ಹಿಂದು-ಮುಂದು ಗೊತ್ತಿಲ್ಲದವನಿಗೆ 2 ಕೋಟಿ ಕೊಟ್ಟ ಗೂಗಲ್; ಅಲ್ಲಿಂದ ಮುಂದೇನಾಯಿತು?
ನವದೆಹಲಿ, ಸೆಪ್ಟೆಂಬರ್ 17: ಇದು ಗೂಗಲ್ ಪೇ, ಫೋನ್ ಪೇ ಯುಗ. ಜನರು ಕಾಸು ಕೊಡುವುದಕ್ಕೆ ಹಾಗೂ ತೆಗೆದುಕೊಳ್ಳುವುದಕ್ಕೆ ಅಪ್ಲಿಕೇಶನ್ ಅನ್ನು ಹೆಚ್ಚಾಗಿ ಬಳಸುತ್ತಿದ್ದಾರೆ. ಇಂಥ ಕಾಲದಲ್ಲಿ ಯಡವಟ್ಟುಗಳು ಆಗುವುದು ಸರ್ವೇ ಸಾಮಾನ್ಯ. ಆದರೆ ಈ ಪ್ರಕರಣವು ಎಲ್ಲಕ್ಕಿಂತ ವಿಭಿನ್ನ ಹಾಗೂ ವಿಚಿತ್ರವಾಗಿದೆ.
ಸ್ವತಃ ಗೂಗಲ್ ಕಂಪನಿಯು ವ್ಯಕ್ತಿಯೊಬ್ಬನಿಗೆ ಸಾವಿರ ಅಲ್ಲ ಲಕ್ಷವಲ್ಲ ಬರೋಬ್ಬರಿ 2 ಕೋಟಿ ರೂಪಾಯಿ ಹಣವನ್ನು ಕೊಟ್ಟಿದೆ. ಇದು ಸ್ವತಃ ಕಾಸು ತೆಗೆದುಕೊಂಡವನಿಗೇ ಗೊತ್ತಿಲ್ಲ. ಕಂತೆ ಕಂತೆ ಕಾಸು ಖಾತೆಗೆ ಜಮಾ ಆಗಿರುವ ಬಗ್ಗೆ 3 ವಾರಗಳ ನಂತರದಲ್ಲಿ ವ್ಯಕ್ತಿಗೆ ಗೊತ್ತಾಗಿದೆ.
ಅಸಲಿಗೆ ಹ್ಯಾಕರ್ ಖಾತೆಗೆ ಗೂಗಲ್ 2 ಕೋಟಿ ರೂಪಾಯಿ ಹಾಕಿದ್ದು ಏಕೆ? ಗೂಗಲ್ ಹಣವನ್ನು ಪಡೆದುಕೊಂಡ ಹ್ಯಾಂಕರ್ ಮುಂದೆ ಮಾಡಿದ್ದೇನು? 2 ಕೋಟಿಯ ಜೊತೆಗೆ ಹ್ಯಾಂಕರ್ ಹಾಗೂ ಗೂಗಲ್ ಕಥೆ ಏನಾಯಿತು ಎಂಬುದನ್ನು ಈ ವರದಿಯಲ್ಲಿ ತಿಳಿದುಕೊಳ್ಳೋಣ.
ಹ್ಯಾಕರ್ಗೆ ಗೂಗಲ್ ಕೊಟ್ಟಿದ್ದು ಬರೋಬ್ಬರಿ 2 ಕೋಟಿ ರೂ.
