ಮಲೇಷ್ಯಾದ ವಸ್ತುಸಂಗ್ರಹಾಲಯದಲ್ಲಿ ಹೈದರಾಲಿ, ಟಿಪ್ಪು ಸುಲ್ತಾನ್ ಕುರಿತ ವಿಶೇಷ ಪ್ರದರ್ಶನ ಆಯೋಜನೆ
ಮಲೇಷ್ಯಾದ ಸಂಗ್ರಹಾಲಯವೊಂದರಲ್ಲಿ 18ನೇ ಶತಮಾನದ ಮೈಸೂರು ಆಡಳಿತಗಾರರಾದ ಹೈದರಾಲಿ ಮತ್ತು ಅವರ ಪುತ್ರ ಟಿಪ್ಪು ಸುಲ್ತಾನ್ ಅವರ ಕುರಿತ ವಿಶೇಷ ಪ್ರದರ್ಶನವನ್ನು ಆಯೋಜಿಸಲಾಗಿದೆ. ಈ ಪ್ರದರ್ಶನದಲ್ಲಿ ಅವರ ಆಡಳಿತಾತ್ಮಕ ಸುಧಾರಣೆಗಳು ಹಾಗೂ ಬ್ರಿಟಿಷರ ವಸಾಹತು ವಿಸ್ತರಣೆಗೆ ನೀಡಿದ ಪ್ರಬಲ ಪ್ರತಿರೋಧವನ್ನು ಬಿಂಬಿಸಲಾಗಿದೆ.
'ಮೋರ್ ದ್ಯಾನ್ ಎ ಡೇ ಅಸ್ ಆ್ಯಸ್ ಟೈಗರ್' ಎಂಬ ಶೀರ್ಷಿಕೆಯ ಈ ಪ್ರದರ್ಶನವು ಕೌಲಾಲಂಪುರದ ಇಸ್ಲಾಮಿಕ್ ಆರ್ಟ್ಸ್ ಮ್ಯೂಸಿಯಂ ಮಲೇಷ್ಯಾದಲ್ಲಿ 2026ರ ಮಾರ್ಚ್ ವರೆಗೆ ನಡೆಯಲಿದೆ. ಇದರ ಬಹುಭಾಗವು 'ಮೈಸೂರಿನ ಹುಲಿ' ಎಂದೇ ಖ್ಯಾತರಾದ ಟಿಪ್ಪು ಸುಲ್ತಾನ್ ಅವರನ್ನು ಕೇಂದ್ರವಾಗಿಸಿಕೊಂಡಿದೆ. ಇದಕ್ಕೆ ತಕ್ಕಂತೆ, ಹುಲಿ ಆಕೃತಿಯ ವಿನ್ಯಾಸಗಳನ್ನು ಪ್ರದರ್ಶನದಲ್ಲಿ ಕಾಣಬಹುದು. ಈ ವಿಶಿಷ್ಟವಾದ ವಿನ್ಯಾಸವನ್ನು ಅವರ ಶಸ್ತ್ರಾಸ್ತ್ರಗಳಿಂದ ಹಿಡಿದು ಕಂಚಿನ ತೋಪುಗಳು, ಕ್ವಿಲ್ಟೆಡ್ ಹೆಲ್ಮೆಟ್ಗಳು ಮತ್ತು ಯುದ್ಧದ ಧ್ವಜಗಳವರೆಗೆ ಕಾಣಬಹುದು.
ಬೆಂಗಳೂರು ಮೂಲದ ವಾಸ್ತುಶಿಲ್ಪಿ ಮಂಸೂರ್ ಅಲಿ, ಕಳೆದ ತಿಂಗಳು ಈ ಪ್ರದರ್ಶನವನ್ನು ವೀಕ್ಷಿಸಿದ್ದರು. ಈ ಸಂದರ್ಭದಲ್ಲಿ, ಅಲ್ಲಿ ಪ್ರದರ್ಶಿಸಲಾದ ವಸ್ತುಗಳು ನಗರದ ಟಿಪ್ಪು ಸುಲ್ತಾನನ ಬೇಸಿಗೆ ಅರಮನೆಯಲ್ಲಿನ ಕಲಾಕೃತಿಗಳಿಗಿಂತ ಉತ್ತಮವಾಗಿ ಸಂರಕ್ಷಿಸಲ್ಪಟ್ಟಿವೆ ಎಂದು ಹೇಳಿದರು.
