ವಿವಾದ : ಕಾಂಡೋಮ್ ಬದಲು ನೈತಿಕ ಮೌಲ್ಯ ಧರಿಸಿ

ಬೆಂಗಳೂರು, ಜೂ. 25 : "ಏಡ್ಸ್ ಮಹಾಮಾರಿಯ ವಿರುದ್ಧ ಹೋರಾಡಲು ನೈತಿಕ ಮೌಲ್ಯವನ್ನು ಧರಿಸಬೇಕೇ ಹೊರತು ಬರೀ ಕಾಂಡೋಮ್ ಧರಿಸಿದರೆ ಏಡ್ಸ್ ಹತ್ತಿಕ್ಕಲು ಸಾಧ್ಯವಿಲ್ಲ" ಎಂದು ಕೇಂದ್ರ ಆರೋಗ್ಯ ಸಚಿವ ಡಾ. ಹರ್ಷವರ್ಧನ್ (ಇಎನ್‌ಟಿ ನಿಪುಣ) ಹೇಳಿರುವುದು ಭಾರೀ ವಿವಾದಕ್ಕೆ ಮತ್ತು ಬಿಸಿಬಿಸಿ ಚರ್ಚೆಗೆ ಎಡೆಮಾಡಿಕೊಟ್ಟಿದೆ.

ನ್ಯೂಯಾರ್ಕ್ ಟೈಮ್ಸ್‌ಗೆ ನೀಡಿದ ಸಂದರ್ಶನದಲ್ಲಿ ಡಾ. ಹರ್ಷವರ್ಧನ್ ಅವರು, "ಏಡ್ಸ್ ವಿರುದ್ಧದ ಅಭಿಯಾನದಲ್ಲಿ ಕಾಂಡೋಮ್ ಬಳಸುವಿಕೆಯ ಕುರಿತು ಹೆಚ್ಚಿನ ಒತ್ತಡ ತರುವ ಅಗತ್ಯವಿಲ್ಲ. ಕಾಂಡೋಮ್ ಬಳಸುತ್ತಿರುವವರೆಗೆ ಅನೈತಿಕ ಸಂಬಂಧ ಇರಿಸಿಕೊಳ್ಳುವುದು ಸರಿ ಎಂಬ ಇದು ತಪ್ಪು ಸಂದೇಶವನ್ನು ಸಾರುತ್ತದೆ" ಹೇಳಿಕೆ ನೀಡಿದ್ದರು. [ಸಂದರ್ಶನ ಇಲ್ಲಿದೆ]

ರಾಷ್ಟ್ರೀಯ ಏಡ್ಸ್ ನಿಯಂತ್ರಣ ಸಂಸ್ಥೆ(ಎನ್ಎಸಿಓ)ಗೆ ಡಾ. ಹರ್ಷವರ್ಧನ್ ಅವರು, ಏಡ್ಸ್ ತಡೆಗಟ್ಟಲು ಕಾಂಡೋಮ್ ಬಳಕೆಯ ಬಗ್ಗೆ ಹೆಚ್ಚಿನ ಒತ್ತಡ ತರುವ ಬದಲು, ನೈತಿಕತೆಯ ಪಾಠವನ್ನು ಜನರಿಗೆ ನೀಡಬೇಕು ಎಂದು ಆದೇಶ ನೀಡಿದ್ದಾರೆ. ಜನರಿಗೆ ನೈತಿಕತೆಯ ಪಾಠದ ಅಗತ್ಯವಿದೆ ಎಂದು ಎನ್ಎಸಿಓದ ಮುಖ್ಯಸ್ಥ ವಿಕೆ ಸುಬ್ಬುರಾಜ್ ಅವರು ಕೂಡ ಅಭಿಪ್ರಾಯಪಟ್ಟಿದ್ದಾರೆ.

ಆದರೆ, ಇದು ನರೇಂದ್ರ ಮೋದಿಯವರ ಕಾಂಡೋಮ್ ಅಭಿಯಾನಕ್ಕೆ ತದ್ವಿರುದ್ಧವಾಗಿದೆ. 2006ರಲ್ಲಿ ಅವರು ಗುಜರಾತ್ ಮುಖ್ಯಮಂತ್ರಿಯಾಗಿದ್ದಾಗ ಏಡ್ಸ್ ರೋಗ ಮತ್ತು ಎಚ್ಐವಿ ಸೋಂಕು ನಿಯಂತ್ರಿಸಲು ಕಾಂಡೋಮ್ ಮತ್ತು ಗರ್ಭನಿರೋಧಕ ಮಾತ್ರೆಗಳ ಬಳಕೆಯ ಬಗ್ಗೆ ಅಭಿಯಾನ ಆರಂಭಿಸಿದ್ದರು.

ಟ್ವಿಟ್ಟರ್ ನಲ್ಲಿ ಹರ್ಷವರ್ಧನ್ ವಿರುದ್ಧ ಚರ್ಚೆ

ಡಾ. ಹರ್ಷವರ್ಧನ್ ಅವರ ಮಾತಿನ ಹಿಂದಿನ ಕಾಳಜಿ ಅಥವಾ ಮರ್ಮ ಏನೇ ಇರಲಿ, ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಷಯ ಭಾರೀ ಚರ್ಚೆಗೆ ಅನುವುಮಾಡಿಕೊಟ್ಟಿದೆ. ಕೆಲವರು ಹರ್ಷವರ್ಧನ್ ಅವರನ್ನು ಹಿಗ್ಗಾಮುಗ್ಗಾ ಜಾಡಿಸುತ್ತಿದ್ದರೆ, ಕೆಲವರು 'ಇಪ್ಪತ್ತೊಂದನೇ ಶತಮಾನಕ್ಕೆ ಬನ್ನಿ ಡಾಕ್ಟ್ರೇ' ಎಂದು ಕಾಲೆಳೆದಿದ್ದಾರೆ.