ಗೂಗಲ್ ಮತ್ತು ಹ್ಯಾಕರ್ ಮಧ್ಯ ಯಾವುದೇ ರೀತಿ ವಹಿವಾಟು ನಡೆದಿರಲಿಲ್ಲ. ಆದರೂ, ಗೂಗಲ್ ಖಾತೆಯಿಂದ ಬರೋಬ್ಬರಿ (2.5 ಲಕ್ಷ ಡಾಲರ್) 2 ಕೋಟಿ ರೂಪಾಯಿ ಅನ್ನು ಸ್ಯಾಮ್ ಕರಿ ಎಂಬುವವರ ಖಾತೆಗೆ ಜಮಾ ಮಾಡಿದೆ. ಈ ವಹಿವಾಟಿನ ಬಗ್ಗೆ ಸ್ಯಾಮ್ ಕರಿಗೆ ಸಂದೇಶವೂ ಹೋಗಿದೆ. ಅದಾಗ್ಯೂ, ಯಾವ ಕಾರಣಕ್ಕೆ ಈ ಹಣವು ಕರಿ ಖಾತೆಗೆ ಜಮಾ ಆಯಿತು ಎಂಬುದರ ಬಗ್ಗೆ ಸ್ಪಷ್ಟತೆ ಇರಲಿಲ್ಲ.
2 ಕೋಟಿ ಬಂದಿದ್ದು ಗೊತ್ತಾಗಿದ್ದೇ 3 ವಾರಗಳ ನಂತರ!
ಗೂಗಲ್ ಖಾತೆಯಿಂದ ಸ್ಯಾಮ್ ಕರಿ ಖಾತೆಗೆ 2 ಕೋಟಿ ರೂಪಾಯಿ ಜಮಾ ಆಗಿರುವ ಬಗ್ಗೆ ಸ್ವತಃ ಅವರಿಗೆ ಗೊತ್ತಾಗಿರಲಿಲ್ಲ. ತಮ್ಮದೇ ಅಕೌಂಟ್ ಸಂಖ್ಯೆಗೆ ಹಣ ಹೋಗಿದ್ದರೂ, ಯಾವುದೇ ಅಲರ್ಟ್ ಬಂದಿರಲಿಲ್ಲ. 3 ವಾರಗಳ ನಂತರದಲ್ಲಿ ಭಾರಿ ಮೊತ್ತವೊಂದು ತಮ್ಮ ಖಾತೆಯಲ್ಲಿ ಬಂದು ಬಿದ್ದಿರುವುದು ಸ್ಯಾಮ್ ಕರಿ ಗಮನಕ್ಕೆ ಬಂದಿತ್ತು. ಈ ವಿಷಯ ತಿಳಿಯುತ್ತಿದ್ದಂತೆ ಅವರು, ಇದರ ಬಗ್ಗೆ ಟ್ವೀಟ್ ಮಾಡಿದ್ದಾರೆ.
ಗೂಗಲ್ ಕಾಸು ಪಡೆದವನ ಟ್ವೀಟ್ ಸಂದೇಶದಲ್ಲಿ ಏನಿದೆ?
"Google ಯಾದೃಚ್ಛಿಕವಾಗಿ ನನಗೆ $249,999 ಅನ್ನು ಕಳುಹಿಸಿ 3 ವಾರಗಳಿಗಿಂತ ಹೆಚ್ಚು ಸಮಯವಾಗಿದೆ. ನಾವು ಗೂಗಲ್ ಅನ್ನು ಸಂಪರ್ಕಿಸಲು ಯಾವುದೇ ಮಾರ್ಗವಿದೆಯೇ," ಎಂದು ಕರಿ ಟ್ವೀಟ್ ಮಾಡಿದ್ದಾರೆ. ಅವರು ಮೈಕ್ರೋಬ್ಲಾಗಿಂಗ್ ಪ್ಲಾಟ್ಫಾರ್ಮ್ನಲ್ಲಿ ವಹಿವಾಟಿನ ಸ್ಕ್ರೀನ್ಶಾಟ್ ಅನ್ನು ಹಂಚಿಕೊಂಡಿದ್ದಾರೆ. ನ್ಯೂಸ್ವೀಕ್ನ ಪ್ರಕಾರ, ಕರಿಯು ನೆಬ್ರಸ್ಕಾದ ಒಮಾಹಾದಲ್ಲಿರುವ ಯುಗಾ ಲ್ಯಾಬ್ಸ್ನ ಸಿಬ್ಬಂದಿ ಭದ್ರತಾ ಇಂಜಿನಿಯರ್ ಆಗಿದ್ದಾರೆ. ಅವರು ಬಗ್ ಬೌಂಟಿ ಬೇಟೆಯಲ್ಲಿ ತೊಡಗಿಸಿಕೊಂಡಿದ್ದು, ಹಲವಾರು ಕಂಪನಿಗಳು ತಮ್ಮ ಸಾಫ್ಟ್ವೇರ್ನಲ್ಲಿ ದೋಷ ಅಥವಾ ಭದ್ರತಾ ಅಂತರವನ್ನು ಕಂಡುಕೊಂಡ ವ್ಯಕ್ತಿಗಳಿಗೆ ವಿತ್ತೀಯ ಬಹುಮಾನಗಳನ್ನು ನೀಡುತ್ತವೆ ಎಂದಿದೆ.
