30 ಪ್ಲಾಸ್ಟಿಕ್ ಬ್ಯಾಗುಗಳನ್ನು ತಿಂದು ಅಸುನೀಗಿದ ತಿಮಿಂಗಿಲ
ಮರಣೋತ್ತರ ಪರೀಕ್ಷೆ ವೇಳೆ ತಿಮಿಂಗಿಲದ ಹೊಟ್ಟೆಯಲ್ಲಿ ಸುಮಾರು 30 ಪ್ಲಾಸ್ಟಿಕ್ ಬ್ಯಾಗ್ ಗಳು ಪತ್ತೆಯಾಗಿದ್ದು, ಇದೇ ಅದರ ಸಾವಿಗೆ ಕಾರಣವಾಗಿದೆಯೆಂದು ಸಂಶೋಧಕರು ತಿಳಿಸಿದ್ದಾರೆ.
ಒಸ್ಲೊ (ನಾರ್ವೆ): ಪ್ಲಾಸ್ಟಿಕ್ ನಿಷೇಧದ ಕೂಗು ಕೇವಲ ನಮ್ಮಲ್ಲಿ ಮಾತ್ರವಲ್ಲ ವಿದೇಶಗಳಲ್ಲೂ ಇದೆ. ಪರಿಸರದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತಿರುವ ಪ್ಲಾಸ್ಟಿಕ್ , ಮುಗ್ಧ ಹಾಗೂ ಮೂಕ ಪ್ರಾಣಿಗಳ ಜೀವವನ್ನು ಬಲಿತೆಗೆದುಕೊಳ್ಳುತ್ತಿವೆ ಎನ್ನುವುದಕ್ಕೆ ಮತ್ತೊಂದು ಉದಾಹರಣೆ ಸಿಕ್ಕಿದೆ.
ನಾರ್ವೆಯ ಪಶ್ಚಿಮ ಭಾಗ ಕರಾವಳಿಯ ಸಮುದ್ರ ತೀರದಲ್ಲಿ ಎರಡು ದಿನಗಳ ಹಿಂದೆ ದೈತ್ಯ ತಿಮಿಂಗಿಲವೊಂದು ಸತ್ತು ಬಿದ್ದಿತ್ತು. ಸಂಶೋಧನಾಕಾರರು ಅದನ್ನು ಕೊಂಡೊಯ್ದು ಅದರ ಮರಣೋತ್ತರ ಪರೀಕ್ಷೆ ನಡೆಸಿದ್ದಾರೆ.
ಪರೀಕ್ಷೆ ವೇಳೆ ಅದರ ಹೊಟ್ಟೆಯಲ್ಲಿ ಸುಮಾರು 30 ಪ್ಲಾಸ್ಟಿಕ್ ಬ್ಯಾಗ್ ಗಳು ಪತ್ತೆಯಾಗಿವೆ. ಇಷ್ಟು ಪ್ಲಾಸ್ಟಿಕ್ ಬ್ಯಾಗ್ ಗಳನ್ನು ಅರಿಯದೇ ನುಂಗಿರುವ ಈ ತಿಮಿಂಗಿಲ ಸಾಯುವ ವೇಳೆ ಸಹಿಲಸಾಧ್ಯವಾದ ಹೊಟ್ಟೆನೋವಿನಿಂದ ಬಳಲಿ ಸಾವನ್ನಪ್ಪಿರಬಹುದು ಎಂದು ಸಂಶೋಧನಾಕಾರರು ಊಹಿಸಿದ್ದಾರೆ.
ಹೊಟ್ಟೆಯ ಜಠರದಲ್ಲಿ ಪಚನವಾಗದ ಈ ಪ್ಲಾಸ್ಟಿಕ ಬ್ಯಾಗುಗಳು, ಅಲ್ಲಿಂದ ಕರುಳನ್ನು ಪ್ರವೇಶಿಸಿ ಅಲ್ಲಿ ಒಂದಕ್ಕೊಂದು ಬೆಸೆದುಕೊಂಡು ಹಗ್ಗದ ರೂಪದಲ್ಲಿ ಇಡೀ ಕರುಳಿನ ತುಂಬೆಲ್ಲಾ ಆವರಿಸಿಕೊಂಡಿವೆ. ಇದರಿಂದ ತಿಮಿಂಗಿಲವು ತಿಂದ ಇನ್ಯಾವ ಆಹಾರವೂ ಕರುಳನ್ನು ಪ್ರವೇಶಿಸಲು ಈ ಪ್ಲಾಸ್ಟಿಕ್ ಅನುವು ಮಾಡಿಲ್ಲ. ಇದಲ್ಲದೆ, ತೀವ್ರವಾದ ಹೊಟ್ಟೆ ನೋವಿನಿಂದ ಈ ತಿಮಿಂಗಿಲ ಸಾವನ್ನಪ್ಪಿದೆ ಎಂದು ಸಂಶೋಧನಾಕಾರರು ತಿಳಿಸಿದ್ದಾರೆ.
Click it and Unblock the Notifications
Sign in with Google