ಲಸಿಕೆ ಎಫೆಕ್ಟ್: ಕೊರೊನಾ ನಿಯಂತ್ರಿಸಲು ಎರಡು ಕಂಪನಿಗಳ ಲಸಿಕೆ!
ನವದೆಹಲಿ, ಜೂನ್ 09: ಜರ್ಮನಿಯಲ್ಲಿ ಕೊವಿಡ್-19 ವಿರುದ್ಧ ಆಸ್ಟ್ರಾಜೆನಿಕಾದ ಲಸಿಕೆಯನ್ನು ಸೋಂಕಿತರ ಚಿಕಿತ್ಸೆಗೆ ಬಳಸುವುದಕ್ಕೆ ಜನವರಿ ತಿಂಗಳಿನಲ್ಲಿ ಮೊದಲ ಬಾರಿಗೆ ಯುರೋಪಿಯನ್ ಔಷಧೀಯ ಪ್ರಾಧಿಕಾರ ಅನುಮೋದನೆ ನೀಡಿತ್ತು. ಸೋಂಕಿನಿಂದ ಗುಣಮುಖರಾದ ಜನರಲ್ಲಿ ವಿಶೇಷವಾಗಿ ಯುವಕರಲ್ಲಿ ಮೆದುಳಿನಲ್ಲಿ ರಕ್ತ ಹೆಪ್ಪುಗಟ್ಟುವಿಕೆಗೆ ಸಂಬಂಧಿಸಿದ ಅಪಾಯಕಾರಿ ಲಕ್ಷಣಗಳು ಗೋಚರಿಸಿದವು. ಏಪ್ರಿಲ್ 1, 2021ರಂದು 60 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರ ಮೇಲೆ ಆಸ್ಟ್ರಾಜೆನಿಕಾದ ಲಸಿಕೆ ಪ್ರಯೋಗಿಸದಂತೆ ಜರ್ಮನಿಯ ಸ್ಥಾಯಿ ಸಮಿತಿ ಶಿಫಾರಸ್ಸು ಮಾಡಿತ್ತು.
ಇದರ ಅರ್ಥ ಅಸ್ಟ್ರಾಜೆನಿಕಾದ ಮೊದಲ ಡೋಸ್ ಲಸಿಕೆಯನ್ನು ಪಡೆದ ಕೆಲವರು ಬಯೋ-ಎನ್-ಟೆಕ್-ಫೈಜರ್ ಅಥವಾ ಮಾಡರ್ನಾ ಲಸಿಕೆಯನ್ನು ಎರಡನೇ ಡೋಸ್ ಆಗಿ ಪಡೆದುಕೊಂಡಿದ್ದರು. ಇಂದು ಜರ್ಮನಿಯಲ್ಲಿ ಯಾವುದೇ ವಯಸ್ಸಿನ ವ್ಯಕ್ತಿಗಳು ಮತ್ತೊಮ್ಮೆ ಅಸ್ಟ್ರಾಜೆನಿಕಾ ಲಸಿಕೆ ಪಡೆಯುವುದಕ್ಕೆ ಯಾವುದೇ ಅಡ್ಡಿಗಳಿಲ್ಲ. ವೈದ್ಯರ ಜೊತೆಗಿನ ಸಲಹೆ ಮೇರೆಗೆ ಅಸ್ಟ್ರಾಜೆನಿಕಾ ಲಸಿಕೆಯನ್ನು ಪಡೆಯಲು ಅವಕಾಶವಿದೆ