2 ಕೋಟಿ ಬಗ್ಗೆ ಗೂಗಲ್ ಹೇಳುವುದೇನು?
ತಮ್ಮ ಸಿಬ್ಬಂದಿಯೊಬ್ಬರು ಮಾಡಿದ ತಪ್ಪಿನಿಂದಾಗಿ ಆಕಸ್ಮಿಕವಾಗಿ ಕರಿ ಖಾತೆಗೆ 2 ಕೋಟಿ ರೂಪಾಯಿ ಪಾವತಿ ಮಾಡಿರುವುದಾಗಿ ಎನ್ಪಿಆರ್ಗೆ ಗೂಗಲ್ ದೃಢಪಡಿಸಿದ್ದು, ಸೀಕ್ರೆಟ್ ಹಿಂದಿನ ಅಸಲಿ ಕಥೆ ಬಹಿರಂಗಗೊಂಡಿದೆ. "ನಮ್ಮ ತಂಡವು ಇತ್ತೀಚೆಗೆ ಮಾನವ ದೋಷದ ಪರಿಣಾಮವಾಗಿ ತಪ್ಪಾದ ವ್ಯಕ್ತಿಗೆ ಹಣ ಪಾವತಿ ಮಾಡಿದೆ. ಪ್ರಭಾವಿತ ಪಾಲುದಾರರು ಈ ಬಗ್ಗೆ ತ್ವರಿತವಾಗಿ ನಮಗೆ ತಿಳಿಸಿದ್ದರ ಬಗ್ಗೆ ನಾವು ಪ್ರಶಂಸಿಸುತ್ತೇವೆ. ಅದನ್ನು ಸರಿಪಡಿಸಲು ನಾವು ಕೆಲಸ ಮಾಡುತ್ತಿದ್ದೇವೆ ಎಂದು Google ವಕ್ತಾರರು ಎನ್ಪಿಆರ್ಗೆ ತಿಳಿಸಿದ್ದಾರೆ.
ಕರಿ ಅವರು ಸ್ವೀಕರಿಸಿದ $250,000 ನಲ್ಲಿ ಯಾವುದೇ ಹಣವನ್ನು ಇನ್ನೂ ಖರ್ಚು ಮಾಡಿಲ್ಲ ಎಂದು ಹೇಳಿದರು, ಏಕೆಂದರೆ ಗೂಗಲ್ ವಕ್ತಾರರು ಕಂಪನಿಯು ಅದನ್ನು ಮರಳಿ ಪಡೆಯುವ ಉದ್ದೇಶವನ್ನು ದೃಢಪಡಿಸಿದ್ದಾರೆ.
