ತಾಲಿಬಾನ್ ಶ್ರೀಮಂತಿಕೆ ಎಷ್ಟು?, ಹಣ ಎಲ್ಲಿಂದ ಬರುತ್ತೆ ಗೊತ್ತೇ?

Updated: Monday, August 16, 2021, 15:10 [IST]

ಕಾಬೂಲ್, ಆಗಸ್ಟ್ 14: ಅಫ್ಘಾನಿಸ್ತಾನದಲ್ಲಿ ತಾಲಿಬಾನಿಗಳ ಅಟ್ಟಹಾಸ ಮುಂದುವರೆದಿದೆ. ಶೇ.75ರಷ್ಟು ನಗರವನ್ನು ಈಗಾಗಲೇ ವಶಕ್ಕೆ ಪಡೆದುಕೊಂಡಿದ್ದಾರೆ.

ತಾಲಿಬಾನ್‌ ಇತ್ತೀಚಿನ ದಿನಗಳಲ್ಲಿ ತನ್ನ ಪ್ರಾಬಲ್ಯವನ್ನು ತೀವ್ರ ಗತಿಯಲ್ಲಿ ಸಾಧಿಸುತ್ತಿರುವುದು ಅಫ್ಗಾನಿಸ್ತಾನದ ಸರ್ಕಾರವನ್ನು ಚಿಂತೆಗೀಡು ಮಾಡಿದೆ.

ಹಲವೆಡೆ ಯುದ್ಧದ ಸ್ಥಳಗಳಿಂದ ವಿಶೇಷ ಕಾರ್ಯಾಚರಣೆ ಪಡೆಗಳೇ ಪಲಾಯನಗೈದಿವೆ. ಅಪಾರ ವೆಚ್ಚ ಮಾಡಿ ತರಬೇತಿ ಪಡೆದಿದ್ದರೂ ಸೇನಾ ಪಡೆಗಳು ಯುದ್ಧ ಭೂಮಿಯಿಂದ ಓಡಿ ಹೋಗುತ್ತಿರುವುದು ಏಕೆ ಎನ್ನುವ ಪ್ರಶ್ನೆ ಸರ್ಕಾರವನ್ನು ಕಾಡುತ್ತಿದೆ. ಲವೆಡೆ ಸಂಭವಿಸಿರುವ ಹಿಂಸಾಚಾರದಿಂದಾಗಿ ಸಾವಿರಾರು ಮಂದಿ ಕಾಬೂಲ್‌ನಲ್ಲಿ ಆಶ್ರಯ ಪಡೆದಿದ್ದಾರೆ.

ಎರಡು ದಶಕಗಳ ಅವಧಿಯಲ್ಲಿ ಅಮೆರಿಕ, ಬ್ರಿಟನ್ ಮತ್ತು ನ್ಯಾಟೋ ಪಡೆಗಳು ಅತಿಹೆಚ್ಚು ದಾಳಿಗಳನ್ನು ನಡೆಸಿದ ಹೆಲ್ಮಾಂಡ್ ಪ್ರಾಂತವನ್ನು ಬಂಡುಕೋರರು ವಶಪಡಿಸಿಕೊಂಡಿದ್ದಾರೆ. ಇದು ಕಾಬೂಲ್'ಗೆ ಸನಿಹದಲ್ಲಿದೆ. ಜೊತೆಗೆ ಜಬುಲ್ ಹಾಗೂ ಉರುಜ್ಗಲ್ ಎಂಬ ಇನ್ನೆರಡು ಪ್ರಾಂತಗಳನ್ನೂ ವಶಪಡಿಸಿಕೊಂಡಿದ್ದಾರೆ.

ಬಹುತೇಕ ಈಗ ತಾಲಿಬಾನಿಗಳು ರಾಜಧಾನಿ ಕಾಬೂಲ್‌ನ್ನು ಸುತ್ತುವರೆದಂತಾಗಿದ್ದು, ರಾಜಧಾನಿ ರಕ್ಷಣೆಗೆ ಆಫ್ಘಾನಿಸ್ತಾನ ಸರ್ಕಾರ ಹೋರಾಡುತ್ತಿದೆ. ತಾಲಿಬಾನ್ ಉಗ್ರರು ಕಂದಹಾರ್‌ ವಶಪಡಿಸಿಕೊಂಡಿರುವ ಬಗ್ಗೆ ನಿನ್ನೆ ಬೆಳಿಗ್ಗೆ ವರದಿಯಾಗಿತ್ತು.

