ವಿಡಿಯೋದಲ್ಲಿ ಒಡವೆ,ಹಣದ ಶೋ ಆಫ್‌ ಬೇಕಿತ್ತಾ?ಯುಟ್ಯೂಬರ್‌ ಮನೆಗೆ ನುಗ್ಗಿ ಒಂಚೂರೂ ಬಿಡದೆ ಚಿನ್ನ, ಬೆಳ್ಳಿ ಹೊತ್ತೊಯ್ದ ಕಳ್ಳರು

By Shiddalingesh S

Published: Tuesday, June 9, 2026, 11:41 [IST]

ಸಾಮಾಜಿಕ ಮಾಧ್ಯಮದಲ್ಲಿ ಎಷ್ಟು ಬೇಕೋ ಅಷ್ಟು ಮಾತ್ರ ವಿಚಾರಗಳನ್ನು ಹಂಚಿಕೊಳ್ಳಬೇಕು. ಬೆಳಗ್ಗೆ ಎದ್ದಾಗಿನಿಂದ ರಾತ್ರಿ ಮಲಗುವವರೆಗೆ ಪ್ರತೀ ಆಗು ಹೋಗುಗಳನ್ನು ವಿಡಿಯೋ ಮಾಡಿ ಹಾಕುವವರು ನಮ್ಮ ನಡುವೆ ಇದ್ದಾರೆ. ತಮ್ಮ ವೈಯಕ್ತಿಕ ಬದುಕು ಕೂಡಾ ಇವರಿಗೆ ಕಟೆಂಟ್‌. ಇನ್ನು ಕೆಲವರಂತೂ ಏನೇ ಹೊಸ ವಸ್ತು ಖರೀದಿಸಿ ತರಲಿ ಮೊದಲು ಪೋಸ್ಟ್‌ ಮಾಡುವುದೇ ಸಾಮಾಜಿಕ ಮಾಧ್ಯಮದಲ್ಲಿ. ಇನ್ನು ಕೆಲವರಂತೂ ಹೌಸ್‌ ಟೂರ್‌ ಹೆಸರಿನಲ್ಲಿ ಮನೆಯ ಎಲ್ಲಾ ಆಯಾಮಗಳನ್ನೂ ಜಗತ್ತಿನೆದುರು ಬಿಚ್ಚಿಡುತ್ತಾರೆ. ಇದು ಒಂದಲ್ಲ ಒಂದು ದಿನ ಅಪಾಯಕ್ಕೆ ದಾರಿ ಮಾಡಿಕೊಡಬಹುದು ಎನ್ನುವ ಸೂಕ್ಷ್ಮ ಜ್ಞಾನವೂ ಇರದೆ ವಿಡಿಯೋ ಮಾಡಿ ಶೇರ್‌ ಮಾಡಿಕೊಳ್ಳುತ್ತಾರೆ.

ಯೂಟ್ಯೂಬರ್ ರಚನಾ ಗುರ್ಜರ್ ಇವರು ಸಾಮಾಜಿಕ ಮಾಧ್ಯಮ ವೀಡಿಯೊಗಳಲ್ಲಿ ತನ್ನ ಆಭರಣಗಳನ್ನು ಆನ್‌ಲೈನ್‌ನಲ್ಲಿ ಪ್ರದರ್ಶಿಸುವುದಕ್ಕೇ ಹೆಸರುವಾಸಿ. ತನ್ನಲ್ಲಿರುವ ಒಡವೆಗಳನ್ನು ತನ್ನ ವಿಡಿಯೋ ಮೂಲಕ ಆನ್‌ಲೈನ್‌ನಲ್ಲಿ ಪ್ರದರ್ಶನಕ್ಕಿಟ್ಟು ಇದೀಗ ಎಲ್ಲವನ್ನೂ ಕಳೆದುಕೊಳ್ಳುವ ಸ್ಥಿತಿಗೆ ತಲುಪಿದ್ದಾರೆ. ಪದೇ ಪದೇ ತನ್ನಲ್ಲಿರುವ ಒಡವೆ, ಆಭರಣಗಳು ಮತ್ತು ಬೆಲೆಬಾಳುವ ವಸ್ತುಗಳನ್ನು ವಿಡಿಯೋ ಮೂಲಕ ತೋರಿಸುತ್ತಿದ್ದರು. ಈ ರೀತಿಯ ಕಟೆಂಟ್‌ ಮೂಲಕವೇ ಇವರು ಖ್ಯಾತಿ ಗಳಿಸಿದ್ದರು. ಇದೀಗ ತಾವು ಮಾಡುತ್ತಿದ್ದ ವಿಡಿಯೋ ಇವರಿಗೆ ಮುಳ್ಳಾಗಿದೆ. ಲಕ್ಷಾಂತರ ಮೌಲ್ಯದ ಒಡವೆ ಕಳ್ಳರ ಪಾಲಾಗಿದೆ.

