ಸಾಯಿಬಾಬಾನಿಗೆ 28 ಲಕ್ಷ ಮೌಲ್ಯದ ಕಿರೀಟ ಅರ್ಪಿಸಿದ ಇಟಲಿ ಭಕ್ತೆ

ಇಟಲಿಯ 72 ವರ್ಷದ ಭಕ್ತೆಯೊಬ್ಬರು ಶಿರಡಿ ಸಾಯಿಬಾಬಾಗೆ ಸುಮಾರು 28 ಲಕ್ಷ ರೂ. ಮೌಲ್ಯದ ಚಿನ್ನದ ಕಿರೀಟವನ್ನು ಗುರುವಾರ ಕಾಣಿಕೆಯಾಗಿ ನೀಡಿದ್ದಾರೆ.ಇಟಲಿಯಲ್ಲಿ ಸಾಯಿಬಾಬಾ ಅವರ ದೇವಾಲಯ ನಿರ್ಮಿಸಲು ಚಿಂತಿಸುತ್ತಿದ್ದೇನೆ ಎಂದಿದ್ದಾರೆ.

ಶಿರಡಿ(ಮಹಾರಾಷ್ಟ್ರ), ಫೆಬ್ರವರಿ 10: ಇಟಲಿಯ 72 ವರ್ಷದ ಭಕ್ತೆಯೊಬ್ಬರು ಶಿರಡಿ ಸಾಯಿಬಾಬಾಗೆ ಸುಮಾರು 28 ಲಕ್ಷ ರೂ. ಮೌಲ್ಯದ ಚಿನ್ನದ ಕಿರೀಟವನ್ನು ಗುರುವಾರ ಕಾಣಿಕೆಯಾಗಿ ನೀಡಿದ್ದಾರೆ.ಇಟಲಿಯಲ್ಲಿ ಸಾಯಿಬಾಬಾ ಅವರ ದೇವಾಲಯ ನಿರ್ಮಿಸಲು ಚಿಂತಿಸುತ್ತಿದ್ದೇನೆ ಎಂದಿದ್ದಾರೆ.

ಸೆಲಿನಿ ಡೊಲಾರಸ್ (ಸಾಯಿ ದುರ್ಗಾ) ಎಂಬ ಮಹಿಳೆ 855 ಗ್ರಾಂ ತೂಕದ ರತ್ನ ಖಚಿತವಾದ ಚಿನ್ನದ ಕಿರೀಟವನ್ನು ದೇಗುಲಕ್ಕೆ ಅರ್ಪಿಸಿದರು.[ಸಿಯಾಚಿನ್ ಪವಾಡ: ಹನುಮಂತಪ್ಪ ಬಗ್ಗೆ ಅವರ ಅವ್ವ ಹೇಳಿದ್ದೇನು?]

ಸಾಯಿ ದುರ್ಗಾ ಅವರು ಕಳೆದ 9 ವರ್ಷಗಳಿಂದ ಸಾಯಿಬಾಬಾ ಅವರ ಅನುಯಾಯಿಯಾಗಿದ್ದು, ಪ್ರತೀ ತಿಂಗಳೂ ದೇವಸ್ಥಾನಕ್ಕೆ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸುತ್ತಿದ್ದಾರೆ. ಇದಕ್ಕೂ ಮುನ್ನ ಇವರು 25 ಲಕ್ಷ ರೂ. ಮೌಲ್ಯದ ಚಿನ್ನದ ಲೇಪನವಿರುವ ದಾರದಲ್ಲಿ ಪೋಣಿಸಿದ 2 ರುದ್ರಾಕ್ಷಿ ಮಾಲೆಯನ್ನು ಕಾಣಿಕೆಯಾಗಿ ನೀಡಿದ್ದರು ಎಂದು ಶ್ರೀ ಸಾಯಿಬಾಬ ಸಂಸ್ಥಾನ ಟ್ರಸ್ಟ್ರಿ ಸಚಿನ್ ತಂಬೆ ತಿಳಿಸಿದ್ದಾರೆ.

English summary

A 72-year-old Italian woman, who claims to be a staunch devotee of Saibaba, has donated a gold crown worth about Rs 28 lakh to the famous temple here.