ಹಾಗಾದರೆ ತಾಲಿಬಾನಿಗಳು ಎಷ್ಟು ಬಲಿಷ್ಟರು, ಅವರಿಗೆ ಹಣ ಎಲ್ಲಿಂದ ಬರುತ್ತೆ ಇವೆಲ್ಲದರ ಕುರಿತು ಮಾಹಿತಿ ಇಲ್ಲಿದೆ. ತಾಲಿಬಾನಿಗಳು 1990ರಲ್ಲಿ ಟಿವಿಗಳಲ್ಲಿ ಕಾಣಿಸಿಕೊಂಡಿದ್ದಕ್ಕಿಂತ 2021ರಲ್ಲಿ ಭಿನ್ನವಾಗಿ ಕಾಣುತ್ತಾರೆ. ಅವರ ಆಯುಧಗಳು ಹೊಸದಾಗಿವೆ. ಅವರ ಹಮ್ವೀ ಥರದ ವಾಹನಗಳು ಕೂಡ ಹೊಸದಾಗಿವೆ. ಹಾಗೆಯೇ ಅವರ ಲುಕ್‌ಗಳಲ್ಲೂ ಕೂಡ ವ್ಯತ್ಯಾಸವನ್ನು ಕಾಣಬಹುದಾಗಿದೆ.

ಈಗ ಅವರು ಒಂದು ದೇಶವನ್ನು ಸ್ವಾಧೀನಪಡಿಸಿಕೊಳ್ಳಲು ಹೊರಟಿದ್ದು, ಉತ್ತಮ ಆಹಾರ, ಸುಸಜ್ಜಿತ ಹೋರಾಟಗಾರರು ಹಾಗೂ ಶಿಸ್ತಿನ ಸೈನ್ಯವನ್ನು ನೋಡಬಹುದಾಗಿದೆ.

ತಾಲಿಬಾನ್ ಹುಟ್ಟಿಕೊಂಡಿದ್ದು ಯಾವಾಗ?

ತಾಲಿಬಾನ್ 1990ರ ಆರಂಭದಲ್ಲಿ ಶೀತಲ ಸಮರದ ಸಮಯದಲ್ಲಿ ಹುಟ್ಟಿಕೊಂಡಿತು. ಅಫ್ಘಾನ್ ಮುಜಾಹಿದ್ದೀನ್ ಅಥವಾ ಇಸ್ಲಾಮಿಕ್ ಗೆರಿಲ್ಲಾ ಹೋರಾಟಗಾರರು ಸುಮಾರು ಒಂದು ದಶಕದ ಕಾಲ ಸೋವಿಯತ್ ಆಕ್ರಮಣದ ವಿರುದ್ಧ ಯುದ್ಧ ನಡೆಸಿದರು. ಅವರಿಗೆ ಯುನೈಟೆಡ್ ಸ್ಟೇಟ್ಸ್ ಸೇರಿದಂತೆ ಬಾಹ್ಯ ಶಕ್ತಿಗಳು ಹಣ ಸಹಾಯ ಮಾಡಿದ ಪರಿಣಾಮ ಇಂದು ಈ ಮಟ್ಟಕ್ಕೆ ಬೆಳೆದು ನಿಲ್ಲಲು ಅಮೇರಿಕಾನೇ ಕಾರಣ ಎಂದು ಪಿಟಿಐ ವರದಿ ಹೇಳುತ್ತದೆ.

ಕೆಲವರು ಸೋವಿಯತ್ ವಿರುದ್ಧ ಹೋರಾಡುತ್ತಿದ್ದ ಮುಜಾಹಿದ್ದೀನ್ ಹೋರಾಟಗಾರರು ಇದ್ದರು. ಇನ್ನು, 1994ರಲ್ಲಿ, ತಾಲಿಬಾನ್ ಅಫ್ಘಾನಿಸ್ತಾನದ ದಕ್ಷಿಣದಿಂದ ಮಿಲಿಟರಿ ಕಾರ್ಯಾಚರಣೆ ಆರಂಭಿಸಿತು. 1996ರ ಹೊತ್ತಿಗೆ, ಉಗ್ರರ ಗುಂಪು ಹೆಚ್ಚಿನ ಪ್ರತಿರೋಧವಿಲ್ಲದೆ ಅಫ್ಘನ್‌ ರಾಜಧಾನಿ ಕಾಬೂಲ್ ಅನ್ನು ವಶಪಡಿಸಿಕೊಂಡಿತು.