'ಬೆಂಗಳೂರು ಬೈ ಫೂಟ್' (Bengaluru By Foot) ಎಂಬ ಹೆಸರಿನಲ್ಲಿ ಪಾರಂಪರಿಕ ನಡಿಗೆಗಳನ್ನು ನಡೆಸುವ ಅಲಿ, ಟಿಪ್ಪುವಿನ ಅರಮನೆಯಲ್ಲಿ ಕಂಡುಬಂದ ಫಿರಂಗಿಗಳು, ಹೆಲ್ಮೆಟ್ಗಳು, ಪಿಸ್ತೂಲುಗಳು, ಬಂದೂಕುಗಳು ಮತ್ತು ಕಿಟಕಿಗಳನ್ನು "ಅದ್ಭುತ ಕರಕುಶಲತೆಯ" ಉದಾಹರಣೆಗಳೆಂದು ಬಣ್ಣಿಸಿದರು. ಟಿಪ್ಪು ಮತ್ತು ಈಸ್ಟ್ ಇಂಡಿಯಾ ಕಂಪನಿ ಜನರಲ್ಗಳ ನಡುವೆ ಅವನ ಸೋಲಿನ ಮೊದಲು ಮತ್ತು ನಂತರ ವಿನಿಮಯವಾದ ಪತ್ರಗಳನ್ನು ಸಹ ಅವರು ನೋಡಿದರು. ಆ ಪತ್ರಗಳಲ್ಲಿ ಒಂದರಲ್ಲಿ ಲಾರ್ಡ್ ಕಾರ್ನ್ವಾಲಿಸ್, ಟಿಪ್ಪುವನ್ನು "ಅತ್ಯಂತ ಶ್ರೇಷ್ಠ ಸಾಮರ್ಥ್ಯ ಹೊಂದಿದ ವ್ಯಕ್ತಿ" ಎಂದು ಕೊಂಡಾಡಿದ್ದರು. ಟಿಪ್ಪುವಿನ ಪತನದ ನಂತರ, ಅವನ ಸಂಪತ್ತು ಮತ್ತು ಶಸ್ತ್ರಾಸ್ತ್ರಗಳನ್ನು ಬ್ರಿಟಿಷರು ಲೂಟಿ ಮಾಡಿ ಬ್ರಿಟನ್ಗೆ ಸಾಗಿಸಿದರು ಎಂದು ಅಲಿ ಹೇಳಿದರು.
ಈ ಪ್ರದರ್ಶನಕ್ಕೆ ಆಗಮಿಸಿದ್ದ ಯಲಹಂಕ ಮೂಲದ ಇತಿಹಾಸಕಾರ ನಿಧಿನ್ ಓಲಿಕಾರ, ಇದನ್ನು ಯುಕೆಯ ಹೊರಗಿನ ಅತಿದೊಡ್ಡ ಟಿಪ್ಪು ಸುಲ್ತಾನ್ ಸಂಗ್ರಹಣೆ ಎಂದು ಭಾವಿಸಿದ್ದಾರೆ. ಎರಡು ಪ್ರದರ್ಶನಗಳು ಅವರ ಗಮನ ಸೆಳೆದವು. ಒಂದು ಫ್ಲಿಂಟ್ಲಾಕ್ ಸ್ಪೋರ್ಟಿಂಗ್ ಗನ್ ಆಗಿದ್ದು, ಇದನ್ನು ರೀಲೋಡ್ ಮಾಡದೆಯೇ ಎರಡು ಗುಂಡುಗಳನ್ನು ಹಾರಿಸಬಹುದು. ಇದು ಮೈಸೂರಿನ ಕರಕುಶಲತೆಗೆ ಪುರಾವೆಯಾಗಿದೆ. ಮತ್ತೊಂದು ಪಾಟಾ (ಗೌಂಟ್ಲೆಟ್ ತಲವಾರ್), ಅದರಲ್ಲಿ ಒಡೆಯರ್ ಮಂತ್ರಿಯಾಗಿದ್ದ ನಂಜರಾಜ ಮತ್ತು ಅವರು ಮಾರ್ಗದರ್ಶನ ನೀಡಿದ ಹೈದರ್ ಅಲಿ ಅವರ ಹೆಸರುಗಳನ್ನು ಕೆತ್ತಲಾಗಿದೆ.