ಆದರೆ ಒಂದು ಹೊಸ ಅಧ್ಯಯನದ ಪ್ರಕಾರ, ತುರ್ತು ಸಂದರ್ಭಗಳಲ್ಲಿ ಎರಡು ವಿಭಿನ್ನ ಲಸಿಕೆಗಳನ್ನು ಪಡೆದುಕೊಳ್ಳುವುದು ಹೆಚ್ಚು ಪರಿಣಾಮಕಾರಿ ಎನಿಸಿದೆ. ಪಶ್ಚಿಮ ಜರ್ಮನಿಯ ಸಾರ್ಲ್ಯಾಂಡ್ ವಿಶ್ವವಿದ್ಯಾಲಯದ ಅಧ್ಯಯನದ ಪ್ರಕಾರ ಈ ಅಂಶವನ್ನು ಉಲ್ಲೇಖಿಸಲಾಗಿದೆ. ಆಸ್ಟ್ರಾಜೆನಿಕಾದ ಮೊದಲ ಡೋಸ್ ಹಾಗೂ ಬಯೋ-ಎನ್-ಟೆಕ್ ಮತ್ತು ಫೈಜಸ್ ಕಂಪನಿಯ ಎರಡನೇ ಡೋಸ್ ಲಸಿಕೆ ಪಡೆದವರಲ್ಲಿ ಪ್ರತಿಕಾಯ ಶಕ್ತಿ ವೃದ್ಧಿಯಾಗಿದೆ. ಒಂದು ಕಂಪನಿ ಎರಡು ಡೋಸ್ ಲಸಿಕೆ ಪಡೆದವರಿಗಿಂತ ಎರಡು ಕಂಪನಿಗಳ ಲಸಿಕೆಯನ್ನು ಪಡೆದವರಲ್ಲಿಯೇ ಹೆಚ್ಚು ರೋಗ ನಿರೋಧಕ ಶಕ್ತಿ ಹೆಚ್ಚಾಗಿರುವುದು ಗೊತ್ತಾಗಿದೆ.
ಹೀಗಾಗಿ ಇಂದು ಪ್ರತಿಕಾಯಗಳನ್ನು ವೃದ್ಧಿಸುವ ಉದ್ದೇಶದಿಂದ ಎಲ್ಲರಿಗೂ ಲಸಿಕೆಯನ್ನು ಹೊಂದಿಸಿ ಮಿಶ್ರಣ ಮಾಡಿ ನೀಡುವ ಪರಿಸ್ಥಿತಿ ಎದುರಾಗಿದೆ.
ಇನ್ನೂ ಸಂಪೂರ್ಣವಾಗಿಲ್ಲ,
ಪ್ರಾಥಮಿಕ ಫಲಿತಾಂಶಗಳು
ಸಾರ್ಲ್ಯಾಂಡ್ ವಿಶ್ವವಿದ್ಯಾಲಯದಿಂದ ಹೊರಬರುವ ಸಂಶೋಧನೆಗಳು ಪ್ರಾಥಮಿಕವಾಗಿದ್ದು, ಸಂಪೂರ್ಣ ವೈಜ್ಞಾನಿಕವಾಗಿಲ್ಲ. ಮೌಲ್ಯಮಾಪನ ಮಾಡಿಲ್ಲ ಎಂಬ ಬಗ್ಗೆ ಫಲಿತಾಂಶಗಳನ್ನು ಪತ್ರಿಕಾ ಹೇಳಿಕೆಯಲ್ಲಿ ವಿಶ್ವವಿದ್ಯಾಲಯ ಹೇಳಿದೆ. ಸಂಶೋಧಕರು ತಮ್ಮ ಅಂತಿಮ ವರದಿಯನ್ನು ಬಹಿರಂಗಪಡಿಸುವುದಕ್ಕೂ ಮೊದಲು, ರೋಗಿಗಳ ವಯಸ್ಸು, ಲಿಂಗವನ್ನು ಪರಿಗಣನೆಗೆ ತೆಗೆದುಕೊಳ್ಳಲಾಗಿದೆ. ಉದಾಹರಣೆಗೆ, ಯಾವ ರೀತಿ ಲಸಿಕೆಯ ಸಂಯೋಜನೆಗಳು ತೀವ್ರವಾದ ಅಡ್ಡಪರಿಣಾಮಗಳನ್ನು ಪ್ರಚೋದಿಸಬಲ್ಲವು ಎಂಬುದನ್ನು ಆಳವಾಗಿ ಅಧ್ಯಯನ ಮಾಡಲಾಗುತ್ತಿದೆ.