1989ರಲ್ಲಿ, ಸೋವಿಯತ್ ಒಕ್ಕೂಟ ಅಫ್ಘಾನಿಸ್ತಾನಕ್ಕೆ ನೀಡಿದ್ದ ಬೆಂಬಲ ಹಿಂತೆಗೆದುಕೊಂಡ ಬಳಿಕ ಅವರ ಮೇಲೆ ಹೆಚ್ಚು ಅವಲಂಬಿತವಾಗಿದ್ದ ಅಫ್ಘನ್ ಸರ್ಕಾರದ ಪತನದ ಆರಂಭವಾಯಿತು. 1992ರ ಹೊತ್ತಿಗೆ, ಮುಜಾಯಿದ್ದೀನ್ ಸರ್ಕಾರವನ್ನು ರಚಿಸಲಾಯಿತಾದರೂ, ಒಳಜಗಳದಿಂದ ಸರ್ಕಾರ ತೀವ್ರವಾಗಿ ಬಳಲುತ್ತಿತ್ತು.

ಈ ಹಿನ್ನೆಲೆ ತಮ್ಮ ದೇಶದಲ್ಲಿನ ಪ್ರತಿಕೂಲವಾದ ಪರಿಸ್ಥಿತಿಗಳು ತಾಲಿಬಾನ್‌ ಉದಯಕ್ಕೆ ಫಲವತ್ತಾದ ನೆಲವನ್ನು ಸೃಷ್ಟಿಸಿದವು. ತಾಲಿಬಾನ್ 1990ರ ಆರಂಭದಲ್ಲಿ ಸೌದಿ ಅರೇಬಿಯಾ-ಅನುದಾನಿತ ಗಡಿರೇಖೆಯ ಧಾರ್ಮಿಕ ಮದರಸಾಗಳಲ್ಲಿ ಮೊದಲು ಕಾಣಿಸಿಕೊಂಡಿದೆ ಎಂದು ಹೇಳಲಾಗಿದೆ.

ವಾರ್ಷಿಕ ಆದಾಯವೆಷ್ಟು?

2016ರಲ್ಲಿ ಫರ್ಬ್ಸ್ ತಾಲಿಬಾನ್‌ ಅನ್ನು 10 ಭಯೋತ್ಪಾದಕ ಸಂಘಟನೆಗಳಲ್ಲಿ ಐದನೇ ಶ್ರೀಮಂತ ಸಂಘಟನೆ ಎಂದು ಪಟ್ಟಿ ಮಾಡಿತು. ಐಎಸ್‌ಐಎಸ್ 2 ಬಿಲಿಯನ್ ಯುಎಸ್‌ಡಿ ವಹಿವಾಟು ಹೊಂದಿ ಮೊದಲನೆಯ ಸ್ಥಾನದಲ್ಲಿತ್ತು, ತಾಲಿಬಾನ್ 400 ಮಿಲಿಯನ್ ಯುಎಸ್‌ಡಿ ಹೊಂದಿ ಐದನೇ ಸ್ಥಾನದಲ್ಲಿತ್ತು.

ವರ್ಷ ವರ್ಷ ಸಂಸ್ಥೆಯು ವಿದೇಶಿ ದೇಣಿಗೆ ಹಾಗೂ ಕೊಡುಗೆಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡುತ್ತಿದೆ. 2017-18ರಲ್ಲಿ ತಾಲಿಬಾನ್ ಅಂದಾಜು 500 ಮಿಲಿಯನ್ ಯುಎಸ್‌ಡಿಯ ಅರ್ಧದಷ್ಟನ್ನು ವಿದೇಶಿ ಮೂಲಗಳಿಂದ ಪಡೆದಿದೆ. ಇದು 2020ರ ವೇಳೆಗೆ ಅವರ ಒಟ್ಟು ಆದಾಯದ ಸರಿಸುಮಾರು ಶೇ.15ಕ್ಕೆ ಇಳಿದಿದೆ.

