ರಾಮ ನವಮಿಗೆ ನಾಡಿನ ಜನತೆಗೆ ಶುಭ ಹಾರೈಸಿದ ನರೇಂದ್ರ ಮೋದಿ ಇತರ ರಾಜಕೀಯ ಗಣ್ಯರು

ದೇಶದಾದ್ಯಂತ ಇಂದು ಶ್ರೀ ರಾಮ ನವಮಿಯನ್ನು ಅದ್ಧೂರಿಯಾಗಿ ಆಚರಿಸಲಾಗುತ್ತಿದೆ. ಅಯೋಧ್ಯ ಮಾತ್ರವಲ್ಲದೆ ಕರ್ನಾಟಕದ ಅನೇಕ ದೇವಸ್ಥಾನಗಳಲ್ಲಿ ಬೆಳಗ್ಗೆಯಿಂದ ವಿಶೇಷ ಪೂಜೆಗಳು ನೆರವೇರುತ್ತಿವೆ. ಈ ದಿನ ಅನೇಕ ರಾಜಕೀಯ ಗಣ್ಯರು ನಾಡಿನ ಜನತೆಗೆ ಶ್ರೀ ರಾಮನವಮಿಯ ಶುಭ ಕೋರಿದ್ದಾರೆ.

ಮಾಜಿ ಸಿಎಂ ಬಸವರಾಜ್ ಬೊಮ್ಮಾಯಿ ಶ್ರೀ ರಾಮ ನವಮಿಯ ಶುಭ ಹಾರೈಸಿದ್ದಾರೆ. 'ನಾಡಿನ ಸಮಸ್ತ ಜನತೆಗೆ ಶ್ರೀ ರಾಮನವಮಿಯ ಹಾರ್ದಿಕ ಶುಭಾಶಯಗಳು. ಮರ್ಯಾದಾ ಪುರುಷೋತ್ತಮ ಪ್ರಭು ಶ್ರೀರಾಮಚಂದ್ರರು ಸರ್ವರ ಬಾಳಿನಲ್ಲಿ ಒಳಿತನ್ನು ಕರುಣಿಸಲಿ ಎಂದು ಪ್ರಾರ್ಥಿಸುತ್ತೇನೆ. ಪ್ರಭು ಶ್ರೀರಾಮಚಂದ್ರರ ಆದರ್ಶ, ನ್ಯಾಯ ತತ್ಪರತೆ, ಸತ್ಯನಿಷ್ಠೆ ಪ್ರತಿಯೊಬ್ಬರಿಗೂ ಪ್ರೇರಣೆಯಾಗಿದೆ. ಜೈ ಶ್ರೀ ರಾಮ್! ಎಂದು ತಮ್ಮ 'ಎಕ್ಸ್' ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಪ್ರಧಾನಿ ನರೇಂದ್ರ ಮೋದಿ

ಪ್ರಧಾನಿ ನರೇಂದ್ರ ಮೋದಿ ಅವರು ಭಾನುವಾರ ದೇಶದ ಸಮಸ್ತ ಜನರಿಗೆ ರಾಮ ನವಮಿಯ ಶುಭಾಶಯಗಳನ್ನು ತಿಳಿಸಿದ್ದಾರೆ. ಶ್ರೀ ರಾಮನು ದೇಶವಾಸಿಗಳ ಜೀವನದಲ್ಲಿ ಹೊಸ ಉತ್ಸಾಹವನ್ನು ತರಲಿದೆ ಎಂದು ಹಾರೈಸಿದ್ದಾರೆ. ''ಸಮಸ್ತ ದೇಶವಾಸಿಗಳಿಗೆ ರಾಮ ನವಮಿಯ ಶುಭಾಶಯಗಳು. ಭಗವಾನ್ ಶ್ರೀ ರಾಮನ ಜಯಂತಿಯ ಈ ಪವಿತ್ರ ಸಂದರ್ಭವು ನಿಮ್ಮೆಲ್ಲರ ಜೀವನದಲ್ಲಿ ಹೊಸ ಪ್ರಜ್ಞೆ ಮತ್ತು ಹೊಸ ಉತ್ಸಾಹವನ್ನು ತರಲಿ. ಅದು ಬಲಿಷ್ಠ, ಸಮೃದ್ಧ ಮತ್ತು ಸಮರ್ಥ ಭಾರತದ ಸಂಕಲ್ಪಕ್ಕೆ ನಿರಂತರವಾಗಿ ಹೊಸ ಶಕ್ತಿಯನ್ನು ಒದಗಿಸಲಿ. ಜೈ ಶ್ರೀ ರಾಮ್!'' ಎಂದು ತಮ್ಮ 'ಎಕ್ಸ್' ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ.

ಇಂದು ಪ್ರಧಾನಿ ಮೋದಿ ತಮಿಳುನಾಡಿನ ರಾಮೇಶ್ವರಂನಲ್ಲಿರುವ ರಾಮನಾಥಸ್ವಾಮಿ ದೇವಸ್ಥಾನಕ್ಕೆ ಭೇಟಿ ನೀಡಲಿದ್ದು, ಅಲ್ಲಿ ಹೊಸ ಪಂಬನ್ ಸೇತುವೆಯನ್ನು ಉದ್ಘಾಟಿಸಲಿದ್ದಾರೆ. ಹೊಸ ಪಂಬನ್ ಸೇತುವೆಯು 1914 ರಲ್ಲಿ ನಿರ್ಮಿಸಲಾದ ಹಳೆಯ ಸೇತುವೆಯನ್ನು ಬದಲಾಯಿಸುವ ಯೋಜನೆಯಾಗಿದೆ. ಇದನ್ನು 2022ರಲ್ಲಿ ತುಕ್ಕು ಸಮಸ್ಯೆಗಳಿಂದಾಗಿ ಮುಚ್ಚಲಾಗಿತ್ತು. ಈ ಸೇತುವೆ 2.5 ಕಿ.ಮೀ.ಗೂ ಹೆಚ್ಚು ಉದ್ದವಿದ್ದು, ಇದನ್ನು ರೈಲ್ ವಿಕಾಸ್ ನಿಗಮ್ ಲಿಮಿಟೆಡ್ (ಆರ್‌ವಿಎನ್‌ಎಲ್) 535 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಿಸಿದೆ.

