ರಾಜಪಥದಲ್ಲಿ ಕವಾಯಿತು ನಡೆಸಿದ ಯುಎಇ ಸೇನಾ ತುಕಡಿ
ವಿದೇಶಿ ಸೇನಾ ತುಕಡಿಯೊಂದು ಭಾರತದ ಗಣರಾಜ್ಯೋತ್ಸವ ದಿನಾಚರಣೆ ವೇಳೆ ಹೀಗೆ ಪರೇಡ್ ಮಾಡುತ್ತಿರುವುದು ಹೊಸತೇನಲ್ಲ.ಕಳೆದ ವರ್ಷದ ಗಣರಾಜ್ಯೋತ್ಸವಕ್ಕೆ ಫ್ರಾನ್ಸ್ ನ ಸೇನಾ ತುಕಡಿಯೊಂದು ಪರೇಡ್ ನಡೆಸಿತ್ತು.
ನವದೆಹಲಿ, ಜನವರಿ 26: ರಾಜಪಥದಲ್ಲಿ ಗುರುವಾರ ಬೆಳಗ್ಗೆ ಭಾರತದ 68ನೇ ಗಣರಾಜ್ಯ ಸಮಾರಂಭದಲ್ಲಿ ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಸೇನೆಯ ಭೂ, ವಾಯು ಹಾಗೂ ನೌಕಾ ಪಡೆಗಳ ತುಕಡಿಗಳು ಪರೇಡ್ ನಡೆಸಿ ಗಮನ ಸೆಳೆದವು.
ಈ ಸಂದರ್ಭದಲ್ಲಿ ಭಾರತೀಯ ಸೇನೆಯ ನಾನಾ ಪಡೆಗಳು ಪಥ ಸಂಚಲನ ನಡೆಸಿ ವೇದಿಕೆಯ ಮೇಲಿದ್ದ ರಾಷ್ಟ್ರಪತಿ ಪ್ರಣವ್ ಮುಖರ್ಜಿ, ಪ್ರಧಾನಿ ನರೇಂದ್ರ ಮೋದಿ, ಈ ಬಾರಿಯ ಗಣರಾಜ್ಯೋತ್ಸವದ ಅತಿಥಿ, ಯುನೈಟೆಡ್ ಅರಬ್ ಎಮಿರೇಟ್ಸ್ ರಾಜಕುಮಾರ್ ಶೇಖ್ ಮೊಹಮ್ಮದ್ ಅವರಿಗೆ ಗೌರವ ವಂದನೆ ಸಲ್ಲಿಸಿದವು.
ಯುಎಇ ಸೇನೆಯು ಪಥ ಸಂಚಲನ ನಡೆಸಲು ಬಂದಾಗ, ಆ ದೇಶದ ರಾಜಕುಮಾರ ಹಾಗೂ ಅಲ್ಲಿನ ಅಧಿಕಾರಿಗಳು ಎದ್ದು ನಿಂತು ಚಪ್ಪಾಳೆ ತಟ್ಟುವ ಮೂಲಕ ತಮ್ಮ ಬೆಂಬಲ ಸೂಚಿಸಿದರು.
ಅಂದಹಾಗೆ, ವಿದೇಶಿ ಸೇನಾ ತುಕಡಿಯೊಂದು ಭಾರತದ ಗಣರಾಜ್ಯೋತ್ಸವ ದಿನಾಚರಣೆ ವೇಳೆ ಹೀಗೆ ಪರೇಡ್ ಮಾಡುತ್ತಿರುವುದು ಹೊಸತೇನಲ್ಲ.ಕಳೆದ ವರ್ಷದ ಗಣರಾಜ್ಯೋತ್ಸವಕ್ಕೆ ಫ್ರಾನ್ಸ್ ನ ಅಧ್ಯಕ್ಷ ಫ್ರಾಂಕೋಯಿಸ್ ಹೊಲಾಂಡ್ ಅವರು ಅತಿಥಿಯಾಗಿ ಭಾರತಕ್ಕೆ ಆಗಮಿಸಿದ್ದಾಗ ಫ್ರಾನ್ಸ್ ಸರ್ಕಾರ ಕೂಡ ತನ್ನ ಸೇನಾ ತುಕಡಿಯನ್ನು ಭಾರತಕ್ಕೆ ಪರೇಡ್ ಗಾಗಿ ಕಳುಹಿಸಿತ್ತು.
Click it and Unblock the Notifications
Sign in with Google