ಪಾಕಿಸ್ತಾನದೊಂದಿಗೂ ವ್ಯವಹಾರ

ಫರ್ಬ್ಸ್ ತಾಲಿಬಾನ್‌ನ ಪ್ರಾಥಮಿಕ ಆದಾಯದ ಮೂಲಗಳನ್ನು ಮಾದಕವಸ್ತು ಕಳ್ಳಸಾಗಣೆ, ರಕ್ಷಣೆ ಹಣ, ದೇಣಿಗೆ ಎಂದು ಪಟ್ಟಿ ಮಾಡಿದೆ. 2016ರಲ್ಲಿ ಅಫ್ಘಾನಿಸ್ತಾನದಲ್ಲಿ ತಾಲಿಬಾನ್ ಪ್ರಬಲವಾಗಿರಲಿಲ್ಲ. ಟಿಯಾನ್ ಜಿನ್ ಸಭೆಯು ಅಮೆರಿಕಕ್ಕೆ ತಿರುಗೇಟು ನೀಡಲು ನಡೆಸಲಾಗಿದೆ ಎಂದು ಕಾಣಬಹುದಾದರೂ, ವಾಷಿಂಗ್ಟನ್ ಚೀನಾ ಮತ್ತು ರಷ್ಯಾವನ್ನು ಭೇಟಿಯಾಗಿ ತಾಲಿಬಾನ್ ಶಾಂತಿ ಒಪ್ಪಂದಕ್ಕೆ ಕರೆ ನೀಡುವ ಹೇಳಿಕೆಗಳನ್ನು ನೀಡುತ್ತಿದೆ.

ಜುಲೈ 29 ರಂದು, ಪಾಕಿಸ್ತಾನ ಪ್ರಧಾನಿ ಇಮ್ರಾನ್ ಖಾನ್ ತಾಲಿಬಾನ್‌ ಉಗ್ರರನ್ನು "ಸಾಮಾನ್ಯ ನಾಗರಿಕರು" ಎಂದು ಕರೆದಿದ್ದು, ಅವರು ಮಿಲಿಟರಿ ಸಂಘಟನೆಗೆ ಸೇರಿದವರಲ್ಲ ಎಂದು ಹೇಳಿದ್ದರು. ಮಂಗಳವಾರ ರಾತ್ರಿ ಪ್ರಸಾರವಾದ ಪಿಬಿಎಸ್ ನ್ಯೂಸ್‌ ಅವರ್ಗೆ ನೀಡಿದ ಸಂದರ್ಶನದಲ್ಲಿ, ಪಾಕಿಸ್ತಾನವು ಮೂರು ಮಿಲಿಯನ್ ಅಫ್ಘಾನ್‌ ನಿರಾಶ್ರಿತರಿಗೆ ಆತಿಥ್ಯ ವಹಿಸಿದೆ, ಅದರಲ್ಲಿ ಹೆಚ್ಚಿನವರು ಪಶ್ತೂನ್‌ಗಳು, ತಾಲಿಬಾನ್ ಹೋರಾಟಗಾರರಂತೆಯೇ ಅದೇ ಜನಾಂಗೀಯ ಗುಂಪಿಗೆ ಸೇರಿದವರು ಎಂದು ಇಮ್ರಾನ್‌ ಖಾನ್‌ ಹೇಳಿದ್ದರು. ಪಾಕಿಸ್ತಾನದ ವಿದೇಶಾಂಗ ಸಚಿವರು ಮತ್ತು ಗುಪ್ತಚರ ಮುಖ್ಯಸ್ಥರು ಚೀನಾ ಪ್ರವಾಸ ಕೈಗೊಂಡ ಸ್ವಲ್ಪ ಸಮಯದ ನಂತರ ಬರದಾರ್ ಭೇಟಿ ನಡೆಯಿತು. ಪಾಕಿಸ್ತಾನವನ್ನು ಅಫ್ಘಾನಿಸ್ತಾನದಲ್ಲಿ ಶಾಂತಿಯ ಕೀಲಿಯೆಂದು ಪರಿಗಣಿಸಲಾಗಿದೆ. ತಾಲಿಬಾನ್ ನಾಯಕತ್ವವು ಪಾಕಿಸ್ತಾನದಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿದೆ.

