Click it and Unblock the Notifications
Just In
-
-
-
Don't Miss
-
ಸುಶಾಂತ್ ಸಿಂಗ್ ರಜಪೂತ್ ಸತ್ತಾಗ ಯಾರು ದು:ಖಿಸಲಿಲ್ಲ ; ಜನರಿಗೆ ಬೇಕಿದ್ದಿದ್ದು 'ಮಸಾಲೆಯುಕ್ತ ಗಾಸಿಪ್' ಅಷ್ಟೇ..! -
ನೆಸ್ಲೆಯ ಸೆರೆಲಾಕ್ ಶಿಶು ಹಾಲಿನಲ್ಲಿ ಸಕ್ಕರೆ ಅಂಶ ಪತ್ತೆ: ತನಿಖಾ ವರದಿಯಲ್ಲಿ ಬಹಿರಂಗ -
ಬೋರಿಂಗ್ ಫೋನ್ಗಾಗಿ ಕೈಜೋಡಿಸಿದ HMD, ಹೈನೆಕೆನ್ ಮತ್ತು ಬೊಡೆಗಾ! ಯಾತಕ್ಕಾಗಿ ಈ ಫೋನ್? -
ಆಕಾಶದಲ್ಲಿ ಮತ್ತೆ ಕಾಣಿಸಿಕೊಂಡ ವಿಚಿತ್ರ ವಸ್ತು.! ಸ್ಪಷ್ಟನೆ ಬೇಕೆಂದ ನಿವಾಸಿಗಳು..! -
Tata: ಮಧ್ಯಮ ವರ್ಗದವರಿಗೆ ಸಿಹಿಸುದ್ದಿ.. ಮುಂಬರಲಿರುವ ಟಾಟಾ ಕಾರುಗಳಿವು, ಒಂದಕ್ಕಿಂತ ಒಂದು ಭರ್ಜರಿಯಾಗಿವೆ! -
ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚೀನಾದಲ್ಲಿ ವಿಶ್ವದ ಎತ್ತರದ ವಾಯು ಮಾಲಿನ್ಯ ಶುದ್ಧೀಕರಣ ಘಟಕ
ಬೀಜಿಂಗ್, ನವೆಂಬರ್ 09 : ವಿಶ್ವದಲ್ಲಿಯೇ ಅತೀವೇಗವಾಗಿ ಕಾಡನ್ನು ಬೆಳೆಸುತ್ತಿದ್ದು, ವಾಯು ಮಾಲಿನ್ಯವನ್ನು ನಿಯಂತ್ರಣದಲ್ಲಿಡಲು ಹರಸಾಹಸಪಡುತ್ತಿದ್ದರೂ, ಚೀನಾ ಕೂಡ ಈ ವಾಯು ಮಾಲಿನ್ಯದ ಪಿಡುಗಿನಿಂದ ಪರಿತಪಿಸುತ್ತಿದೆ.
ಇದು ಜಾಗತಿಕ ತಾಪಮಾನದ ಮೇಲೆ ಕೂಡ ದುಷ್ಪರಿಣಾಮ ಬೀರುತ್ತಿರುವುದರಿಂದ, ವಾಯು ಮಾಲಿನ್ಯವನ್ನು ನಿಯಂತ್ರಣದಲ್ಲಿಡಲು ಜಗತ್ತಿನ ಅತೀ ಎತ್ತರವಾದ ವಾಯು ಶುದ್ಧೀಕರಣ ಘಟಕ(328 ಅಡಿ ಎತ್ತರ)ವನ್ನು ನಿರ್ಮಿಸಿದೆ. ಇದನ್ನು ಉತ್ತರ ಚೀನಾದ ಶಾಂಕ್ಸಿ ಪ್ರಾಂತ್ಯದ ಕ್ಸಿಯನ್ ಎಂಬಲ್ಲಿ ನಿರ್ಮಿಸಲಾಗಿದೆ.
ಲ್ಯಾನ್ಸೆಟ್ ವರದಿಯ ಪ್ರಕಾರ, ಚೀನಾದಲ್ಲಿ ವಾಯು ಮಾಲಿನ್ಯದಿಂದ 1.8 ಮಿಲಿಯನ್ ಜನರು ಅಸುನೀಗಿದ್ದಾರೆ. ಇಡೀ ದೇಶವನ್ನು ಕಂಗೆಡಿಸಿರುವ ವಾಯು ಮಾಲಿನ್ಯವನ್ನು ತಡೆಗಟ್ಟುವ ಉದ್ದೇಶದಿಂದ, ಪ್ರಯೋಗಾತ್ಮಕವಾಗಿ ವಿಶ್ವದಲ್ಲಿಯೇ ಎತ್ತರವಿದೆ ಎನ್ನಲಾದ 100 ಮೀಟರ್ ಎತ್ತರದ ವಾಯು ಶುದ್ಧೀಕರಣ ಘಟಕ ಸ್ಥಾಪಿಸಿದೆ.
ಈ ಘಟಕ ಸ್ಥಾಪನೆಯಾದಾಗಿನಿಂದ ಆ ಪ್ರದೇಶದಲ್ಲಿರುವ ವಾಯು ಮಾಲಿನ್ಯ ಸಾಕಷ್ಟು ತಗ್ಗಿದೆ ಮತ್ತು ಜನರು ಶುದ್ಧ ವಾಯು ಸೇವಿಸುವಂತಾಗಿದೆ. ಮಲಿನವಾದ ವಾಯುವನ್ನು ಈ ಘಟಕದಲ್ಲಿರುವ ಗ್ಲಾಸ್ ಹೌಸ್ ಸೆಳೆದು, ಅದನ್ನು ಸೌರ ಶಕ್ತಿಯನ್ನು ಬಳಸಿ ಬಿಸಿ ಮಾಡಲಾಗುತ್ತದೆ. ನಂತರ ಅದನ್ನು ಸ್ವಚ್ಛಗೊಳಿಸುವ ವಿವಿಧ ಫಿಲ್ಟರ್ ಗಳ ಮೂಲಕ ವಾತಾವರಣಕ್ಕೆ ಬಿಡಲಾಗುತ್ತದೆ.
ದೆಹಲಿಯಲ್ಲಿಯೂ ಇವೆ : ಭಾರತದ ರಾಜಧಾನಿ ನವದೆಹಲಿಯಲ್ಲಿ ಕೂಡ ಎರಡು ಸಣ್ಣ ಪ್ರಮಾಣದ ವಾಯು ಶುದ್ಧೀಕರಣ ಸಾಧನಗಳನ್ನು ಅಳವಡಿಸಲಾಗಿದೆ. ಆದರೆ, ಕೇವಲ 500 ಮೀಟರ್ ಸುತ್ತಳತೆಯಲ್ಲಿರುವ ವಾಯುವನ್ನು ಮಾತ್ರ ಸೆಳೆದುಕೊಂಡು ಶುದ್ಧೀಕರಿಸುತ್ತದೆ. ನವದೆಹಲಿಯ ನಿವಾಸಿಗಳ ಉಸಿರುಗಟ್ಟಿಸುತ್ತಿರುವ ವಾಯು ಮಾಲಿನ್ಯದ ಪ್ರಮಾಣ ನೋಡಿದರೆ ಇದು ಯಾವುದಕ್ಕೂ ಸಾಲುವುದಿಲ್ಲ.
