ಉತ್ತರ ಪ್ರದೇಶ ಶಾಲೆಗಳಲ್ಲಿ ಯೋಗ, ಸ್ವಯಂ ರಕ್ಷಣಾ ತರಗತಿ ಕಡ್ಡಾಯ

ಇದೇ ವಾರದ ಆರಂಭದಲ್ಲಿ ಮುಖ್ಯಮಂತ್ರಿ ಆದಿತ್ಯನಾಥ್ ಅವರು, ಶಿಕ್ಷಣ ಇಲಾಖೆಯ ಅಧಿಕಾರಿಗಳೊಂದಿಗೆ ನಡೆಸಿದ ಮಾತುಕತೆ ವೇಳೆ ಈ ನಿರ್ಧಾರ ಕೈಗೊಂಡಿದ್ದರು. ಅದರ ಆದೇಶ ಈಗ ಜಾರಿಗೊಂಡಿದೆ.

ಲಕ್ನೋ, ಏಪ್ರಿಲ್ 7: ಅಸ್ತಿತ್ವಕ್ಕೆ ಬಂದಾಗಿನಿಂದ ಉತ್ತರ ಪ್ರದೇಶದಲ್ಲಿ ಹಲವಾರು ಬದಲಾವಣೆ, ಮಾರ್ಪಾಟುಗಳನ್ನು ಮಾಡುತ್ತಿರುವ ಯೋಗಿ ಆದಿತ್ಯನಾಥ್ ಸರ್ಕಾರ, ಇದೀಗ ಉತ್ತರ ಪ್ರದೇಶದ ಎಲ್ಲಾ ಸರ್ಕಾರಿ ಶಾಲೆಗಳಲ್ಲಿ ಯೋಗಾಭ್ಯಾಸ ಸ್ವಯಂ ರಕ್ಷಣಾ ತರಗತಿಗಳನ್ನು ಕಡ್ಡಾಯಗೊಳಿಸುವಂತೆ ಆದೇಶಿಸಿದೆ.

ಈ ಸ್ವಯಂ ರಕ್ಷಣಾ ತರಗತಿಗಳಿಗೆ 'ರಾಣಿ ಲಕ್ಷ್ಮೀಬಾಯಿ ಆತ್ಮರಕ್ಷಣಾ ಕಾರ್ಯಕ್ರಮ' ಎಂದು ಹೆಸರಿಡಲಾಗಿದೆ.

ಇದೇ ವಾರದ ಆರಂಭದಲ್ಲಿ ಮುಖ್ಯಮಂತ್ರಿ ಆದಿತ್ಯನಾಥ್ ಅವರು, ಶಿಕ್ಷಣ ಇಲಾಖೆಯ ಅಧಿಕಾರಿಗಳೊಂದಿಗೆ ನಡೆಸಿದ ಮಾತುಕತೆ ವೇಳೆ ಈ ನಿರ್ಧಾರ ಕೈಗೊಂಡಿದ್ದರು. ಅದರ ಆದೇಶ ಈಗ ಜಾರಿಗೊಂಡಿದೆ.

ಯೋಗಾಭ್ಯಾಸ ಹಾಗೂ ಸ್ವಯಂ ರಕ್ಷಣೆಯ ತರಗತಿಗಳು ದೈಹಿಕ ಶಿಕ್ಷಣದ ಒಂದು ಭಾಗವಾಗಿರಲಿವೆ. ಯೋಗವು ಎಲ್ಲಾ ವಿದ್ಯಾರ್ಥಿಗಳಿಗೂ ಸಾಮಾನ್ಯವಾಗಿದ್ದರೆ, ಸ್ವಯಂ ರಕ್ಷಣೆ ತರಗತಿಗಳು ಬಾಲಕಿಯರಿಗೆ ಸೀಮಿತವಾಗಿರಲಿವೆ.

English summary

The Yogi Adityanath administration in Uttar Pradesh has made yoga compulsory in all government schools across the state. Directives have been sent to the state's education department authorities to make Yoga as well as self-defence training for girls in all state-run schools.