500,000 ಜನರ ಶಿಬಿರಗಳಿವೆ; 100,000 ಜನರ ಶಿಬಿರಗಳೂ ಇವೆ. ಮತ್ತು ತಾಲಿಬಾನ್ ಸೇನಾ ಸಂಘಟನೆಗಳಲ್ಲ, ಅವರು ಸಾಮಾನ್ಯ ನಾಗರಿಕರು. ಮತ್ತು ಈ ಶಿಬಿರಗಳಲ್ಲಿ ಕೆಲವು ನಾಗರಿಕರು ಇದ್ದರೆ, ಪಾಕಿಸ್ತಾನವು ಈ ಜನರನ್ನು ಹೇಗೆ ಬೇಟೆಯಾಡಲು ಸಾಧ್ಯ? ಎಂದೂ ಪಾಕ್‌ ಪ್ರಧಾನಿ ವಾದಿಸಿದ್ದರು

ತಾಲಿಬಾನ್ ವಿರುದ್ಧ ಆಕ್ರೋಶ

160,000 ನಾಗರಿಕರು ಹಸಿವಿನಿಂದ ಬಳಲುತ್ತಿದ್ದರೂ UN ನೀಡಿದ್ದ ಆಹಾರ ಪೂರೈಕೆಯನ್ನು ನಿರಾಕರಿಸಿದರು. ಫಲವತ್ತಾದ ಭೂಮಿಯ ವಿಶಾಲ ಪ್ರದೇಶಗಳನ್ನು ಸುಟ್ಟುಹಾಕಿದರು ಹಾಗೂ 10 ಸಾವಿರ ಮನೆಗಳನ್ನು ನಾಶಪಡಿಸಿದರು.

ತಾಲಿಬಾನ್ ಮತ್ತು ಮಿತ್ರರಾಷ್ಟ್ರಗಳು 2010ರಲ್ಲಿ ಶೇ.76 ಅಫ್ಘನ್‌ ನಾಗರಿಕ ಸಾವುನೋವುಗಳಿಗೆ, 2011ರಲ್ಲಿ 80 ಪ್ರತಿಶತ ಮತ್ತು 2012ರಲ್ಲಿ 80 ಪ್ರತಿಶತದಷ್ಟು ಜವಾಬ್ದಾರಿ ಎಂದು ಹೇಳಲಾಗಿದೆ.
ಇಸ್ಲಾಮಿಕ್ ಶರಿಯಾ ಕಾನೂನಿನ ವ್ಯಾಖ್ಯಾನವನ್ನು ಕಠಿಣವಾಗಿ ಜಾರಿಗೊಳಿಸಿದ್ದಕ್ಕಾಗಿ ತಾಲಿಬಾನ್‌ ಅನ್ನು ಅಂತಾರಾಷ್ಟ್ರೀಯವಾಗಿ ಖಂಡಿಸಲಾಗಿದೆ, ಇದು ಅನೇಕ ಅಫ್ಘನ್ನರ ಕ್ರೂರ ವರ್ತನೆಗೆ ಕಾರಣವಾಗಿದೆ. 1996 ರಿಂದ 2001ರವರೆಗಿನ ಆಳ್ವಿಕೆಯಲ್ಲಿ, ತಾಲಿಬಾನ್ ಮತ್ತು ಅವರ ಮಿತ್ರರಾಷ್ಟ್ರಗಳು ಅಫ್ಘಾನ್ ನಾಗರಿಕರ ಮೇಲೆ ಹತ್ಯಾಕಾಂಡಗಳನ್ನು ಮಾಡಿದರು.

6 ಇಯು ದೇಶಗಳು ಯುರೋಪಿಯನ್ ಕಮಿಷನ್‌ಗೆ ಅಫ್ಘಾನ್ ವಲಸಿಗರನ್ನು ಗಡಿಪಾರು ಮಾಡದಂತೆ ತಾಲಿಬಾನ್ ಮುಂಚೂಣಿಯ ಹೊರತಾಗಿಯೂ ನಿಲ್ಲಿಸದಂತೆ ಕರೆ ನೀಡಿವೆ ಎಂದು ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ.

ಆಸ್ಟ್ರಿಯಾ, ಬೆಲ್ಜಿಯಂ, ಡೆನ್ಮಾರ್ಕ್, ಜರ್ಮನಿ, ಗ್ರೀಸ್ ಮತ್ತು ನೆದರ್‌ಲ್ಯಾಂಡ್ಸ್ ಸರ್ಕಾರಗಳು EU (ಯುರೋಪಿಯನ್ ಯೂನಿಯನ್) ಕಾರ್ಯನಿರ್ವಾಹಕ ವಿಭಾಗಕ್ಕೆ ಪತ್ರ ಬರೆದು ಅಫ್ಘಾನ್‌ ವಲಸಿಗರನ್ನು ಸಾಕಲು ವಿಫಲವಾದರೆ ಅವರನ್ನು ವಾಪಸ್ ಕಳುಹಿಸಲು ಅವಕಾಶ ನೀಡಬೇಕೆಂದು ಹೇಳಿದರು.