ಸಂಪೂರ್ಣವಾದ ದತ್ತಾಂಶಗಳ ಮೌಲ್ಯಮಾಪನ ಇನ್ನೂ ಪೂರ್ಣಗೊಂಡಿಲ್ಲವಾದರೂ, ಅಧ್ಯಯನ ನಡೆಸುತ್ತಿರುವ ತಂಡವು ಸ್ಪಷ್ಟ ಫಲಿತಾಂಶಗಳಿಂದ ಆಶ್ಚರ್ಯ ಚಕಿತವಾಗಿದೆ. "ಅದಕ್ಕಾಗಿಯೇ ನಾವು ಈಗ ನಮ್ಮ ಫಲಿತಾಂಶಗಳನ್ನು ಹಂಚಿಕೊಳ್ಳಲು ಬಯಸಿದ್ದೇವೆ ಮತ್ತು ವೈಜ್ಞಾನಿಕ ಮೌಲ್ಯಮಾಪನ ಪ್ರಕ್ರಿಯೆಯು ಪೂರ್ಣಗೊಳ್ಳುವವರೆಗೆ ಕಾಯಬಾರದು" ಎಂದು ಸಾರ್ಲ್ಯಾಂಡ್ ವಿಶ್ವವಿದ್ಯಾಲಯದ ಕಸಿ ಮತ್ತು ಸೋಂಕಿನ ರೋಗನಿರೋಧಕ ಶಾಸ್ತ್ರದ ಪ್ರಾಧ್ಯಾಪಕ ಮಾರ್ಟಿನಾ ಸೆಸ್ಟರ್ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಹತ್ತು ಪಟ್ಟು ಪ್ರತಿಕಾಯಗಳು
ಪ್ರತಿಕಾಯಗಳಲ್ಲಿ ಹತ್ತು ಪಟ್ಟು ಹೆಚ್ಚಳ
ಕಳೆದ ಕೆಲವು ತಿಂಗಳುಗಳಿಂದ ಸಾರ್ಲ್ಯಾಂಡ್ನ ಹೊಂಬರ್ಗ್ನಲ್ಲಿರುವ ವಿಶ್ವವಿದ್ಯಾಲಯದ ಆಸ್ಪತ್ರೆಯಲ್ಲಿ ನಡೆಸಿದ ಸಂಶೋಧನೆಯಲ್ಲಿ 250 ಜನರು ಭಾಗವಹಿಸಿದ್ದರು. ಈ ಪೈಕಿ ಕೆಲವರು ಅಸ್ಟ್ರಾಜೆನೆಕಾ ಲಸಿಕೆಯ ಎರಡು ಡೋಸ್, ಕೆಲವರು ಬಯೋಟೆಕ್-ಫಿಜರ್ ಲಸಿಕೆ ಎರಡು ಡೋಸ್ ಹಾಗೂ ಮೂರನೇ ವರ್ಗದವರು ಎರಡೂ ಲಸಿಕೆಯ ಸಮ್ಮಿಶ್ರಣವನ್ನು ತೆಗೆದುಕೊಂಡಿದ್ದರು.
ಎರಡೂ ಡೋಸ್ ಲಸಿಕೆ ಪಡೆದುಕೊಂಡವರ ಆರೋಗ್ಯದ ಸ್ಥಿತಿ ಮತ್ತು ಪ್ರತಿಕಾಯ ಶಕ್ತಿ ಕುರಿತು ಸಂಶೋಧಕರು ಪರೀಕ್ಷೆ ನಡೆಸಿದರು. "ನಾವು ಕೇವಲ ಕೊರೊನಾವೈರಸ್ ಪ್ರತಿಕಾಯಗಳ ಸಂಖ್ಯೆ ಬಗ್ಗೆ ಮಾತ್ರ ಗಮನ ಹರಿಸುತ್ತಿಲ್ಲ, ಬದಲಿಗೆ ಭಾಗವಹಿಸಿದವರಲ್ಲಿ ವೃದ್ಧಿಯಾಗಿರುವ ಪ್ರತಿಕಾಯಗಳು ಎಷ್ಟು ಪರಿಣಾಮಕಾರಿಯಾಗಿವೆ ಹಾಗೂ ಹೋರಾಡುವ ಶಕ್ತಿಯನ್ನು ಹೊಂದಿವೆ. ವೈರಸ್ ನಮ್ಮ ಜೀವಕೋಶಗಳಿಗೆ ಪ್ರವೇಶಿಸುವುದನ್ನು ತಡೆಯುವಲ್ಲಿ ಪ್ರತಿಕಾಯಗಳು ಎಷ್ಟು ಉತ್ತಮವಾಗಿದೆ ಎಂದು ನಮಗೆ ಹೇಳುತ್ತದೆ" ಎಂದು ಸೆಸ್ಟರ್ ವಿವರಿಸಿದ್ದಾರೆ.