ಉಪರಾಷ್ಟ್ರಪತಿ ಜಗದೀಪ್ ಧನಕರ್

ಉಪರಾಷ್ಟ್ರಪತಿ ಜಗದೀಪ್ ಧನಕರ್ ಅವರು ಇಂದು ರಾಮ ನವಮಿಯ ಶುಭಾಶಯಗಳನ್ನು ತಿಳಿಸಿದರು. "ರಾಮ ನವಮಿಯ ಶುಭ ಸಂದರ್ಭದಲ್ಲಿ ನಮ್ಮ ಎಲ್ಲಾ ನಾಗರಿಕರಿಗೆ ಹೃತ್ಪೂರ್ವಕ ಶುಭಾಶಯಗಳು! ನಮ್ಮ ಜೀವನವನ್ನು ನಿರಂತರವಾಗಿ ಮಾರ್ಗದರ್ಶಿಸುತ್ತಿರುವ ಮತ್ತು ಬೆಳಗುತ್ತಿರುವ ದೈವಿಕ ತತ್ವಗಳು ಹೊಂದಿರುವ ಮರ್ಯಾದಾ ಪುರುಷೋತ್ತಮ ಶ್ರೀ ರಾಮನ ಜನ್ಮ ದಿನವು ನಮ್ಮ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯಿಂದ ಸಾಕಾರಗೊಂಡ ಶಾಶ್ವತ ಮೌಲ್ಯಗಳ ಹೃದಯಸ್ಪರ್ಶಿ ಜ್ಞಾಪನೆಯಾಗಿ ಕಾರ್ಯನಿರ್ವಹಿಸುತ್ತದೆ" ಎಂದು ವಿ.ಪಿ. ಧನಕರ್ ಅವರ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ.

ಯುಪಿ ಸಿಎಂ ಯೋಗಿ ಆದಿತ್ಯನಾಥ್

ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ಭಾನುವಾರ ರಾಮನವಮಿಯ ಸಂದರ್ಭದಲ್ಲಿ ರಾಜ್ಯದ ಜನರಿಗೆ ತಮ್ಮ ಹೃತ್ಪೂರ್ವಕ ಶುಭಾಶಯಗಳನ್ನು ಸಲ್ಲಿಸಿದರು. ಭಗವಾನ್ ರಾಮ ಭಾರತದ ವಿವಿಧತೆಯಲ್ಲಿ ಏಕತೆಯ ಸೂತ್ರವನ್ನು ಎತ್ತಿ ಹಿಡಿದವರು. ಮಾನವೀಯತೆಯ ಆದರ್ಶ, ಧರ್ಮದ ಅತ್ಯುತ್ತಮ ರೂಪ, ನಮ್ಮ ಆರಾಧ್ಯ ಘನತೆ ಪುರುಷೋತ್ತಮ ಭಗವಾನ್ ಶ್ರೀ ರಾಮ ಎಂದು ಬಣ್ಣಿಸಿದ್ದಾರೆ.

"ರಾಮನು ಭಾರತದ ನಂಬಿಕೆ, ಘನತೆ ಮತ್ತು ತತ್ವಶಾಸ್ತ್ರದಲ್ಲಿದ್ದಾನೆ. ರಾಮನು ಭಾರತದ 'ವೈವಿಧ್ಯತೆಯಲ್ಲಿ ಏಕತೆ'ಯ ಸೂತ್ರ. ಜನರ ನಂಬಿಕೆಯ ಕೇಂದ್ರವಾದ ಭಗವಾನ್ ರಾಮನ ಕೃಪೆಯು ವಿಶ್ವದ ಮೇಲೆ ಇರಲಿ. ಎಲ್ಲರೂ ಚೆನ್ನಾಗಿರಲಿ ಎಂದು ನಾನು ಪ್ರಾರ್ಥಿಸುತ್ತೇನೆ. ಶ್ರೀ ರಾಮ ನವಮಿಯ ಈ ಪವಿತ್ರ ಹಬ್ಬವು ಗೌರವಾನ್ವಿತ ಪುರುಷೋತ್ತಮ ಭಗವಾನ್ ಶ್ರೀ ರಾಮನ ಬೋಧನೆಗಳು ಮತ್ತು ಆದರ್ಶಗಳನ್ನು ನಮ್ಮ ವ್ಯಕ್ತಿತ್ವಕ್ಕೆ ಭಾಷಾಂತರಿಸಲು ಸಂಕಲ್ಪ ಮಾಡುವ ಅವಕಾಶವಾಗಿದೆ. ಶ್ರೀ ರಾಮನಿಗೆ ನಮಸ್ಕಾರ!" ಎಂದು ಬರೆದಿದ್ದಾರೆ.

English summary

narendra modi, yogi adityanath, bommai and other political dignitaries wished the people on ram navami.