ಚೀನಾದೊಂದಿಗೆ ಕೈಜೋಡಿಸಿರುವ ತಾಲಿಬಾನ್

ವಾಂಗ್ ಯಿ ಹಿರಿಯ ತಾಲಿಬಾನ್ ನಾಯಕ ಮುಲ್ಲಾ ಅಬ್ದುಲ್ ಘನಿ ಬರದಾರ್ ಮತ್ತು ಅವರ ನಿಯೋಗದೊಂದಿಗೆ ಟಿಯಾಂಜಿನ್ ನಗರದಲ್ಲಿ ಫೋಟೋಗೆ ಪೋಸ್‌ ನೀಡಿದ್ದು, ನಂತರ ಮಾತುಕತೆಗೆ ಕುಳಿತಿದ್ದಾರೆ. ತಾಲಿಬಾನಿಗಳು ನ್ಯಾಯಸಮ್ಮತತೆಯನ್ನು ಬಯಸುತ್ತಿರುವ ಸಮಯದಲ್ಲಿ ಸ್ನೇಹಪರತೆಯ ಎದ್ದುಕಾಣುವ ಪ್ರದರ್ಶನವು ರಾಜತಾಂತ್ರಿಕ ಕಾರ್ಯಾಚರಣೆಯ ನೋಟವನ್ನು ಹೊಂದಿದೆ ಎಂದು ಹೇಳಲಾಗುತ್ತಿದೆ.

ತಾಲಿಬಾನ್‌ ಅನ್ನು ಶಾಂತಿ ಮಾತುಕತೆ ನಡೆಸಲು ಅಥವಾ ಕನಿಷ್ಠ ಹಿಂಸಾಚಾರದ ಮಟ್ಟ ಕಡಿಮೆ ಮಾಡಲು ಅಫ್ಘನ್ ಸರ್ಕಾರಿ ಪಡೆಗಳಿಂದ ಪ್ರದೇಶ ಕಸಿದುಕೊಳ್ಳಲು ಚೀನಾ ಆಸಕ್ತಿ ಹೊಂದಿದೆ.

ಕಳೆದ ತಿಂಗಳ ಕೊನೆಯಲ್ಲಿ, ಚೀನಾದ ವಿದೇಶಾಂಗ ಸಚಿವರು ಉನ್ನತ ಮಟ್ಟದ ತಾಲಿಬಾನ್ ಅಧಿಕಾರಿಗಳ ನಿಯೋಗವನ್ನು ಭೇಟಿಯಾದರು, ಈ ಮೂಲಕ ಯುಎಸ್‌ ಸೇನೆ ಹಿಂಪಡೆಯುವ ಮುಂಚಿತವಾಗೇ ತಾಲಿಬಾನ್‌ ಜತೆ ಉತ್ತಮ ಸಂಬಂಧ ಹೊಂದುವ ಬಗ್ಗೆ ಇದು ಸೂಚನೆ ನೀಡಿತು.

ಚೀನಾ ಮತ್ತು ಅಫ್ಘಾನಿಸ್ತಾನವು ದೂರದ ವಖಾನ್ ಕಣಿವೆಯಲ್ಲಿ ಕಿರಿದಾದ ಗಡಿಯನ್ನು ಹಂಚಿಕೊಂಡಿವೆ, ಮತ್ತು ಚೀನಾ ತನ್ನ ಹಿಂದಿನ ಕ್ಸಿನ್ ಜಿಯಾಂಗ್ ಪ್ರದೇಶಕ್ಕೆ ಇಸ್ಲಾಮಿಕ್ ಉಗ್ರಗಾಮಿತ್ವವು ಹರಡುವ ಸಾಧ್ಯತೆಯ ಬಗ್ಗೆ ಬಹಳ ಹಿಂದಿನಿಂದಲೂ ಚಿಂತಿತವಾಗಿದೆ. ಅಫ್ಘಾನಿಸ್ತಾನದಲ್ಲಿ ತೈಲ, ಅನಿಲ ಮತ್ತು ತಾಮ್ರದ ಗಣಿಗಾರಿಕೆಗೆ ಸಹಿ ಹಾಕಿದ್ದರೂ, ಅವುಗಳು ದೀರ್ಘಕಾಲದಿಂದ ನಿಷ್ಕ್ರಿಯವಾಗಿದ್ದವು.