ರಾನ್ಸಮ್ವೇರ್ ಸೃಷ್ಟಿಸಿದ್ದ ಜಪಾನಿನ 14ರ ಹುಡುಗ ಸೆರೆಗೆ!
ಟೋಕಿಯೋ (ಜಪಾನ್), ಜೂನ್ 5: ಇತ್ತೀಚೆಗಷ್ಟೇ ಇಡೀ ವಿಶ್ವವನ್ನೂ ತಲ್ಲಣಗೊಳಿಸಿದ್ದ ವಾನ್ನಕ್ರೈ ಎಂಬ ರಾನ್ಸಮ್ವೇರ್ ಸುದ್ದಿ ತಣ್ಣಗಾಗುವ ಮೊದಲೇ ಜಪಾನ್ ನ ಟೋಕಿಯೋದಿಂದ ಇನ್ನೊಂದು ಆಘಾತಕಾರಿ ಸುದ್ದಿ ಬೆಳಕಿಗೆ ಬಂದಿದೆ.
ಇಲ್ಲಿನ ಪ್ರೌಢ ಶಾಲೆಯೊಂದರಲ್ಲಿ ಓದುತ್ತಿರುವ 14 ವರ್ಷದ ಹುಡುಗನೊಬ್ಬ ರಾನ್ಸಮ್ವೇರ್ ವೈರಸ್ ಸೃಷ್ಟಿಸಿ ಶಾಕ್ ನೀಡಿದ್ದಾನೆ. ಆಡಿ, ಕುಣಿಯಬೇಕಾದ ವಯಸ್ಸಿನಲ್ಲಿ ಜಗತ್ತನ್ನೇ ಬೆಚ್ಚಿಬೀಳಿಸಲು ಹೊರಟ ಈ ಹುಡುಗನ ಉದ್ದೇಶ ಹಣ ಮಾಡೋದಾಗಿರಲಿಲ್ಲ, ಬದಲಾಗಿ ಪ್ರಸಿದ್ಧಿ ಗಳಿಸುವುದಾಗಿತ್ತು ಎಂಬುದನ್ನು ಈ ಹುಡುಗನೇ ತನಿಖೆಯ ಸದರ್ಭದಲ್ಲಿ ಒಪ್ಪಿಕೊಂಡಿದ್ದಾನೆ.[ಸೈಬರ್ ದಾಳಿ 'ರಾನ್ಸಮ್ವೇರ್'ನಿಂದ ತಪ್ಪಿಸಿಕೊಳ್ಳುವುದು ಹೇಗೆ?]
ಇಂಥ ವೈರಸ್ ಗಳನ್ನು ಸೃಷ್ಟಿಸುವುದನ್ನು ಈ ಹುಡುಗ ತಾನಾಗಿಯೇ ಕಲಿತಿದ್ದಾನಂತೆ! ಸದ್ಯಕ್ಕೆ ಈ ಹುಡುಗನನ್ನು ಬಂಧಿಸಲಾಗಿದ್ದು, ಮತ್ತಷ್ಟು ಮಾಹಿತಿ ಕಲೆಹಾಕಲಾಗುತ್ತಿದೆ.
Click it and Unblock the Notifications
Sign in with Google