ಸಂಗಾತಿ ಹುಡುಕಿಕೊಂಡು 2 ಸಾವಿರ ಕಿಮೀ ನಡೆದ ಹುಲಿರಾಯ
ಬೆಂಗಳೂರು, ಮಾರ್ಚ್ 6: ಹುಲಿಯೊಂದು ಸಂಗಾತಿ ಹುಡುಕಿಕೊಂಡು 2 ಸಾವಿರ ಕಿ.ಮೀ ನಡೆದುಕೊಂಡು ಹೋಗಿರುವ ಸುದ್ದಿ ಇದೀಗ ವೈರಲ್ ಆಗುತ್ತಿದೆ.
ಸಾಮಾನ್ಯವಾಗಿ ಪಕ್ಷಿಗಳು ಋತುಗಳು ಬದಲಾದಂತೆ ನಮ್ಮ ಸ್ಥಾನವನ್ನು ಕೂಡ ಬದಲಾಯಿಸುತ್ತವೆ. ಕಾಡು ಪ್ರಾಣಿಗಳೂ ಕೂಡ ಒಂದು ಕಡೆಯಿಂದ ಮತ್ತೊಂದು ಕಡೆ ಹೋಗುವುದು ಸಾಮಾನ್ಯ ಆದರ ಈ ಹುಲಿ ಬರೋಬ್ಬರಿ 2 ಸಾವಿರ ಕಿ.ಮೀ ಕ್ರಮಿಸಿದೆ.
ಹುಲಿ ತನ್ನ ವ್ಯಾಪ್ತಿಯನ್ನು ಬಿಟ್ಟು ಬೇರೆಡೆಗೆ ಹೋಗುವುದು ತುಂಬಾ ಕಡಿಮೆ, ಅದರದ್ದೇ ಆದ ಸಾಮ್ರಾಜ್ಯವನ್ನು ಕಟ್ಟಿಕೊಂಡು ಜೀವಿಸುತ್ತದೆ. ತನ್ನ ವ್ಯಾಪ್ತಿಯಲ್ಲಿ ಮತ್ಯಾವ ಪ್ರಾಣಿಗಳು ಬಂದರೂ ಅವುಗಳನ್ನು ತಿಂದು ಬದುಕುತ್ತವೆ. ಆದರೆ ಇದೇ ಮೊದಲ ಬಾರಿಗೆ ಸಂಗಾತಿಯನ್ನು ಅರಸಿ 2 ಸಾವಿರ ಕಿ.ಮೀ ನಡೆದಿದೆ.
|
ಹುಲಿಗೆ ಮ್ಯಾಪ್ ಟ್ರ್ಯಾಕಿಂಗ್ ಸಾಧನ ಅಳವಡಿಸಲಾಗಿತ್ತು
ಹುಲಿಗೆ ಮ್ಯಾಪ್ ಟ್ರ್ಯಾಕಿಂಗ್ ಸಾಧನ ಅಳವಡಿಸಲಾಗಿತ್ತು. ಇದರಿಂದಾಗಿ ಅದು ಎಷ್ಟು ದೂರ ಕ್ರಮಿಸಿದೆ ಎನ್ನುವುದು ತಿಳಿದುಬಂದಿದೆ. ಭಾರತೀಯ ಅರಣ್ಯ ಅಧಿಕಾರಿ ಪ್ರವೀಣ ಕಸ್ವಾನ್ ಈ ಕುರಿತು ಟ್ವೀಟ್ ಮಾಡಿದ್ದು, ಹುಲಿ ತನ್ನ ಸಂಗಾತಿಯನ್ನು ಗುಡುಕೊಂಡು ಅಲದಾಡಿರುವ ಕತೆಯನ್ನು ಬರೆದುಕೊಂಡಿದ್ದಾರೆ.
ಹುಲಿ ಜ್ಞಾನಗಂಗಾ ಅರಣ್ಯ ಪ್ರದೇಶದಲ್ಲಿದೆ
ಹುಲಿಯು ಜ್ಞಾನಗಂಗಾ ಅರಣ್ಯಪ್ರದೇಶದಲ್ಲಿದೆ. ಸೂಕ್ತವಾದ ಸಂಗಾತಿಯನ್ನು ಸೇರಲು ಕಾಲುವೆ, ಹೊಲಗದ್ದೆಗಳು, ಅರಣ್ಯ , ರಸ್ತೆಗಳಲ್ಲಿ ಅಲೆದಾಟ ನಡೆಸಿದೆ. ವಿಶೇಷವೆಂದರೆ ಹುಲಿಗಳು ಸಂಗಾತಿಯನ್ನು ಸೇರಲು ರಾತ್ರಿ ಹೊತ್ತು ಅಲಡದಾಡುತ್ತವೆ. ಅದರಂತೆ ಈ ಹುಲಿಯು ಕೂಡ ಹಗಲು ವಿಶ್ರಾಂತಿ ಪಡೆದು, ರಾತ್ರಿ ವೇಳೆಯಲ್ಲಿ ಸಂಗಾತಿಗಾಗಿ ಹುಡುಕಾಟ ನಡೆಸಿದೆ ಎಂದು ಅವರು ತಿಳಿಸಿದ್ದಾರೆ.
ರೇಡಿಯೋ ಕಾಲರ್ ಟ್ಯಾಗ್ ಅಳವಡಿಕೆ
ಹುಲಿಗಳ ಚಲನವಲನದ ಮೇಲೆ ನಿಗಾ ಇಡಲು ಅರಣ್ಯ ಇಲಾಖೆ 2019ರಲ್ಲಿ ಈ ಹುಲಿಗೆ ರೇಡಿಯೋ ಕಾಲರ್ ಟ್ಯಾಗ್ ಹಾಕಿದೆ. ಅಲ್ಲದೇ ವಿಎಸ್ಪಿ ರೇಡಿಯೋ ಮತ್ತು ಜಿಪಿಎಸ್ ಟ್ರ್ಯಾಕರ್ ಮೂಲಕ ಅದು ಅಲೆದಾಡಿದ ಸಮಯ ಮತ್ತು ಎಷ್ಟು ದೂರ ಕ್ರಮಿಸಿದೆ ಎಂಬುದನ್ನು ಲೆಕ್ಕ ಹಾಕಬಹುದಾಗಿದೆ.
ಈ ರೀತಿ ಘಟನೆಗಳು ಹಿಂದೂ ನಡೆದಿರಬಹುದು
ಈ ರೀತಿಯ ಘಟನೆಗಳು ಹಿಂದೂ ನಡೆದಿರಬಹುದು. ಆದರೆ ಅಧಿಕಾರಿಗಳ ಗಮನಕ್ಕೆ ಬಂದಿಲ್ಲ, ಇದೇ ಮೊದಲ ಬಾರಿ ಟ್ರ್ಯಾಕಿಂಗ್ ಸಿಸ್ಟಂ ಅಳವಡಿಸಿರುವ ಕಾರಣ ಈ ಕುರಿತು ಸ್ಪಷ್ಟ ಮಾಹಿತಿ ಲಭ್ಯವಾಗಿದೆ ಎಂದು ಅರಣ್ಯ ಇಲಾಖೆ ಅಧಿಕಾರಿಗಳು ಹೇಳುತ್ತಾರೆ.
Click it and Unblock the Notifications
Sign in with Google