-
Sayali Surve: ಇಸ್ಲಾಂನಿಂದ ಹಿಂದೂ ಧರ್ಮಕ್ಕೆ ಮತಾಂತರಗೊಂಡ ಮಿಸ್ ಇಂಡಿಯಾ ಅರ್ಥ್ ವಿಜೇತೆ ಸಯಾಲಿ ಸುರ್ವೆ, ಕಾರಣವೇನು -
Bengaluru Property: ಬೆಂಗಳೂರಿನಲ್ಲಿ ಕಟ್ಟಡ ನಿಯಮ ಉಲ್ಲಂಘಿಸಿದ ಆಸ್ತಿದಾರರಿಗೆ ಜಿಬಿಎ - ಬಿಡಿಎ ಜಂಟಿ ಶಾಕ್ -
LPG Alternatives: ಎಲ್ಪಿಜಿ ಬೆಲೆ ಏರಿಕೆಗೆ ಹೆದರಬೇಡಿ: ನಮ್ಮಲ್ಲೇ ಇರುವ ಈ ಪರ್ಯಾಯ ಮಾರ್ಗಗಳನ್ನು ಅಳವಡಿಸಿಕೊಂಡು ಜಾಣರಾಗಿ -
Gold: ಗದಗ ಲಕ್ಕುಂಡಿಯಲ್ಲಿ ಪತ್ತೆಯಾದ ಚಿನ್ನದ ನಿಧಿ ಪ್ರಕರಣಕ್ಕೆ ಟ್ವಿಸ್ಟ್: ಮೌಲ್ಯ 10 ಪಟ್ಟು ಹೆಚ್ಚು, ವಿಜಯನಗರ ಕಾಲದ ಆಭರಣ -
ಜಿಮ್ನಲ್ಲಿ ಭೇಟಿ, ಸಾಫ್ಟ್ವೇರ್ ಕಂಪನಿ ಕೆಲಸ: 7,500 ರೂ. ಸಂಬಳ ಪಡೆಯುತ್ತಿದ್ದ ಅಶ್ವಿನಿ ಅಪ್ಪು ಮನಗೆದ್ದಿದ್ದು ಹೇಗೆ? -
Vehicle Loan: ವಾಹನ ಮಾಲೀಕರಿಗೆ ಗುಡ್ನ್ಯೂಸ್: ಸಾಲ ಪ್ರಕ್ರಿಯೆ, ಆರ್ಸಿ ಅಪ್ಡೇಟ್ಗೆ ಇನ್ಮುಂದೆ ಆನ್ಲೈನ್ ವ್ಯವಸ್ಥೆ -
Horoscope March 11: ಈ ರಾಶಿಯವರಿಗೆ ಸಿಗಲಿವೆ ಹೊಸ ಅವಕಾಶಗಳು, ಬುದಕಿನಲ್ಲಿ ಯಶಸ್ಸು; ಇಂದಿನ ದಿನ ಭವಿಷ್ಯ -
KEA PGNEET: ಕೆಇಎಯಿಂದ ಮತ್ತೊಂದು ಸುತ್ತಿನ ಸೀಟು ಹಂಚಿಕೆ; 783 ವೈದ್ಯಕೀಯ ಸೀಟುಗಳು ಬಾಕಿ -
ವಾಸ್ತು: ದಕ್ಷಿಣ ಗೇಟು ಶುಭವೋ ಅಥವಾ ಅಶುಭವೋ, ಉತ್ತರ ದ್ವಾರದ ವಾಸ್ತು ರಹಸ್ಯಗಳೇನು ಇಲ್ಲಿದೆ ಸಂಪೂರ್ಣ ಮಾಹಿತಿ -
ದಯಾಮರಣಕ್ಕೆ ಸುಪ್ರೀಂ ಕೋರ್ಟ್ ಅಸ್ತು: 13 ವರ್ಷಗಳಿಂದ ಹಾಸಿಗೆ ಹಿಡಿದಿದ್ದ ಮಗನಿಗೆ ಮುಕ್ತಿ ನೀಡಲು ಕೋರಿದ್ದ ಪೋಷಕರು -
ಮತ್ತೆ ಶುರುವಾಗುತ್ತಾ ವರ್ಕ್ ಫ್ರಂ ಹೋಮ್? ಇಂಧನ ಕೊರತೆ ಬೆನ್ನಲ್ಲೇ ಹಲವು ದೇಶಗಳಲ್ಲಿ ಕಚೇರಿಗಳಿಗೆ ನಿರ್ಬಂಧ -
ಬೇಸಿಗೆಯಲ್ಲಿ ನೀವು ಚಿಲ್ಡ್ ಬಿಯರ್ ಕುಡಿಯುತ್ತೀರಾ, ಬಾಟಲ್ ಕೆಳಗಿಟ್ಟು ಇದನ್ನು ಓದಿ
Click it and Unblock the Notifications
Sign in with Google