"Don’t wear a condom, wear values to fight Aids": Dr Harsh Vardhan - The dude is a 'doctor' 😷 AND the Health Minister of #India 😭 #BJP #Modi

— Right To Rebel (@bprerna) June 25, 2014

ಇವರು ವೈದ್ಯರು ಮತ್ತು ಆರೋಗ್ಯ ಸಚಿವರು!

ಇವರು ವೈದ್ಯರು ಮತ್ತು ಆರೋಗ್ಯ ಸಚಿವರು ಎಂದು ಟ್ವಿಟ್ಟಿಗರೊಬ್ಬರು ಹರ್ಷವರ್ಧನ್ ಅವರ ಹೇಳಿಕೆಯನ್ನು ಗೇಲಿ ಮಾಡಿದ್ದಾರೆ.

Is there an Alok Nath hidden inside our Health Minister? >> "Don't wear a condom, wear values to fight AIDS": Harsh Vardhan. #sanskari

— sanjay sarma (@nick_sarma) June 25, 2014

ಆರೋಗ್ಯ ಸಚಿವರಲ್ಲಿ ಅಲೋಕ್ ನಾಥ್ ಇದ್ದಾರೆಯೆ?

ಆರೋಗ್ಯ ಸಚಿವರಲ್ಲಿ ಅಲೋಕ್ ನಾಥ್ ಇದ್ದಾರೆಯೆ? ಎಂದಿದ್ದಾರೆ ಸಂಜಯ್ ಶರ್ಮಾ.

Dr Harshvardhan isn't all against promotion of condoms. He just pointed out condoms alone cannot guarantee AIDS-free India. What's wrong?

— गीतिका (@ggiittiikkaa) June 25, 2014

ಹರ್ಷವರ್ಧನ್ ಬೆಂಬಲಕ್ಕೆ ಬಂದ ಗೀತಿಕಾ

ಕಾಂಡೋಮ್ ಬಳಕೆಯ ವಿರುದ್ಧ ಹರ್ಷವರ್ಧನ್ ಹೇಳಿಕೆ ನೀಡಿಲ್ಲ. ಆದರೆ, ಕಾಂಡೋಮ್ ಬಳಕೆಯಿಂದಲೇ ಏಡ್ಸ್ ತಡೆಗಟ್ಟುವುದು ಅಸಾಧ್ಯ ಎಂದಷ್ಟೇ ಹೇಳಿದ್ದಾರೆ. ಇದರಲ್ಲಿ ತಪ್ಪೇನಿದೆ?

My advice to all those who're offended by Dr. Harsh Vardhan's views. Please gift condoms to your teenage sons and daughters first.

— Rohit KV (@RohitBJP) June 25, 2014

ಹೀಗೊಬ್ಬರು ಏನು ಸಲಹೆ ನೀಡಿದ್ದಾರೆ ಓದಿರಿ

ಡಾ. ಹರ್ಷವರ್ಧನ್ ಹೇಳಿಕೆಯಿಂದ ಅಸಂತುಷ್ಟರಾದವರಿಗೆ ನನ್ನ ಸಲಹೆ. ನಿಮ್ಮ ಯುವ ಮಗ ಮತ್ತು ಮಗಳಿಗೆ ಕಾಂಡೋಮ್ ಅನ್ನು ಉಡುಗೊರೆಯಾಗಿ ನೀಡಿರಿ ನೋಡೋಣ?

Digvijay & ND Tiwari to send friend requests to him soon.. RT @timesofindia: Don't wear a condom, wear values to fight AIDS: Harsh Vardhan

— Keh Ke Peheno (@coolfunnytshirt) June 25, 2014

ಹರ್ಷವರ್ಧನ್ ಗೆ ಸ್ನೇಹ ಸಂದೇಶ ಹೋಗಲಿದೆ

ಡಾ. ಹರ್ಷವರ್ಧನ್ ಅವರಿಗೆ ಎನ್ ಡಿ ತಿವಾರಿ ಮತ್ತು ದಿಗ್ವಿಜಯ್ ಸಿಂಗ್ ಅವರ ಸ್ನೇಹ ಸಂದೇಶ ಸದ್ಯದಲ್ಲೇ ಹೋಗಲಿದೆ.

Disappointed over the way sections of the media have distorted my statements about safe sex in an interview to New York Times on June 24.

— Dr. Harsh Vardhan (@drharshvardhan) June 25, 2014

ಮಾಧ್ಯಮದ ವರದಿಗಳಿಗೆ ಹರ್ಷವರ್ಧನ್ ಅಸಮಾಧಾನ

ಕಾಂಡೋಮ್ ಬಳಕೆ ಕುರಿತಂತೆ ತಾವು ನೀಡಿದ ಹೇಳಿಕೆಯನ್ನು ಮಾಧ್ಯಮ ತಿರುಚುತ್ತಿದೆ ಎಂದು ಆರೋಗ್ಯ ಸಚಿವ ಡಾ. ಹರ್ಷವರ್ಧನ್ ಅವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

English summary

Statement by Union health minister Dr Harsh Vardhan has raked up controversy. He, in an interview to New York Times, had stated that the thrust of the AIDS campaign should not be only on the use of condoms as it sends the wrong message.