Israel War: ಇಸ್ರೇಲ್ ಸೈನಿಕರ ಮೇಲೆ ದಾಳಿ ಮಾಡುವ ವಿಡಿಯೋ ಬಿಡುಗಡೆ ಮಾಡಿದ ಹಮಾಸ್
ಇಸ್ರೇಲ್ - ಹಮಾಸ್ ನಡುವಿನ ಸಂಘರ್ಷ ಜೋರಾಗಿದೆ. ಹಮಾಸ್ ಇಸ್ರೇಲ್ ಮೇಲೆ ದಾಳಿ ಮಾಡಿದ ಹಲವು ವಿಡಿಯೋಗಳನ್ನು ಬಿಡುಗಡೆ ಮಾಡುತ್ತಿದೆ. ಅಕ್ಟೋಬರ್ 7ರಂದು ಹಮಾಸ್ ಉಗ್ರರು ಇಸ್ರೇಲ್ ಸೈನಿಕರ ಮೇಲೆ ದಾಳಿ ಮಾಡಿದ ವಿಡಿಯೋವನ್ನು ಬಿಡುಗಡೆ ಮಾಡಿದೆ.
ಪ್ಯಾಲೆಸ್ಟಿನ್ ಉಗ್ರರು ಇಸ್ರೇಲಿ ಸೇನಾ ನೆಲೆಯ ಮೇಲೆ ದಾಳಿ ಮಾಡುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದು. ಕಿಸ್ಸುಫಿಮ್ ಬೆಟಾಲಿಯನ್ನ ಶಸ್ತ್ರಸಜ್ಜಿತ ಬೆಂಬಲ ಸೈಟ್ನಲ್ಲಿ ಆಕ್ರಮಣವನ್ನು ತುಣುಕಿನಲ್ಲಿ ತೋರಿಸಲಾಗಿದೆ. ಖಾನ್ ಯೂನಿಸ್ನ ಪೂರ್ವದ ಸೇನಾ ಶಿಬಿರದಲ್ಲಿದ್ದ ಇಸ್ರೇಲಿಗಳು ಕೊಲ್ಲಲ್ಪಟ್ಟರು ಮತ್ತು ಸೆರೆಹಿಡಿಯಲ್ಪಟ್ಟರು ಎಂದು ಹಮಾಸ್ ಹೇಳಿದೆ, ಈ ದಾಳಿಯು ಇಸ್ರೇಲ್ ವಿರುದ್ಧದ 'ಅಲ್ ಅಕ್ಸಾ ಪ್ರವಾಹ' ಕಾರ್ಯಾಚರಣೆಯ ಭಾಗವಾಗಿದೆ ಎಂದು ಹೇಳಿದೆ.
Video released by Hamas shows IDF soldiers being captured.#Palestine #Israel #Hamas #FreePalastine #HamasWarCrimes#GazaUnderAttack #طوفان_الأقصى #IsraelPalestineWar #PalestineUnderAttack #HamasMassacre #Palestinians #Palestina #اسرائیلpic.twitter.com/3RQp7PWvSh
— Zain Rajpoot (@zain_rajpoot39) October 12, 2023
ಇಸ್ರೇಲ್-ಪ್ಯಾಲೆಸ್ತೀನ್ ಯುದ್ಧದ ಮಧ್ಯೆ ಅವರು ಹಮಾಸ್ನ ಗಣ್ಯ ಕಮಾಂಡೋ ವಿಂಗ್, ನುಖ್ಬಾ ಫೋರ್ಸ್ ವಿರುದ್ಧ ವೈಮಾನಿಕ ದಾಳಿಯನ್ನು ಪ್ರಾರಂಭಿಸಿದರು ಎಂದು ಇಸ್ರೇಲ್ ರಕ್ಷಣಾ ಪಡೆ ಹೇಳಿದೆ. ಹಮಾಸ್ ಶನಿವಾರ ದಕ್ಷಿಣ ಇಸ್ರೇಲ್ಗೆ ನುಸುಳಿದಾಗ ಮತ್ತು ಇಸ್ರೇಲ್ನ ಮೇಲೆ ರಕ್ತಸಿಕ್ತ ದಾಳಿಯನ್ನು ಪ್ರಾರಂಭಿಸಿದಾಗಿ ಇಸ್ರೇಲ್ ಪಡೆಗಳು ಅಲ್ಲೇ ಇದ್ದವು.
