ಸ್ಕಲ್-ಬ್ರೇಕರ್ ಚಾಲೆಂಜ್ ಎಂದರೇನು?: ಪೋಷಕರಿಗ್ಯಾಕಷ್ಟು ಭಯ

ನವದೆಹಲಿ, ಫೆಬ್ರವರಿ 17: ಕೀ-ಕೀ ಚಾಲೆಂಜ್, ಟಿಕ್‌ಟಾಕ್ ರೀತಿಯಲ್ಲಿ ಇದೀಗ ಸ್ಕಲ್ ಬ್ರೇಕರ್ ಚಾಲೆಂಜ್ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಸ್ಕಲ್ ಬ್ರೇಕರ್ ಶಾಲಾ ಮಕ್ಕಳ ಪೋಷಕರಿಗೆ ದೊಡ್ಡ ತಲೆನೋವಾಗಿದೆ. ಸದ್ಯ ಈ ಚಾಲೆಂಜ್ ವಿಡಿಯೋಗಳು ಫೇಸ್‌ಬುಕ್, ಟಿಕ್‌ಟಾಕ್, ಟ್ವಿಟ್ಟರ್‌ನಲ್ಲಿ ಹರಿದಾಡುತ್ತಿವೆ.

ಸ್ಕಲ್ ಬ್ರೇಕರ್ ಚಾಲೆಂಜ್‌ನ್ನು ಮೂರು ಮಂದಿ ಸೇರಿ ಮಾಡುತ್ತಾರೆ. ಮೊದಲು ಮಧ್ಯದಲ್ಲಿ ನಿಂತವರನ್ನು ಬಿಟ್ಟು ಆ ಕಡೆ ಈ ಕಡೆ ನಿಂತವರು ಜಂಪ್ ಮಾಡುತ್ತಾರೆ. ನಂತರ ಮಧ್ಯೆ ನಿಂತವನು ಅವರಂತೆ ಜಂಪ್ ಮಾಡುತ್ತಾನೆ. ತಕ್ಷಣ ಆ ಕಡೆ ಈ ಕಡೆ ನಿಂತವರು ಮೇಲೆ ಹಾರಿದವನ ಕಾಲುಗಳಿಗೆ ಜೋರಾಗಿ ಒದೆಯುತ್ತಾರೆ.

ಇದರಿಂದ ಮೇಲೆ ಹಾರಿದವನಿಗೆ ಯಾವುದೇ ಸಪೋರ್ಟ್ ಇಲ್ಲದೆ ನೆಲಕ್ಕೆ ಬೀಳುತ್ತಾನೆ. ಈ ವೇಳೆ ಬೆನ್ನು ಮೂಳೆ, ತಲೆ ಹಾಗೂ ಕೈ ಕಾಲುಗಳಿಗೆ ಬಲವಾದ ಪೆಟ್ಟು ಬೀಳುವ ಸಾಧ್ಯತೆ ಇದೆ. ಒಂದು ವೇಳೆ ತಲೆ ಬುರುಡೆ ಜೋರಾಗಿ ನೆಲಕ್ಕೆ ಅಪ್ಪಳಿಸಿದರೆ ಪ್ರಾಣವೇ ಹೋಗಬಹುದು ಅಥವಾ ಪ್ರಜ್ಞೆ ತಪ್ಪುವ ಸಾಧ್ಯತೆ ಇರುತ್ತದೆ.

ಇದೀಗ ಈ ಸ್ಕಲ್ ಬ್ರೇಕರ್ ಗೇಮ್‌ನಿಂದ ಪೋಷಕರಿಗೆ ಆತಂಕವಾಗಿದೆ. ದಿನನಿತ್ಯ ಮೊಬೈಲ್‌ನಲ್ಲೇ ಮುಳುಗಿರುವ ಮಕ್ಕಳನ್ನು ಇದರಿಂದ ದೂರವಿಡುವುದು ಹೇಗೆ ಎನ್ನುವುದು ಪೋಷಕರ ಚಿಂತೆಯಾಗಿದೆ.

English summary

A new social media trend called the Skull-breaker challenge has been raising alarm bells everywhere. What is Scull breaker challenge information is here.