ಪ್ರತಿಕಾಯಗಳ ಉತ್ಪಾದನೆಯಲ್ಲಿ ಗುರುತರ ಬೆಳವಣಿಗೆ
ಮ್ಯಾಡ್ರಿಡ್ನ ಕಾರ್ಲೋಸ್ III ಆರೋಗ್ಯ ಸಂಸ್ಥೆಯಲ್ಲಿ 663 ಭಾಗವಹಿಸಿದ್ದು ಸ್ಪ್ಯಾನಿಷ್ ಕಾಂಬಿವಾಕ್ಸ್ ಪ್ರಯೋಗದಲ್ಲೂ ಕೂಡ ಇದೇ ರೀತಿಯ ತೀರ್ಮಾನಕ್ಕೆ ಬಂದಿತ್ತು. ಈ ಅಧ್ಯಯನದ ಫಲಿತಾಂಶವನ್ನು ವೈಜ್ಞಾನಿಕ ಪತ್ರಿಕೆ ನೇಚರ್ ವರದಿ ಮಾಡಿತ್ತು. ಸಾರ್ಲ್ಯಾಂಡ್ ವಿಶ್ವವಿದ್ಯಾನಿಲಯದ ಫಲಿತಾಂಶಗಳಂತೆ, ಅವು ಇನ್ನೂ ಅಂತಿಮವಾಗಿಲ್ಲ - ನೇಚರ್ನಲ್ಲಿನ ಪ್ರಕಟಣೆಯು ಸ್ಪೇನ್ನ ಸಂಶೋಧಕರು ಇಲ್ಲಿಯವರೆಗೆ ಕಂಡುಕೊಂಡ ವಿಷಯಗಳ ಅವಲೋಕನವಾಗಿದೆ.
ಮೂರನೇ ಎರಡರಷ್ಟು ಜನರು ತಮ್ಮ ಮೊದಲಿಗೆ ಅಸ್ಟ್ರಾಜೆನೆಕಾ ಲಸಿಕೆ ನಂತರ ಬಯೋಟೆಕ್-ಫಿಜರ್ ಲಸಿಕೆಯನ್ನು ಪಡೆದರು. ಆರಂಭಿಕ ಫಲಿತಾಂಶದ ಸಂದರ್ಭದಲ್ಲಿ ಕೊನೆಯ ಮೂರರಷ್ಟು ಜನರು ಎರಡನೇ ಡೋಸ್ ಲಸಿಕೆ ಪಡೆದುಕೊಂಡಿರಲಿಲ್ಲ. ಬಾರ್ಸಿಲೋನಾದ ವಾಲ್ ಡಿ "ಹೆಬ್ರಾನ್ ವಿಶ್ವವಿದ್ಯಾಲಯದ ಆಸ್ಪತ್ರೆಯಲ್ಲಿನ ಕಾಂಬಿವಾಕ್ಸ್ ಅಧ್ಯಯನದ ತನಿಖಾಧಿಕಾರಿಯಾಗಿದ್ದ ಮ್ಯಾಗ್ಡಲೇನಾ ಕ್ಯಾಂಪಿನ್ಸ್, ಸಂಪೂರ್ಣ ಮಿಶ್ರಣ ಮತ್ತು ಹೊಂದಾಣಿಕೆಯ ಲಸಿಕೆ ಸಂಯೋಜನೆಯನ್ನು ಪಡೆದವರು ತಮ್ಮ ಎರಡನೇ ಡೋಸ್ ಲಸಿಕೆ ನಂತರ ಹೆಚ್ಚಿನ ಮಟ್ಟದ ಪ್ರತಿಕಾಯಗಳನ್ನು ಉತ್ಪಾದಿಸಲು ಪ್ರಾರಂಭಿಸಿದರು ಮತ್ತು ಈ ಪ್ರತಿಕಾಯಗಳು ಪ್ರಯೋಗಾಲಯ ಪರೀಕ್ಷೆಗಳಲ್ಲಿ SARS-CoV-2 ಅನ್ನು ಗುರುತಿಸಲು ಮತ್ತು ನಿಷ್ಕ್ರಿಯಗೊಳಿಸಲು ಸಾಧ್ಯವಾಯಿತು ಎಂದು ತಿಳಿಸಿದ್ದಾರೆ.
