ನರೇಂದ್ರ ಮೋದಿ ಸರಕಾರಕ್ಕೆ ಮೂರು ವರ್ಷ: ಸಮೀಕ್ಷೆ ಏನು ಹೇಳುತ್ತೆ?

ಖಾಸಗಿ ಆನ್ಲೈನ್ ಸಂಸ್ಥೆ ನಡೆಸಿದ ಸಮೀಕ್ಷೆಯ ಪ್ರಕಾರ ಪ್ರಧಾನಮಂತ್ರಿಯಾಗಿ ನರೇಂದ್ರ ಮೋದಿಯೇ ಅತ್ಯುತ್ತಮ.

Published: Tuesday, May 16, 2017, 11:40 [IST]

ಕೇಂದ್ರದಲ್ಲಿ ನರೇಂದ್ರ ಮೋದಿ ಸರಕಾರ ಅಧಿಕಾರಕ್ಕೆ ಬಂದು ಮೂರು ವರ್ಷ. ಈ ಮೂರು ವರ್ಷದ ಅವಧಿಯಲ್ಲಿ ಪ್ರಧಾನಿ ಮೋದಿ ಮತ್ತು ಕೇಂದ್ರ ಸರಕಾರದ ಸಾಧನೆಯ ಬಗ್ಗೆ ಖಾಸಗಿ ಆನ್ಲೈನ್ ಸಂಸ್ಥೆಯೊಂದು ಸರ್ವೇ ನಡೆಸಿದೆ.

ಸರ್ವೇಯಲ್ಲಿ ಭಾಗವಹಿಸಿದ್ದ ಸರಾಸರಿ ಐವರಲ್ಲಿ ಮೂವರಿಗೆ ಪ್ರಧಾನಿಯಾಗಿ ನರೇಂದ್ರ ಮೋದಿಯೇ ಅತ್ಯುತ್ತಮ, ಆದರೂ ಮೋದಿ ಮಾಡಬೇಕಾಗಿರುವುದು ಇನ್ನೂ ಬೆಟ್ಟದಷ್ಟು ಎನ್ನುವ ಅಭಿಪ್ರಾಯ ವ್ಯಕ್ತವಾಗಿದೆ.

ಲೋಕಲ್ ಸರ್ಕಲ್ಸ್ ಎನ್ನುವ ಸಂಸ್ಥೆ ನಡೆಸಿದ ಸಮೀಕ್ಷೆಯ ಪ್ರಕಾರ, ಮೋದಿ ಸರಕಾರದ ಒಟ್ಟಾರೆ ಸಾಧನೆಯ ಬಗ್ಗೆ ಕೇಳಿದ ಪ್ರಶ್ನೆಗೆ ಶೇ. 17 ಅತ್ಯುತ್ತಮ, ಶೇ. 44 ಉತ್ತಮ ಮತ್ತು ಶೇ. 39 ಕಳಪೆ ಎಂದು ಜನಾಭಿಪ್ರಾಯ ವ್ಯಕ್ತವಾಗಿದೆ.

ಇನ್ನೂರು ವಿವಿಧ ನಗರಗಳ ಸುಮಾರು ನಲವತ್ತು ಸಾವಿರಕ್ಕೂ ಅಧಿಕ ಮಂದಿ ಈ ಸರ್ವೇಯಲ್ಲಿ ಭಾಗವಹಿಸಿದ್ದರು. ಉದ್ಯೋಗ ಸೃಷ್ಟಿ, ಹಣದುಬ್ಬರ, ಆರೋಗ್ಯ ಕ್ಷೇತ್ರದಲ್ಲಿ ಉತ್ತಮ ಸಾಧನೆ ಮಾಡದಿದ್ದರೂ, ಮೋದಿ ಬಗ್ಗೆ ಸಾರ್ವಜನಿಕರಿಗಿರುವ ಒಳ್ಳೆ ಅಭಿಪ್ರಾಯಕ್ಕೆ ಅಷ್ಟೇನೂ ಧಕ್ಕೆಯಾಗಿಲ್ಲ ಎನ್ನುವುದು ಸರ್ವೇಯಲ್ಲಿನ ಗಮನಿಸಬೇಕಾದ ಅಂಶ.

ಸರಕಾರದ ಮಹತ್ವಾಕಾಂಕ್ಷಿ ಯೋಜನೆಗಳಾದ ನೇರ ನಗದು ವರ್ಗಾವಣೆಗೆ ಶೇ. 47 ಮತ್ತು ಮೇಕ್ ಇನ್ ಇಂಡಿಯಾದ ಪರವಾಗಿ ಶೇ. 8ರಷ್ಟು ಅಭಿಪ್ರಾಯ ಸರ್ವೇಯಲ್ಲಿ ವ್ಯಕ್ತವಾಗಿದೆ. ಸಮೀಕ್ಷೆಯ ಕೆಲವೊಂದು ಹೈಲೆಟ್ಸ್: