ರೈಲು ಅಪಘಾತಗಳ ಸಂಖ್ಯೆಯಲ್ಲಿ ಇಳಿಮುಖ
ರೈಲು ಅಪಘಾತಗಳ ಸಂಖ್ಯೆಯಲ್ಲಿ ಇಳಿಮುಖವಾಗಿರುವ ಬಗ್ಗೆ ಮಹತ್ವದ ಹಾಗೂ ಆಸಕ್ತಿಕರ ಅಂಕಿ-ಅಂಶಗಳು ಹೊರಬಿದ್ದಿವೆ. ಹೀಗೊಂದು ಹೋಲಿಕೆಯನ್ನು ಕಳೆದ ವರ್ಷದ ಅಂದರೆ 2016ರ ಏಪ್ರಿಲ್- ಅಕ್ಟೋಬರ್ ಹಾಗೂ 2017ರ ಏಪ್ರಿಲ್- ಅಕ್ಟೋಬರ್ ಅವಧಿಯ ಮಧ್ಯೆ ಮಾಡಲಾಗಿದೆ. ಹಾಗೆ ಹೋಲಿಸಿದಾಗ ಅಪಘಾತದ ಪ್ರಮಾಣದಲ್ಲಿ ಗಣನೀಯ ಇಳಿಕೆಯಾಗಿದೆ.
ಹಳಿ ತಪ್ಪಿದ ಪ್ರಕರಣಗಳು ಕಳೆದ ವರ್ಷದ ಅಕ್ಟೋಬರ್ ತಿಂಗಳೊಂದರಲ್ಲಿ 12 ಸಂಭವಿಸಿದ್ದವು. ಅದು ಈ ವರ್ಷದ ಅಕ್ಟೋಬರ್ ತಿಂಗಳಲ್ಲಿ 3ಕ್ಕೆ ಇಳಿಕೆಯಾಗಿದೆ. ಇನ್ನು 2016ರ ಏಪ್ರಿಲ್- ಅಕ್ಟೋಬರ್ ಮಧ್ಯೆ ರೈಲು ಹಳಿ ತಪ್ಪಿದ ಪ್ರಕರಣಗಳು 58 ಸಂಭವಿಸಿದ್ದರೆ, ಈ ವರ್ಷದ ಅದೇ ಅವಧಿಯಲ್ಲಿ 31 ಪ್ರಕರಣಗಳಾಗಿವೆ.
ಲೆವೆಲ್ ಕ್ರಾಸಿಂಗ್ ಅಪಘಾತಗಳು ಕಳೆದ ವರ್ಷದ ಅದೇ ಅವಧಿಯಲ್ಲಿ 14 ಸಂಭವಿಸಿದ್ದರೆ, ಈ ವರ್ಷದಲ್ಲಿ 8 ಸಂಭವಿಸಿವೆ. ಇನ್ನು ಒಟ್ಟಾರೆ ರೈಲು ಅಪಘಾತ ಸಂಖ್ಯೆಯಲ್ಲಿ ಕಡಿಮೆ ಆಗಿದೆ. 2016ರ ಏಪ್ರಿಲ್- ಅಕ್ಟೋಬರ್ ಮಧ್ಯೆ 76 ಅಪಘಾತ ಪ್ರಕರಣಗಳು ದಾಖಲಾಗಿದ್ದವು. ಈ ವರ್ಷದ ಅದೇ ಅವಧಿಯಲ್ಲಿ 42 ಪ್ರಕರಣಗಳಾಗಿವೆ.
Click it and Unblock the Notifications
Sign in with Google