ಶನಿವಾರದಿಂದ ಹಮಾಸ್ ಗುರಿಗಳ ಮೇಲೆ ದಾಳಿ ಮಾಡಲು ಆರಂಭಿಸಿದಾಗಿನಿಂದ ಒಟ್ಟು 4,000 ಟನ್ಗಳಷ್ಟು ಸ್ಫೋಟಕಗಳನ್ನು ಹೊಂದಿರುವ ಸುಮಾರು 6,000 ಬಾಂಬ್ಗಳೊಂದಿಗೆ ಗಾಜಾ ಪಟ್ಟಿಯ ಮೇಲೆ ಬಾಂಬ್ ದಾಳಿ ನಡೆಸಿರುವುದಾಗಿ ಇಸ್ರೇಲಿ ಸೇನೆ ತಿಳಿಸಿದೆ.
ಈ ದಾಳಿಯಲ್ಲಿ ಗಾಜಾದಲ್ಲಿ ಮಹಿಳೆಯರು ಮತ್ತು ಮಕ್ಕಳು ಮತ್ತು ಕೆಲವು ಹಿರಿಯ ಹಮಾಸ್ ಅಧಿಕಾರಿಗಳು ಸೇರಿದಂತೆ 1200 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದಾರೆ. ಇಸ್ರೇಲ್ ಗಾಜಾವನ್ನು ಸಂಪೂರ್ಣವಾಗಿ ದಿಗ್ಬಂಧನ ಮಾಡಿದೆ ಮತ್ತು ಆಹಾರ, ನೀರು ಮತ್ತು ಔಷಧಗಳು ಸೇರಿದಂತೆ ಅಗತ್ಯ ಸರಬರಾಜುಗಳನ್ನು ಅನುಮತಿಸಲು ನಿರಾಕರಿಸಿದೆ.
ಒಂದು ವಾರದಿಂದ ಯುದ್ಧ
ಮಾರಣಾಂತಿಕ ಇಸ್ರೇಲ್-ಹಮಾಸ್ ಯುದ್ಧವು ಇಂದು ಒಂದು ವಾರವನ್ನು ಪೂರ್ಣಗೊಳಿಸಿದೆ. ಮಧ್ಯಪ್ರಾಚ್ಯದಲ್ಲಿ ಎಲ್ಲಿಯೂ ಶಾಂತಿ ಸಿಗುವ ಸಾಧ್ಯತೆ ಕಾಣುತ್ತಿಲ್ಲ. ಗಾಜಾದಲ್ಲಿರುವ 10.1 ಲಕ್ಷ ಪ್ಯಾಲೆಸ್ತೀನಿಯರು ಮುಂದಿನ 24 ಗಂಟೆಗಳಲ್ಲಿ ಎನ್ಕ್ಲೇವ್ನ ದಕ್ಷಿಣಕ್ಕೆ ಸ್ಥಳಾಂತರಗೊಳ್ಳಬೇಕು ಎಂದು ಇಸ್ರೇಲಿ ಮಿಲಿಟರಿ ಶುಕ್ರವಾರ ವಿಶ್ವಸಂಸ್ಥೆಯನ್ನು ಕೇಳಿತ್ತು.
ಈ ನಡುವೆ ಗಾಜಾ ಪ್ರದೇಶದಲ್ಲಿರುವ ಜನರನ್ನು ಸಾಮೂಹಿಕವಾಗಿ ಸ್ಥಳಾಂತರಗೊಳಿಸುವ ಆದೇಶವನ್ನು ಹಿಂಪಡೆಯುವಂತೆ ಇಸ್ರೇಲ್ ಮಿಲಿಟರಿಗೆ ಯುಎನ್ ಎಚ್ಚರಿಕೆ ನೀಡಿದೆ. ಯುಎನ್ ಸಿಬ್ಬಂದಿ ಮತ್ತು ಗಾಜಾದ ಶಾಲೆಗಳು ಮತ್ತು ಚಿಕಿತ್ಸಾಲಯಗಳಂತಹ ಯುಎನ್ ಸೌಲಭ್ಯಗಳಲ್ಲಿ ಆಶ್ರಯ ಪಡೆದವರಿಗೆ ಸಹ ಆದೇಶವು ಅನ್ವಯಿಸುತ್ತದೆ.
Click it and Unblock the Notifications
Sign in with Google