ಮ್ಯೂಸಿಯಂನ ಹಿರಿಯ ಕುರೆಟರ್ ಜುಲ್ಕಿಫ್ಲಿ ಇಷಾಕ್ ಅವರು ಇಮೇಲ್ನಲ್ಲಿ ಫ್ಲಿಂಟ್ಲಾಗ್ ಸ್ಪೋರ್ಟಿಂಗ್ ಗನ್ ಹಾಗೂ ಟಿಪ್ಪು ಸುಲ್ತಾನ್ಮ ಮಲಗುವ ಕೋಣೆಯ ತಲವಾರ್ ಅನ್ನು ಮುಖ್ಯ ಆಕರ್ಷಣೆಗಳೆಂದು ಎತ್ತಿ ತೋರಿಸಿದ್ದಾರೆ. ಮ್ಯೂಸಿಯಂ ವೆಬ್ಸೈಟ್ನಲ್ಲಿ ಟಿಪ್ಪುವಿನ ಪತನದ ನಂತರ, ಅವನ ಭವ್ಯವಾದ ಚಿನ್ನದ ಸಿಂಹಾಸನವನ್ನು ಅದರ ಆಭರಣಗಳಿಗಾಗಿ ಕೆಡವಿ ಲೂಟಿ ಮಾಡಲಾಯಿತು ಎಂದು ಸೂಚಿಸಲಾಗಿದೆ. ಪ್ರದರ್ಶನದಲ್ಲಿ ಉಳಿದಿರುವ ಅಪರೂಪದ ರತ್ನಭರಿತ ಚಿನ್ನದ ಫಿನಿಯಲ್ಗಳಲ್ಲಿ ಒಂದನ್ನು ಪ್ರದರ್ಶನದಲ್ಲಿ ಇರಿಸಲಾಗಿದೆ.
ಇತರ ಪ್ರಮುಖ ಪ್ರದರ್ಶನಗಳಲ್ಲಿ ಟಿಪ್ಪು ಅರಮನೆಯ ಕಾಫ್ತಾನ್ ಮತ್ತು ಶಿರಸ್ತ್ರಾಣ ಸೇರಿವೆ. ಇವು ಇನ್ನೂ ಯುದ್ಧದ ಗಾಯಗಳ ಗುರುತುಗಳನ್ನು ಹೊಂದಿವೆ. ಜೊತೆಗೆ, ಅವರ ದ್ವೀಪ ರಾಜಧಾನಿ ಶ್ರೀರಂಗಪಟ್ಟಣದ ಮೇಲೆ ದಾಳಿ ಮಾಡಿ ಅವನ ಇಬ್ಬರು ಪುತ್ರರು ಬ್ರಿಟೀಷರಿಗೆ ಶರಣಾಗುವುದನ್ನು ಚಿತ್ರಿಸುವ ವರ್ಣಚಿತ್ರಗಳು ಸೇರಿವೆ.
