ಸಾಯುವ ಮುನ್ನ ಪಾಕಿಸ್ತಾನ ನೋಡಬೇಕು ಎಂದ ಸ್ಟಾರ್ ನಟ!

ಮುಂಬೈ, ನವೆಂಬರ್ 13: ಬಾಲಿವುಡ್ ನ ಸ್ಟಾರ್ ನಟ ರಿಷಿ ಕಪೂರ್ ಅವರು ತಮ್ಮ ಜೀವನದ ಅಂತಿಮ ಆಸೆಯನ್ನು ಬಹಿರಂಗ ಪಡಿಸಿದ್ದಾರೆ. ಸಾಯುವ ಮುನ್ನ ಪಾಕಿಸ್ತಾನವನ್ನು ಒಮ್ಮೆ ನೋಡಬೇಕು ಎಂದಿದ್ದಾರೆ.

ನ್ಯಾಷನಲ್ ಕಾನ್ಫರೆನ್ಸ್ ಅಧ್ಯಕ್ಷ ಫಾರೂಖ್ ಅಬ್ದುಲ್ಲಾ ಅವರು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರವು ಪಾಕಿಸ್ತಾನಕ್ಕೆ ಸೇರಿದ್ದು ಎಂದು ನೀಡಿರುವ ಹೇಳಿಕೆಗೆ ನಟ ರಿಷಿ ಕಪೂರ್ ಪ್ರತಿಕ್ರಿಯಿಸಿದ್ದಾರೆ.

ಭಾರತ ಹಾಗೂ ಪಾಕಿಸ್ತಾನ ನಡುವೆ ಎಷ್ಟೇ ಯುದ್ಧಗಳಾದರೂ ಇದನ್ನು ಬದಲಾಯಿಸಲು ಸಾಧ್ಯವಿಲ್ಲ ಎಂದು ರಿಷಿ ಹೇಳಿದ್ದಾರೆ.

ಸ್ವತಂತ್ರ ಕಾಶ್ಮೀರದ ಬಗ್ಗೆ ನಡೆದಿರುವ ಚರ್ಚೆ ಸರಿಯಿಲ್ಲ. ಅಣು ಶಕ್ತಿ ಭರಿತ ಮೂರು ರಾಷ್ಟ್ರಗಳಾದ ಭಾರತ, ಚೀನಾ ಹಾಗೂ ಪಾಕಿಸ್ತಾನದಿಂದ ಆವೃತವಾಗಿರುವ ಕಣಿವೆ ರಾಜ್ಯಕ್ಕೆ ಸ್ವತಂತ್ರ ಮಾನ್ಯತೆ ನೀಡುವುದನ್ನು ಅಬ್ದುಲ್ಲಾ ವಿರೋಧಿಸಿದ್ದಾರೆ.

Farooq Abdhulla ji, Salaam! Totally agree with you,sir. J&K is ours, and PoK is theirs. This is the only way we can solve our problem. Accept it, I am 65 years old and I want to see Pakistan before I die. I want my children to see their roots. Bas karva Dijiye. Jai Mata Di !

— Rishi Kapoor (@chintskap) November 11, 2017

ಇದಕ್ಕೆ ಪ್ರತಿಕ್ರಿಯಿಸಿರುವ ರಿಷಿ, 'ನಿಮ್ಮ ಎಲ್ಲಾ ಮಾತು ಒಪ್ಪುತ್ತೇನೆ, ನನಗೀಗ 65 ವರ್ಷ ವಯಸ್ಸು, ನಾನು ಸಾಯುವುದರಲ್ಲಿ ಒಮ್ಮೆಯಾದರೂ ಪಾಕಿಸ್ತಾನವನ್ನು ನೋಡಬೇಕು. ನನ್ನ ಮಕ್ಕಳು ತಮ್ಮ ಮೂಲ ತಾಣವನ್ನು ಕಾಣಬೇಕು. ದಯವಿಟ್ಟು ಇದೊಂದು ಮಾಡಿಕೊಡಿ, ಜೈ ಮಾತಾ ದಿ ಎಂದು ಟ್ವೀಟ್ ಮಾಡಿದ್ದಾರೆ.

English summary

Veteran actor, Rishi Kapoor has one last wish. He wants to see Pakistan before he dies.