್ಘಟನೆಯಲ್ಲಿ 73ಕ್ಕೂ ಅಧಿಕ ಜನರು ಸಾವಿಗೀಡಾಗಿದ್ದಾರೆ. 110ಕ್ಕೂ ಹೆಚ್ಚು ಮಂದಿ ಗಾಯಗೊಂಡ ಘಟನೆ
ಮೊಝಾಂಬಿಕ್ ನ ಕ್ಯಾಫ್ರಿಡ್ ಝಾಂಗ್ ಗ್ರಾಮದ ಮಾಲ್ವಿ ಎಂಬಲ್ಲಿ ನಾಗರಿಕರೊಬ್ಬರು ಆಯಿಲ್ ಟ್ಯಾಂಕ್ ಟ್ರಕ್ ನಿಂದ ಪೆಟ್ರೋಲ್ ತೆಗೆಯುತ್ತಿದ್ದರು. ಈ ಸಂದರ್ಭದಲ್ಲಿ ಟ್ಯಾಂಕ್ ಸಿಡಿದು ಟ್ರಕ್ ಗೆ ಬೆಂಕಿ ಹತ್ತಿಕೊಂಡಿದೆ. ಮಾಲ್ವಿಯಿಂದ ಮೊಝಾಂಬಿಕ್ ನ ಬಂದರು ನಗರಿ ಬಿಯಿರಾಗೆ ಟ್ರಕ್ ತೆರಳತ್ತಿತ್ತು. ಮೃತಪಟ್ಟವರಲ್ಲಿ ಹಲವು ಮಂದಿ ಮಕ್ಕಳು ಸೇರಿದ್ದಾರೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.
ಮಾರ್ಗಮಧ್ಯೆ ಕೆಟ್ಟು ನಿಂತ ಟ್ರಕ್ ನಿಂದ ಪೆಟ್ರೋಲ್ ಪಡೆಯಲು ನಾಗರಿಕರು ಯತ್ನಿಸಿದರು. ಈ ಗೊಂದಲದಲ್ಲಿ ಟ್ಯಾಂಕ್ ಗೆ ಹಾನಿಯಾಗಿ ದುರ್ಘಟನೆ ನಡೆದಿರುವ ಸಾಧ್ಯತೆಯಿದೆ ಎಂದು ಎಎಫ್ ಪಿ ವರದಿ ಮಾಡಿದೆ. ವಿಶ್ವದ ಅತ್ಯಂತ ಬಡ ರಾಷ್ಟ್ರಗಳ ಪೈಕಿ ಮೊಝಾಂಬಿಕ್ ಕೂಡಾ ಒಂದಾಗಿದೆ.
Click it and Unblock the Notifications
Sign in with Google