ಸಲಿಂಗಿಗಳ ಮದುವೆಗೆ ಒಪ್ಪಿಗೆ ನೀಡಿದ ಆಸ್ಟ್ರೇಲಿಯಾ ಸರಕಾರ

By: ದೀಪಿಕಾ
Subscribe to Oneindia Kannada

ಸಿಡ್ನಿ, ಡಿಸೆಂಬರ್ 7: ಏಕ ಲಿಂಗಿಗಳ ನಡುವಿನ ಮದುವೆಗೆ ಆಸ್ಟ್ರೇಲಿಯಾ ಸಂಸತ್ ಒಪ್ಪಿಗೆ ನೀಡಿದೆ. ಇಂದು ನಡೆದ ಐತಿಹಾಸಿಕ ಮತಗಣನೆಯಲ್ಲಿ ಮಸೂದೆಯ ಪರ 154 ಮತಗಳು ಬಿದ್ದಿದ್ದರೆ ಮಸೂದೆ ವಿರುದ್ಧ 4 ಮತಗಳು ಬಿದ್ದಿವೆ.

ಸಂಸತ್ ನಲ್ಲಿ ಬರೋಬ್ಬರಿ 29 ಗಂಟೆಗಳ ಚರ್ಚೆ, 118 ಸುದೀರ್ಘ ಭಾಷಣಗಳ ನಂತರ ಈ ಮಸೂದೆ ಅಂಗೀಕಾರ ಪಡೆದುಕೊಂಡಿದೆ.

"ಇದು ಆಸ್ಟ್ರೇಲಿಯಾ. ಇಲ್ಲಿ ಎಲ್ಲರಿಗೂ ಗೌರವಯುತ ಮೋಹ, ಪ್ರೀತಿ, ವೈವಿಧ್ಯತೆ ತುಂಬಿದ ಜೀವನ ಸಿಗಲಿದೆ," ಎಂದು ಆಸ್ಟ್ರೇಲಿಯಾ ಪ್ರಧಾನಿ ಮಾಲ್ಕಂ ಟರ್ನ್ ಬುಲ್ ಸದನದಲ್ಲಿ ಮಸೂದೆ ಮಂಡಿಸಿ ಮಾತನಾಡಿದರು.

Australia legalizes same-sex marriage, 1st weddings expected in Feb

"ಇದು ಆಸ್ಟ್ರೇಲಿಯನ್ನರಿಗೆ ಶ್ರೇಷ್ಠ ದಿನ, ಇದು ಎಲ್ಲರಿಗೂ ಸಂಬಂಧಿಸಿದ್ದು," ಎಂದು ಅವರು ಹೇಳಿದರು.

ಸದನದಲ್ಲಿ ಮಸೂದೆ ಪಾಸಾಗುತ್ತಿದ್ದಂತೆ ಜನಪ್ರತಿನಿಧಿಗಳು ಚಪ್ಪಾಳೆ ತಟ್ಟಿ ಸಂಭ್ರಮಿಸಿದರು. ಈ ಮಸೂದೆಯಲ್ಲಿ ಗಂಡು ಮತ್ತು ಹೆಣ್ಣು ನಡುವಿನ ಬಂಧವನ್ನು 'ಮದುವೆ' ಎನ್ನುವ ಹೇಳಿಕೆಯಿಂದ ಇಬ್ಬರ ನಡುವಿನ ಒಂದಾಗುವಿಕೆ ಎಂದು ಬದಲಾಯಿಸಲಾಗಿದೆ.

ಸದ್ಯ ಮಸೂದೆ ಪಾಸಾಗಿದ್ದು ಇನ್ನು ಕೆಲವು ಪ್ರಕ್ರಿಯೆಗಳು ಮುಗಿದ ನಂತರ ಈ ಕಾನೂನು ಜಾರಿಗೆ ಬರಲಿದೆ. ಇದಾಗಿ ತಿಂಗಳೊಳಗೆ ಮೊದಲ ಮದುವೆ ನಡೆಯಬಹುದು ಎಂದು ಅಂದಾಜಿಸಲಾಗಿದೆ.

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ- ನೋಂದಣಿ ಉಚಿತ!

English summary
The Australian Parliament voted on Thursday to allow same-sex marriage across the nation. It passed the historic bill with 154 votes in favour and four votes against it.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