ಹಣ ಗುಳುಂ ಆರೋಪದಲ್ಲಿ ಬಾಂಗ್ಲಾ ಮಾಜಿ ಪ್ರಧಾನಿಗೆ 5 ವರ್ಷ ಜೈಲು
ಢಾಕಾ, ಫೆಬ್ರವರಿ 8: ವಿರೋಧ ಪಕ್ಷದ ನಾಯಕಿ- ಮಾಜಿ ಪ್ರಧಾನಿ ಖಲೀದಾ ಜಿಯಾ ಅವರಿಗೆ ಐದು ವರ್ಷ ಜೈಲು ಶಿಕ್ಷೆ ವಿಧಿಸಿ ಗುರುವಾರ ಬಾಂಗ್ಲಾದೇಶದ ಕೋರ್ಟ್ ತೀರ್ಪು ನೀಡಿದೆ. ಹಣಕಾಸು ದುರ್ಬಳಕೆ ಆರೋಪಕ್ಕೆ ಸಂಬಂಧಿಸಿದಂತೆ ಈ ಶಿಕ್ಷೆ ಪ್ರಮಾಣ ಘೋಷಣೆ ಆಗಿದೆ.
ಅನಾಥರಿಗಾಗಿ ಸ್ಥಾಪಿಸಿದ್ದ ಟ್ರಸ್ಟ್ ನಿಂದ 2,52,000 ಅಮೆರಿಕನ್ ಡಾಲರ್ ದುರ್ಬಳಕೆ ಮಾಡಿಕೊಂಡ ಆರೋಪ ಬಾಂಗ್ಲಾದೇಶ್ ನ್ಯಾಷನಲಿಸ್ಟ್ ಪಾರ್ಟಿಯ ನಾಯಕಿ ಖಲೀದಾ ಜಿಯಾ ಮೇಲಿತ್ತು. ಈ ಆರೋಪ ರಾಜಕೀಯ ಪ್ರೇರಿತವಾದದ್ದು ಎಂದು ಜಿಯಾ ಸಮರ್ಥಿಸಿಕೊಂಡಿದ್ದರು. ಆದರೆ ಆ ವಾದವು ಕೋರ್ಟ್ ನಲ್ಲಿ ಬಿದ್ದುಹೋಗಿದ್ದು, ಜಿಯಾಗೆ ಶಿಕ್ಷೆ ಆಗಿದೆ.
"ಖಲೀದಾ ಜಿಯಾ ಅವರ ವಿರುದ್ಧದ ಆರೋಪ ಕೋರ್ಟ್ ನಲ್ಲಿ ಸಾಬೀತಾಗಿದೆ. ಆಕೆಯ ದೈಹಿಕ ಹಾಗೂ ಸಾಮಾಜಿಕ ಸ್ಥಿತಿ ಗಮನಿಸಿ ಸೆಕ್ಷನ್ 409 ಹಾಗೂ 109ರ ಅನ್ವಯ ಐದು ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಗಿದೆ" ಎಂದು ಜಡ್ಜ್ ಅಖ್ತರುಜ್ಮಾನ್ ತಿಳಿಸಿದ್ದಾರೆ.
ಈ ಪ್ರಕರಣದಲ್ಲಿ ಸಹ ಆರೋಪಿ ಆಗಿರುವ ಖಲೀದಾ ಜಿಯಾ ಮಗ ತಾರಿಖ್ ರೆಹ್ಮಾನ್ ಮತ್ತು ಇತರ ನಾಲ್ವರಿಗೆ ಹತ್ತು ವರ್ಷದ ಜೈಲು ಶಿಕ್ಷೆ ವಿಧಿಸಲಾಗಿದೆ. ಇದಕ್ಕೂ ಮುನ್ನ ರಕ್ಷಣಾ ಪಡೆ ಹಾಗೂ ವಿರೋಧ ಪಕ್ಷದ ಪರವಾದ ಪ್ರತಿಭಟನಾನಿರತರ ಮಧ್ಯೆ ಗಲಭೆ ಏರ್ಪಟ್ಟಿತು. ಈ ವೇಳೆ ಐವರು ಪೊಲೀಸ್ ಅಧಿಕಾರಿಗಳಿಗೆ ಗಾಯಗಳಾದವು.
Click it and Unblock the Notifications
Sign in with Google