-
PUC Revaluation: ಸ್ಕ್ಯಾನ್ ಪ್ರತಿ ಪಡೆದವರ ಉತ್ತರ ಪತ್ರಿಕೆ ಮರುಮೌಲ್ಯಮಾಪನ; ಶುಲ್ಕ, ಪ್ರಮುಖ ದಿನಾಂಕಗಳು -
Gold Rings: ಅಕ್ಷಯ ತೃತೀಯಕ್ಕೆ ಖರೀದಿಸಬಹುದಾದ ಆಕರ್ಷಕ ವಿನ್ಯಾಸದ 5 ಚಿನ್ನದ ಉಂಗುರಗಳು -
Career Break: ಅಲಾರಂ ಇಲ್ಲದ ಜೀವನ ಬೇಕು ಎಂದು ಗೂಗಲ್ ಕೆಲಸ ಬಿಟ್ಟ ಯುವ ಟೆಕ್ಕಿ, ನೆಟ್ಟಿಗರ ಮೆಚ್ಚುಗೆ -
Bengaluru Mumbai Vande Bharat: ಬೆಂಗಳೂರು - ಮುಂಬೈ ಹೊಸ ರೈಲು: ಮಹಾ ಸಿಎಂ ಮಹತ್ವದ ಟ್ವೀಟ್, ಯಾವಾಗ ಪ್ರಾರಂಭ -
Gold Price Drop: ವಾರದ ಮೊದಲ ದಿನವೇ ಚಿನ್ನ-ಬೆಳ್ಳಿ ದರ ಭರ್ಜರಿ ಕುಸಿತ, ಇಂದಿನ ದರಪಟ್ಟಿ -
ಎರಡು ಬಾರಿ ಕೆಲಸ ಕಳೆದುಕೊಂಡ ಯುವಕನಿಂದ ರೆಸ್ಟೋರೆಂಟ್ ಬ್ಯುಸಿನೆಸ್: ಈಗ ತಿಂಗಳಿಗೆ 1.3 ಕೋಟಿ ರೂ. ಆದಾಯ -
School Holiday: ರಾಜ್ಯದಲ್ಲಿ 2026-27ನೇ ಸಾಲಿನ ಶೈಕ್ಷಣಿಕ ವೇಳಾಪಟ್ಟಿ ಪ್ರಕಟ: ದಸರಾ, ಬೇಸಿಗೆ ರಜೆ, ಕೆಲಸದ ದಿನಗಳ ವಿವರ -
E-Khata: ಜನ ಸೇವಕ ಯೋಜನೆ: ಮನೆಯಲ್ಲೇ ಕುಳಿತು ಇ - ಖಾತಾ ಪಡೆಯಿರಿ, ಈ 5 ದಾಖಲೆಗಳಿದ್ದರೆ ಸಾಕು -
ಬ್ರೋ.. ಒಂದು ವಿಕೆಟ್ ಕಿತ್ತರೂ ನನ್ನ ಫೋಟೋ ಹಾಕಿಲ್ಲ ಯಾಕೆ?; ಆರ್ಸಿಬಿ ಮೆಂಟರ್ ಡಿಕೆಗೆ ಕೃನಾಲ್ ಪಾಂಡ್ಯ ಪ್ರಶ್ನೆ -
ಮಂಡ್ಯದಲ್ಲಿ 500 ಎಕರೆ ಆಟೋ ಕೈಗಾರಿಕಾ ಹಬ್: ಎಂಬಿ ಪಾಟೀಲ, ಎಚ್ಡಿ ಕುಮಾರಸ್ವಾಮಿ ಮಹತ್ವದ ಚರ್ಚೆ -
Karnataka Rains: ರಾಜ್ಯಾದ್ಯಂತ ಏಪ್ರಿಲ್ 20ರ ತನಕ ಮಳೆ, 6 ಜಿಲ್ಲೆಗಳಿಗೆ ಉಷ್ಣ ಅಲೆ ಮುನ್ಸೂಚನೆ -
Prem: ಆಗ ಅಪ್ಪಾಜಿ-ಅಂಬರೀಷಣ್ಣ ಇದ್ರು, ಈಗ ಯಾರಿದ್ದಾರೆ; ಕೆಡಿ ವಿವಾದ ಆದಾಗಲೂ ಯಾರೂ ಸಪೋರ್ಟ್ಗೆ ಬರಲಿಲ್ಲ: ಪ್ರೇಮ್ ಬೇಸರ
Click it and Unblock the Notifications
Sign in with Google