"ಫೈಜರ್ ಲಸಿಕೆ ಒಂದು-ಡೋಸ್ ಅಸ್ಟ್ರಾಜೆನೆಕಾ ಲಸಿಕೆಗಳಲ್ಲಿ ಪ್ರತಿಕಾಯ ಪ್ರತಿಕ್ರಿಯೆಗಳನ್ನು ಗಮನಾರ್ಹವಾಗಿ ಹೆಚ್ಚಿಸುವುದನ್ನು ತೋರುತ್ತದೆ" ಎಂದು ಕೆನಡಾದ ಹ್ಯಾಮಿಲ್ಟನ್ನ ಮೆಕ್ಮಾಸ್ಟರ್ ವಿಶ್ವವಿದ್ಯಾಲಯದ ರೋಗನಿರೋಧಕ ತಜ್ಞರಾದ ಜೌ ಕ್ಸಿಂಗ್ ಹೇಳಿದ್ದಾರೆ. ಅಸ್ಟ್ರಾಜೆನೆಕಾ ಲಸಿಕೆಯ ಎರಡನೇ ಡೋಸ್ ಪಡೆದ ಜನರಲ್ಲಿ ಈ ವರ್ಧನೆಯು ಇನ್ನಷ್ಟು ಸ್ಪಷ್ಟವಾಗಿದೆ ಎಂದು ಕ್ಸಿಂಗ್ ಹೇಳಿದರು.
ಹೇಗಾದರೂ, ಅದರ ಫಲಿತಾಂಶಗಳನ್ನು ಇನ್ನೂ ಅಂತಿಮಗೊಳಿಸಲಾಗಿಲ್ಲ ಮತ್ತು ಪೂರ್ವ ವಿಮರ್ಶೆ ಮಾಡಿಲ್ಲ. ಈ ಅಂಶವನ್ನು ಹೊರತುಪಡಿಸಿ, ಸ್ಪೇನ್ನ ಈ ಅಧ್ಯಯನದ ಒಂದು ಸಮಸ್ಯೆಯೆಂದರೆ, ಒಂದೇ ಲಸಿಕೆಯ ಎರಡು ಡೋಸ್ ಪಡೆದ ಜನರು ನಿಯಂತ್ರಣ ಗುಂಪಿನಲ್ಲಿಲ್ಲ. ಆದ್ದರಿಂದ ಎರಡು ಗುಂಪುಗಳ ನಡುವೆ ನೇರ ಹೋಲಿಕೆ ಸಾಧ್ಯ.
ಲಸಿಕೆ ಸಂಯೋಜನೆಯನ್ನು 'ಗಂಭೀರವಾಗಿ ಪರಿಗಣಿಸಬೇಕು'
ಆರಂಭಿಕ ಫಲಿತಾಂಶಗಳು ಏನಾದರೂ ಆಗಬೇಕಾದರೆ, ಅಸ್ಟ್ರಾಜೆನೆಕಾ ಮತ್ತು ಬಯೋಟೆಕ್-ಫೈಜರ್ನ ಸಂಯೋಜನೆಯು COVID ವಿರುದ್ಧ ಜನರಲ್ಲಿ ರೋಗನಿರೋಧಕ ವೃದ್ಧಿಸುವ ಭರವಸೆಯನ್ನು ಮೂಡಿಸಿದೆ. ಏಕೆಂದರೆ ಎರಡು ಲಸಿಕೆಗಳು ಒಂದೇ ರೀತಿ ಹೋಲಿಕೆಗಳಿಲ್ಲ. ಪ್ರಸ್ತುತ ಮಾರುಕಟ್ಟೆಯಲ್ಲಿ ಎರಡು ರೀತಿಯ COVIDಲಸಿಕೆಗಳಿವೆ.