ಈ ಪ್ರಕರಣವು ಗ್ರಾಮೀಣ ಪ್ರದೇಶಗಳಲ್ಲಿನ ಭದ್ರತೆ ಮತ್ತು ವೈಯಕ್ತಿಕ ವಸ್ತುಗಳನ್ನು ಆನ್‌ಲೈನ್‌ನಲ್ಲಿ ತೋರಿಸುವುದು ಎಷ್ಟು ಅಪಾಯಕಾರಿ ಎನ್ನುವುದರ ಬಗ್ಗೆ ಕಳವಳವನ್ನು ಹುಟ್ಟುಹಾಕಿದೆ. ಪೊಲೀಸರು ಈ ಬಗ್ಗೆ ತನಿಖೆ ನಡೆಸುತ್ತಿದ್ದು, ಆರೋಪಿಗಳನ್ನು ಪತ್ತೆಹಚ್ಚಲು ಸಿಸಿಟಿವಿ ದೃಶ್ಯಾವಳಿಗಳನ್ನು ಸ್ಕ್ಯಾನ್ ಮಾಡುತ್ತಿದ್ದಾರೆ.

ಮಧ್ಯರಾತ್ರಿ ನಡೆದ ಘಟನೆ:

ಮಧ್ಯರಾತ್ರಿ ಎಲ್ಲರೂ ಗಾಢ ನಿದ್ದೆಯಲ್ಲಿದ್ದಾಗ ಈ ಘಟನೆ ನಡೆದಿದೆ. ಕಳ್ಳರು ಮನೆಯ ಬೇಲಿಯನ್ನು ಕತ್ತರಿಸಿ ಮನೆಯೊಳಗೆ ಪ್ರವೇಶಿಸಿದ್ದಾರೆ ಎನ್ನಲಾಗಿದೆ. ನಂತರ, ಅವರು ಕೋಣೆಯನ್ನು ಹೊರಗಿನಿಂದ ಲಾಕ್ ಮಾಡಿ, ಕಳ್ಳತನ ಮಾಡುವಾಗ ಮನೆಯಲ್ಲಿರುವವರು ಹೊರ ಬರದಂತೆ ನೋಡಿಕೊಂಡಿದ್ದಾರೆ. ಕಳ್ಳತನದ ದೃಶ್ಯಗಳು ಸಿಸಿಟಿವಿ ಕ್ಯಾಮೆರಾಗಳಲ್ಲಿ ಸೆರೆಯಾಗಬಾರದು ಎನ್ನುವ ಉದ್ದೇಶದಿಂದ ಕ್ಯಾಮೆರಾಗಳನ್ನು ಮೇಲಕ್ಕೆ ತಿರುಗಿಸಿ ಕಳ್ಳರು ಚಾಲಾಕಿ ಮೆರೆದಿದ್ದಾರೆ. ಕಪಾಟುಗಳ ಬೀಗಗಳನ್ನು ಮುರಿದು ಎಲ್ಲವನ್ನೂ ಹೊತ್ತೊಯ್ದಿದ್ದಾರೆ. ಮನೆಯ ವಿನ್ಯಾಸದ ಪೂರ್ವ ಜ್ಞಾನದೊಂದಿಗೆ ಈ ಕೃತ್ಯವನ್ನು ಚೆನ್ನಾಗಿ ಯೋಜಿಸಿ ಕಾರ್ಯಗತಗೊಳಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಲಕ್ಷಾಂತರ ಮೌಲ್ಯದ ಚಿನ್ನ, ನಗದು ಮತ್ತು ಆಭರಣಗಳು ನಾಪತ್ತೆ:

ಕಳುವಾದ ವಸ್ತುಗಳ ವಿವರ ಹೀಗಿದೆ:

1.91 ಲಕ್ಷ ನಗದು, ಚಿನ್ನದ ಮಂಗಳಸೂತ್ರ ನಾಲ್ಕು ಚಿನ್ನದ ಉಂಗುರಗಳು ಸಾಂಪ್ರದಾಯಿಕ ಆಭರಣಗಳು ಸೇರಿದಂತೆ ಬೆಳ್ಳಿ ಆಭರಣಗಳು ಇತರ ಗೃಹೋಪಯೋಗಿ ವಸ್ತುಗಳನ್ನು ಕಳವು ಮಾಡಿದ್ದಾರೆ. ಇನ್ನೂ ಕುತೂಹಲಕಾರಿ ಸಂಗತಿಯೆಂದರೆ ಕಳ್ಳರು ತಂಪು ಪಾನೀಯಗಳ ಬಾಕ್ಸ್‌ ಅನ್ನು ಸಹ ತೆಗೆದುಕೊಂಡು ಹೋಗಿದ್ದಾರೆ. ಕಳ್ಳತನದಿಂದ ಒಟ್ಟು ಸುಮಾರು 7-8 ಲಕ್ಷ ನಷ್ಟವಾಗಿದೆ ಎಂದು ಅಂದಾಜಿಸಲಾಗಿದೆ.

