Suzlon Share Price: ಇಂದು ಸುಜ್ಲಾನ್ ಎನರ್ಜಿ ಷೇರುಗಳ ಶೇ.14ರಷ್ಟು ಜಿಗಿತ, ಷೇರುಪೇಟೆ ಅಪ್ಡೇಟ್ಸ್

ಬೆಂಗಳೂರು, ಮೇ 30: ಭಾರತೀಯ ಮೂಲದ ನವೀಕರಿಸಬಹುದಾದ ಇಂಧನ ಹಾಗೂ ಪವನ ವಿದ್ಯುತ್ ಉತ್ಪಾದಿಸುವ ಮಲ್ಟಿ ನ್ಯಾಷನಲ್ ಕಂಪನಿಯಾಗಿರುವ 'ಸುಜ್ಲಾನ್ ಎನರ್ಜಿ' (Suzlon Energy shares) ಷೇರು ಮಾರುಕಟ್ಟೆಯಲ್ಲಿ ಕಮಾಲ್ ಮಾಡುತ್ತಿದೆ. 'ಸುಜ್ಲಾನ್ ಎನರ್ಜಿ' ಷೇರುಗಳು ಕಳೆದ ಕೆಲವು ದಿನಗಳಿಂದ ಪಾಸಿಟಿವ್ ಟ್ರೆಂಡ್‌ನಲ್ಲಿವೆ. ಇಂದಿನ ಆರಂಭದ ವಹಿವಾಟಿನಲ್ಲಿ ಶೇಕಡಾ 14 ರಷ್ಟು ಏರಿಕೆ ಕಂಡ ಕಂಪನಿಯು ಪ್ರಸಕ್ತ ವರ್ಷದ (FY25) ನಿವ್ವಳ ಲಾಭದಲ್ಲಿ ಶೇಕಡಾ 365 ರಷ್ಟು ಪ್ರಗತಿ ಸಾಧಿಸಿದೆ

ಇದೇ ವರ್ಷ ಈ ಹಿಂದೆ ಕೊನೆಗೊಂಡ ತ್ರೈಮಾಸಿಕದಲ್ಲಿ (ಮಾರ್ಚ್ 2025) 'ಸುಜ್ಲಾನ್ ಎನರ್ಜಿ' ಕಂಪನಿಯು ₹1,182.22 ಕೋಟಿಗಳ ಏಕೀಕೃತ ಲಾಭವನ್ನು ಕಂಡಿದೆ. ಇದು 2024ರ ರಲ್ಲಿ ಮಾರ್ಚ್ ಅಂತ್ಯಗೊಂಡ ತ್ರೈಮಾಸಿಕದಲ್ಲಿ ಗಳಿಸಿದ್ದ ಲಾಭಕ್ಕಿಂದ (₹254.12 ಕೋಟಿ) ಅಧಿಕವಾಗಿದೆ. ಈ ಮೂಲಕ ಷೇರು ಖರೀದಾರರಿಗೆ ಕೊಂಚ ರಿಲೀಫ್ ಸಿಕ್ಕಿದೆ. ಏಕೆಂದರೆ ವಿದೇಶಿ ಯುದ್ಧ, ಅಮೆರಿಕ ಅಧ್ಯಕ್ಷರ ಸುಂಕ ನೀತಿ ಸೇರಿ ಕೆಲವು ಕಾರಣಗಳಿಂದಾಗಿ ಷೇರು ಮಾರುಕಟ್ಟೆ ನೆಗಟಿವ್ ಟ್ರೆಂಡ್‌ನಲ್ಲಿತ್ತು. ಇದೀಗ ಷೇರುಗಳು ಮತ್ತೆ ಪಾಸಿಟಿವ್ ನತ್ತ ಮುಖ ಮಾಡಿದೆ.

