10 ಪುಟಗಳ ನಿಧನವಾರ್ತೆ ಪ್ರಕಟಿಸಿದ ಇಟಲಿಯ ದಿನಪತ್ರಿಕೆ!
ಚೀನಾ ಹೊರತು ಪಡಿಸಿದರೆ ಮಾರಣಾಂತಿಕ ಕೊರೊನಾ ವೈರಸ್ ನಿಂದಾಗಿ ಹೆಚ್ಚು ಹೈರಾಣಾಗಿರುವ ದೇಶ ಇಟಲಿ. ಕಳೆದ 48 ಗಂಟೆಗಳಲ್ಲಿ ಇಟಲಿಯಲ್ಲಿ ಡೆಡ್ಲಿ ಕೊರೊನಾ ವೈರಸ್ ಸೋಂಕಿನಿಂದಾಗಿ 717 ಮಂದಿ ಸಾವನ್ನಪ್ಪಿದ್ದಾರೆ.
Recommended Video
ಇತರೆ ದೇಶಗಳಿಗೆ ಹೋಲಿಸಿದರೆ, ಮಹಾಮಾರಿ ಕೊರೊನಾ ವೈರಸ್ ನಿಂದಾಗಿ ಯೂರೋಪ್ ನಲ್ಲಿ ಅತಿ ಹೆಚ್ಚು ಸಾವು ಸಂಭವಿಸುತ್ತಿದೆ. ವಿಶ್ವದ ಸಾಂಕ್ರಾಮಿಕ ಪಿಡುಗು ಕೊರೊನಾ ವೈರಸ್ ನ ಕೇಂದ್ರ ಸ್ಥಾನ ಇದೀಗ ಯೂರೋಪ್ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಘೋಷಿಸಿದೆ.
ಕೊರೊನಾ ಹೊಡೆತಕ್ಕೆ ಕಂಗೆಟ್ಟ ಯೂರೋಪ್: ಕಳೆದ 24 ಗಂಟೆಗಳಲ್ಲಿ ಅತಿ ಹೆಚ್ಚು ಸಾವು
ಇಟಲಿಯಲ್ಲಿ ಇಲ್ಲಿಯವರೆಗೂ ಕೊರೊನಾ ವೈರಸ್ ನಿಂದಾಗಿ 2158 ಮಂದಿ ಮೃತಪಟ್ಟಿದ್ದಾರೆ. ಈ ನಡುವೆ ಇಟಲಿಯ ದಿನಪತ್ರಿಕೆಯೊಂದು ಬರೋಬ್ಬರಿ 10 ಪುಟಗಳ ನಿಧನವಾರ್ತೆ ಪ್ರಕಟ ಮಾಡಿದೆ.
ಇಟಲಿಯ Bergamo ಎಂಬ ದಿನಪತ್ರಿಕೆಯಲ್ಲಿ ಫೆಬ್ರವರಿ 9 ರಂದು ಒಂದುವರೆ ಪುಟಕ್ಕೆ ಮಾತ್ರ ಸೀಮಿತವಾಗಿದ್ದ ನಿಧನವಾರ್ತೆ ಮಾರ್ಚ್ 13 ರ ಹೊತ್ತಿಗೆ 10 ಪುಟಗಳು ತುಂಬಿವೆ.
Bergamo daily newspaper pic.twitter.com/N3ECABz8dr
— David Carretta (@davcarretta) March 14, 2020
ದಿನೇ ದಿನೇ ಸಾವಿನ ಸಂಖ್ಯೆ ಹೆಚ್ಚಾಗುತ್ತಿರುವ ಕಾರಣ, ಇಟಲಿ ಸಂಪೂರ್ಣವಾಗಿ ಸ್ತಬ್ಧಗೊಂಡಿದೆ. ಆಹಾರ ಮತ್ತು ಔಷಧಿ ಅಂಗಡಿಗಳನ್ನು ಹೊರತುಪಡಿಸಿದರೆ ಮಿಕ್ಕೆಲ್ಲವೂ ಬಂದ್ ಆಗಿದೆ. ಜಿಮ್, ಮ್ಯೂಸಿಯಂ, ನೈಟ್ ಕ್ಲಬ್ ಗಳೆವಕ್ಕೂ ಬಾಗಿಲು ಹಾಕಲಾಗಿದೆ.
ಇಟಲಿಯ ಅಂಕಿಅಂಶ:
ಕೋವಿಡ್-19 ಪಾಸಿಟಿವ್ ಒಟ್ಟು ಪ್ರಕರಣ: 27,980
ಕೊರೊನಾ ಸೋಂಕಿನಿಂದ ಒಟ್ಟು ಸಾವು: 2158
ಒಟ್ಟು ಗುಣಮುಖರಾದವರು: 2749