ಅಸ್ಟ್ರಾಜೆನೆಕಾ ಎಂಬುದು ಸಾಂಪ್ರದಾಯಿಕ ಲಸಿಕೆಯಾಗಿದೆ. ಮಾನವ ಜೀವಕೋಶಗಳಿಗೆ ಸೂಚನೆಗಳನ್ನು ತಲುಪಿಸಲು ಇದು ವಿಭಿನ್ನ ವೈರಸ್ನ ನಿರುಪದ್ರವ ಆವೃತ್ತಿಯಾಗಿ ಬಳಸಲಾಗುತ್ತಿದೆ, ಇದು ಕೊರೊನವೈರಸ್ ವಿರುದ್ಧ ಪ್ರತಿಕಾಯಗಳನ್ನು ನಿರ್ಮಿಸಲು ಕಲಿಯುತ್ತದೆ.
ಬಯೋಟೆಕ್ mRNA ಲಸಿಕೆ, ಇದು ಹೊಸ ರೀತಿಯ ರೋಗನಿರೋಧಕ ವಿಧಾನವಾಗಿದೆ. mRNA ಲಸಿಕೆಗಳು ಮಾನವ ಜೀವಕೋಶಗಳಿಗೆ ಪ್ರೋಟೀನ್ ಅನ್ನು ಹೇಗೆ ತಯಾರಿಸಬೇಕೆಂದು ಕಲಿಸುತ್ತದೆ. ಅದು ಪ್ರತಿರಕ್ಷಣಾ ಪ್ರತಿಕ್ರಿಯೆಯನ್ನು ಮತ್ತು ಪ್ರತಿಕಾಯಗಳ ಉತ್ಪಾದನೆಯನ್ನು ಪ್ರಚೋದಿಸುತ್ತದೆ.
ಈ ಎರಡು ಲಸಿಕೆಗಳ ಸಂಯೋಜನೆಯು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಕಾರಣವಾಗುವುದನ್ನು ತಿಳಿಯಲು ಸಂಶೋಧಕರಿಗೆ ಇನ್ನೂ ಹೆಚ್ಚುವರಿ ಮಾಹಿತಿ ಇಲ್ಲ. ಸಾರ್ಲ್ಯಾಂಡ್ ವಿಶ್ವವಿದ್ಯಾನಿಲಯದ ಪ್ರಾಧ್ಯಾಪಕ ಸೆಸ್ಟರ್ ವಿವಿಧ ರೀತಿಯ ಲಸಿಕೆಗಳನ್ನು ಸಂಯೋಜಿಸುವ ಮತ್ತು ಅವು ಹೇಗೆ ಪ್ರತಿಸ್ಪಂದಿಸುತ್ತವೆ ಎಂಬುದರ ಕುರಿತು ಹೆಚ್ಚಿನ ಸಂಶೋಧನೆಗಳನ್ನು ಎದುರು ನೋಡುತ್ತಿದ್ದೇನೆ ಎಂದು ಹೇಳಿದರು. "ಇತರ ಸಂಶೋಧನಾ ತಂಡಗಳಿಗೆ ಇದೇ ರೀತಿ ಫಲಿತಾಂಶಗಳನ್ನು ಕಂಡುಕೊಂಡರೆ, ಸಾಂಪ್ರದಾಯಿಕ ಮತ್ತು mRNA ಲಸಿಕೆಗಳ ಮಿಶ್ರಣವನ್ನು ಗಂಭೀರವಾಗಿ ಪರಿಗಣಿಸಬೇಕು ಎಂದು ನಾವು ನಂಬುತ್ತೇವೆ" ಎಂದು ಹೇಳಿದ್ದಾರೆ.
Click it and Unblock the Notifications
Sign in with Google