ಅಕ್ಟೋಬರ್ 10, 11ರಂದು ಸಹಾರಾ ಸಂಸ್ಥೆಯ ಆ್ಯಂಬೆ ವ್ಯಾಲಿ ಹರಾಜು
ಸುಪ್ರೀಂ ಕೋರ್ಟ್ ನಿಂದ ಮುಂಬೈ ಬಳಿಯ ಆ್ಯಂಬೆ ವ್ಯಾಲಿ ಮಾರಾಟ ಮಾಡಲು ಸೂಚನೆ. ಸುಮಾರು 37 ಸಾವಿರ ಕೋಟಿ ರು.ಗಳ ಮಾರುಕಟ್ಟೆ ಮೌಲ್ಯದ ಟೌನ್ ಶಿಪ್ ಗೆ ಅ. 10, 11ರಂದು ಹರಾಜು ಭಾಗ್ಯ.
ಮುಂಬೈ, ಸೆಪ್ಟೆಂಬರ್ 11: ವಾಣಿಜ್ಯ ನಗರಿಯ ಬಳಿಯಿರುವ, ಸಹಾರಾ ಸಂಸ್ಥೆಯ ಒಡೆತನದಲ್ಲಿರುವ ಆ್ಯಂಬೆ ವ್ಯಾಲಿ ಐಶಾರಾಮಿ ಟೌನ್ ಶಿಪ್ ಹರಾಜು ಪ್ರಕ್ರಿಯೆಯನ್ನು ಅಕ್ಟೋಬರ್ 10 ಹಾಗೂ 11ರಂದು ನಡೆಸಬೇಕೆಂದು ಸುಪ್ರೀಂ ಕೋರ್ಟ್ ಸೋಮವಾರ (ಸೆ. 8) ಆದೇಶಿಸಿದೆ.
ಷೇರುದಾರರಿಗೆ ಸಾವಿರಾರು ಕೋಟಿ ರು. ಮೊತ್ತದ ಹಣವನ್ನು ಆ್ಯಂಬೆ ವ್ಯಾಲಿಯ ನಿರ್ಮಾತೃ ಸಂಸ್ಥೆಯಾದ ಸಹಾರಾದ ಮಾಲೀಕ ಸುಬ್ರತೋ ರಾಯ್ ಪಾವತಿಸಬೇಕಿರುವ ಹಿನ್ನೆಲೆಯಲ್ಲಿ, ಆ್ಯಂಬೆ ವ್ಯಾಲಿಯನ್ನು ಹರಾಜು ಹಾಕುವ ಪ್ರಸ್ತಾವನೆ ಸುಪ್ರೀಂ ಕೋರ್ಟ್ ಮುಂದೆ ಬಂದಿತ್ತು.
ಆಗಲೇ ಅದು ಮುಂಬೈ ಹೈಕೋರ್ಟ್ ನ ಅಧಿಕೃತ ಲಿಕ್ವಿಡೇಟರ್ ಒಬ್ಬರಿಗೆ ಆ್ಯಂಬೆ ವ್ಯಾಲಿಯ ಮೌಲ್ಯವನ್ನು ಲೆಕ್ಕಹಾಕಲು ಸೂಚಿಸಿತ್ತು. ಅದರಂತೆ, ಮುಂಬೈ ಹೈಕೋರ್ಟ್ ನ ಲಿಕ್ವಿಡೇಟರ್ ಅವರು ಅದರ ಮಾರುಕಟ್ಟೆ ಬೆಲೆಯು 37,390 ಕೋಟಿ ರು. ಎಂದು ತಿಳಿಸಿದ್ದಲ್ಲದೆ, 43 ಸಾವಿರ ಕೋಟಿ ರು. ಮೊತ್ತವನ್ನು ಹರಾಜು ಮೌಲ್ಯವಾಗಿ ನಿಗದಿಗೊಳಿಸುವಂತೆ ಸೂಚಿಸಿದ್ದರು.
ಆದರೆ, ಆಗ ಸುಬ್ರತೋ ರಾಯ್ ಅವರ ವಕೀಲರ ಮನವಿಯಂತೆ ಹರಾಜನ್ನು ಮುಂದೂಡಲಾಗಿತ್ತು. ಇದೀಗ ಮತ್ತು ಅದಕ್ಕೆ ಕಾಲ ಕೂಡಿಬಂದಿದ್ದು, ಆ್ಯಂಬೆ ವ್ಯಾಲಿಯನ್ನು ಹರಾಜು ಮೂಲಕ ಮಾರಾಟ ಮಾಡುವಂತೆ ಸುಪ್ರೀಂ ಕೋರ್ಟ್ ಸೂಚಿಸಿದೆ.
Click it and Unblock the Notifications
Sign in with Google