Recommended For You

ಪ್ರೀತಿಯಿಂದ ಸಾಕಿದ ಶ್ವಾನ ಗ್ರಾಹಕರ ತಟ್ಟೆಯಲ್ಲಿ ಊಟವಾಗಿ ದಾರುಣ ಅಂತ್ಯ, ಚೀನಾದಲ್ಲೊಂದು ಮನಕಲುಕುವ ಕಥೆ

ಎಲ್ಲವೂ ವಿಡಿಯೋ ಮೂಲಕ ಶೇರ್‌:

ರಚನಾ ಗುರ್ಜರ್ ಸಾಮಾಜಿಕ ಮಾಧ್ಯಮದಲ್ಲಿ ಕಟೆಂಟ್‌ ಕ್ರಿಯೇಟರ್‌ ಆಗಿದ್ದರು. ತಮ್ಮ ಆಭರಣಗಳು, ಹಬ್ಬದ ಆಚರಣೆ, ಮನೆಯ ಸೆಟಪ್‌ಗಳು ಸೇರಿದಂತೆ ತಮ್ಮ ಜೀವನಶೈಲಿಯನ್ನು ಪ್ರದರ್ಶಿಸುವ ವೀಡಿಯೊಗಳನ್ನು ಆಗಾಗ ಶೇರ್‌ ಮಾಡುತ್ತಿದ್ದರು.

ತೀವ್ರಗೊಂಡ ತನಿಖೆ:

ಪೊಲೀಸರ ತನಿಖೆ ತೀವ್ರಗೊಂಡಿದೆ. ಪೊಲೀಸ್ ತಂಡವು ಸುತ್ತಮುತ್ತಲಿನ ಪ್ರದೇಶಗಳಿಂದ ಸಿಸಿಟಿವಿ ದೃಶ್ಯಾವಳಿಗಳನ್ನು ಸಂಗ್ರಹಿಸಲು ಪ್ರಾರಂಭಿಸಿದೆ. ಶಂಕಿತರ ಮೇಲೆ ತೀವರ ನಿಗಾ ಇರಿಸಲಾಗಿದೆ. ಕಳ್ಳರು ತಪ್ಪಿಸಿಕೊಳ್ಳುವ ಸಂಭವನೀಯ ಮಾರ್ಗಗಳನ್ನು ಪತ್ತೆಹಚ್ಚಲಾಗುತ್ತಿದೆ. ಪೂರ್ವ ದಾಖಲೆಗಳೊಂದಿಗೆ ಸ್ಥಳೀಯ ಶಂಕಿತರನ್ನು ಪರಿಶೀಲಿಸುವ ಕಾರ್ಯ ನಡೆಯುತ್ತಿದೆ. ಇನ್ನೂ ಯಾರನ್ನೂ ಬಂಧಿಸಲಾಗಿಲ್ಲ, ಆದರೆ ಪ್ರಕರಣದಲ್ಲಿ ಪ್ರಗತಿ ಸಾಧಿಸಲಾಗುತ್ತಿದೆ ಎಂದು ಅಧಿಕಾರಿಗಳು ಹೇಳುತ್ತಾರೆ. ಸಿಸಿಟಿವಿ ಕುಶಲತೆ ಮತ್ತು ನಿಖರವಾದ ಸಮಯವನ್ನು ಒಳಗೊಂಡ ಯೋಜಿತ ಕಳ್ಳತನದ ಹೆಚ್ಚುತ್ತಿರುವ ಪ್ರವೃತ್ತಿಯನ್ನು ಈ ಘಟನೆ ಮತ್ತೊಮ್ಮೆ ಎತ್ತಿ ತೋರಿಸಿದೆ. ಶಿವಪುರಿಯಂತಹ ಅರೆ-ಗ್ರಾಮೀಣ ಪ್ರದೇಶಗಳಲ್ಲಿ ಉತ್ತಮ ರಾತ್ರಿ ಕಣ್ಗಾವಲು ಮತ್ತು ಕಠಿಣ ಪೊಲೀಸ್ ವ್ಯವಸ್ಥೆಗೆ ನಿವಾಸಿಗಳು ಈಗ ಒತ್ತಾಯಿಸುತ್ತಿದ್ದಾರೆ.