ಕಂಪನಿ ಆದಾಯ ಶೇ. 73 ಜಿಗಿತ

'ಸುಜ್ಲಾನ್ ಎನರ್ಜಿ' ಆದಾಯವು ವರ್ಷಕ್ಕೆ ಶೇಕಡಾ 73 ರಷ್ಟು ಹೆಚ್ಚಾಗಿದೆ. ಅಂದರೆ ಆದಾಯ ಬರೋಬ್ಬರಿ ₹3,773.54 ಕೋಟಿ ರೂಪಾಯಿಗೆ ತಲುಪಿದೆ. ಒಂದು ವರ್ಷಕ್ಕೆ ಹೋಲಿಕೆ ಮಾಡಿದರೆ ಇದೇ ಅವಧಿಯಲ್ಲಿ 2024ರ ತ್ರೈಮಾಸಿಕದಲ್ಲಿ ಕಂಪನಿಯ ಆದಾಯ ಕೇವಲ 2,179.20 ಕೋಟಿ ರೂಪಾಯಿಯಷ್ಟಿತ್ತು ಎಂದು 'ಬಿಸಿನೆಸ್ ಲೈನ್' ವರದಿ ಆಗಿದೆ.

ಇಂದು ಶುಕ್ರವಾರ (ಮೇ 30)ರಂದು ಸಹ 'ಸುಜ್ಲಾನ್ ಎನರ್ಜಿ' ಷೇರುಗಳು ಏರುಗತಿಯಲ್ಲಿವೆ. ಬೆಳಗ್ಗೆ 9.30ಕ್ಕೆ ಷೇರು ಫೇಟೆ ಆರಂಭವಾಗುತ್ತಿದ್ದಂತೆ ಪಾಸಿಟಿವ್ ಟ್ರೆಂಡ್ ದಾಖಲಿಸಿತು. ನಂತರ 9.56 ರ ಹೊತ್ತಿಗೆ ಷೇರುಗಳು ಬಿಎಸ್‌ಇಯಲ್ಲಿ 72.62 ರೂಪಾಯಿಗೆ ಏರಿಕೆ ಆಯಿತು. ಅತೀ ಕಡಿಮೆ ಸಮಯದಲ್ಲಿ ಷೇರುಗಳು ಶೇಕಡಾ 11.01 ರಷ್ಟು ಜಿಗಿತ ಕಂಡಿದೆ.ಅಲ್ಲಿ ಮುಂದೆ 74.30 ರೂಪಾಯಿಗೆ ದಾಖಲಿಸಿತು. ಇದು ಇತ್ತೀಚಿನ ದಿನಗಳ ಗರಿಷ್ಠ ವಹಿವಾಟು ಎನ್ನಲಾಗುತ್ತಿದೆ.

ಸುಜ್ಲಾನ್ ಎನರ್ಜಿ ಕಂಪನಿ ಕುರಿತು..

1995 ರಲ್ಲಿ ಸ್ಥಾಪನೆಯಾಗಿರುವ ಈ ಸುಜ್ಲಾನ್ ಕಂಪನಿಯು ಮಹಾರಾಷ್ಟ್ರ ರಾಜ್ಯದ ಪುಣೆಯಲ್ಲಿ ಪ್ರಮುಖ ಕಚೇರಿ ಹೊಂದಿದೆ. ನವೀಕರಿಸುವ ಇಂಧನ ಕಂಪನಿಯಾಗಿದೆ. ಪವನ್ ವಿದ್ಯುತ್ ಉತ್ಪಾದನೆಗೆ ಹೆಚ್ಚಿನ ಒತ್ತು ನೀಡುವ ಕಂಪನಿಯು ಭವಿಷ್ಯದಲ್ಲಿ ನವೀಕರಿಸಬಹುದಾದ ಇಂಧನಕ್ಕೆ ಪರಿಹಾರ ಒದಗಿಸುತ್ತದೆ.

English summary

Suzlon Energy Shares Surge 14% and profit also jump on May 30th: Check Suzlon Shares price, Target in 2025, Suzlon Enegy Q4 FY25 Results.