ಶಬರಿಮಲೆಗೆ ಬರುವ ಪುರುಷ ಭಕ್ತರ ಪರಿಶುದ್ಧತೆಗೆ ಪರೀಕ್ಷಿಸಿ: ಟ್ವಿಂಕಲ್

Updated: Saturday, February 10, 2018, 0:02 [IST]

ನವದೆಹಲಿ, ಫೆಬ್ರವರಿ 09: ಕೇರಳದ ಶಬರಿಮಲೆ ದೇವಸ್ಥಾನಕ್ಕೆ ಮಹಿಳೆಯರ ಪ್ರವೇಶ ನಿಷೇಧಕ್ಕೆ ಸಂಬಂಧಿಸಿದಂತೆ ನಟಿ, ನಿರ್ಮಾಪಕಿ ಟ್ವಿಂಕಲ್ ಖನ್ನಾ ಅವರು ಸವಾಲಿನ ಪ್ರಶ್ನೆ ಹಾಕಿದ್ದಾರೆ.

ಋತುಚಕ್ರವಾಗುವ ಮಹಿಳೆಯರಿಗೆ ಪ್ರವೇಶ ನಿಷೇಧಿಸಲಾಗಿರುವ ಬಗ್ಗೆ ಪ್ರತಿಕ್ರಿಯಿಸಿದ ಟ್ವಿಂಕಲ್ ಖನ್ನಾ, ದೇಗುಲಗಳಲ್ಲಿ ಪುರುಷರ ಪಾವಿತ್ರ್ಯತೆ ಪರೀಕ್ಷೆಗೆ ಒಳಪಡಿಸಬೇಕು, ಬ್ರಹ್ಮಚರ್ಯ ಆಚರಣೆಯ ಪರೀಕ್ಷೆಯಾಗಬೇಕು ಎಂದಿದ್ದಾರೆ.

ಶಬರಿಮಲೆ ಸೇರಿದಂತೆ ಹಲವು ಧಾರ್ಮಿಕ ಕ್ಷೇತ್ರಗಳಿಗೆ ಋತುಮತಿಯಾದ ಮಹಿಳೆಯರು ಪ್ರವೇಶಿಸುವುದನ್ನು ನಿಷಿದ್ಧಗೊಳಿಸಲಾಗಿದೆ. ಕಾನೂನು ಎಂಬುದು ಎಲ್ಲರಿಗೂ ಒಂದೇ ಆಗಿರಬೇಕು ಮಹಿಳೆಯರಿಗೆ ಮತ್ತು ಪುರುಷರಿಗೆ ಪ್ರತ್ಯೇಕ ನಿಯಮಗಳನ್ನು ಮಾಡಬಾರದು ಎಂದು ಅಭಿಪ್ರಾಯಪಟ್ಟಿದ್ದಾರೆ.

LISTEN IN | Sabarimala trust should also have a machine to test whether men going there are celibate: Producer-activist @mrsfunnybones #MenToo pic.twitter.com/LsM9nwhj3q
— TIMES NOW (@TimesNow) February 9, 2018

ಖಾಸಗಿ ವಾಹಿನಿ ಜತೆ ಮಾತನಾಡುತ್ತಾ, ಇದರರ್ಥ ಪುರುಷರು ನಮ್ಮ ವಿರುದ್ಧವಿದ್ದಾರೆ ಎಂಬುದಲ್ಲ. ಬದಲಾಗಿ ಮಹಿಳೆಯರೇ ತಮ್ಮ ಬಗ್ಗೆ ಸಂಕುಚಿತ ಮನಸ್ಸನ್ನು ಹೊಂದಿದ್ದಾರೆ. ಋತುಮತಿಯಾದ ಬಗ್ಗೆ ಅವರು ಹೇಳಲು ಹಿಂಜರಿಯುತ್ತಾರೆ ಎಂದು ಅಭಿಪ್ರಾಯಪಟ್ಟರು.

ನೈಜ ಹಿಂದೂ ಮಹಿಳೆ ಯಾವುದೇ ಕಾರಣಕ್ಕೂ ಶಬರಿಮಲೆ ದೇವಸ್ಥಾನವನ್ನು ಪ್ರವೇಶಿಸುವುದಿಲ್ಲ. ಆಕೆಗೆ ನಿಷೇಧವಿದೆ ಎಂಬ ಕಾರಣದಿಂದ ಅಲ್ಲ, ಬದಲಿಗೆ ಅದು ಆಕೆಯ ನಂಬಿಕೆಯ ಪ್ರಶ್ನೆಯಾಗಿದೆ. ಸಮಾನತೆ ಹಕ್ಕಿಗಾಗಿ ನಾವು ಹೋರಾಟ ನಡೆಸೋಣ. ಟ್ವಿಂಕಲ್ ಖನ್ನಾ ಮಾತಿಗೆ ನನ್ನ ಸಹಮತವಿಲ್ಲ ಎಂದು ಸಾಮಾಜಕ ಕಾರ್ಯಕರ್ತ ರಂಜಿತ್ ಕೇಶವ್ ಅವರು ತಮ್ಮ ವಿರೋಧ ವ್ಯಕ್ತಪಡಿಸಿದರು.