ಮಹಿಳಾ ದಿನಕ್ಕೆ ಮೋದಿ, ಸಿದ್ದರಾಮಯ್ಯ ಶುಭಾಶಯ

ನವದೆಹಲಿ, ಮಾರ್ಚ್ 08: ವಿಶ್ವದಾದ್ಯಂತ ಇಂದು ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆಯನ್ನು ಅದ್ಧೂರಿಯಾಗಿ ಆಚರಿಸಲಾಗುತ್ತಿದೆ.

ತೊಟ್ಟಿಲು ತೂಗುವುದಕ್ಕಷ್ಟೇ ಹೆಣ್ಣು ಸೀಮಿತವೆಂಬ ಕಾಲದಿಂದ ದೇಶದ ಚುಕ್ಕಾಣಿ ಹಿಡಿಯುವವರೆಗೆ ಹೆಣ್ಣು ತನ್ನ ಛಾಪು ಮೂಡಿಸಿದ್ದಾಳೆ. ಅಡುಗೆ ಕೆಲಸವಷ್ಟೇ ಅಲ್ಲ, ದೇಶದ ರಕ್ಷಣೆಯ ಕೆಲಸವನ್ನೂ ಹೆಣ್ಣು ಮಾಡಬಲ್ಲಳು ಎಂಬುದು ಸಾಬೀತಾಗಿದೆ.

ಪ್ರತಿ ವ್ಯಕ್ತಿಯ ಬದುಕನ್ನೂ ಪರಿಪೂರ್ಣವಾಗಿಸುವ ಹೆಣ್ಣಿನ ಕುರಿತು ಟ್ವಿಟ್ಟರ್ ನಲ್ಲಿ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಜೊತೆಗೆ ಅಂತಾರಾಷ್ಟ್ರೀಯ ಮಹಿಳಾ ದಿನಕ್ಕೆ ಪ್ರಧಾನಿ ನರೇಂದ್ರ ಮೋದಿ, ಮುಖ್ಯಮಂತ್ರಿ ಸಿದ್ದರಾಮಯ್ಯ ಸೇರಿದಂತೆ ಹಲವು ಮಹನೀಯರು ಟ್ವೀಟ್ ಮಾಡಿದ್ದಾರೆ.

Through their exemplary deeds, several women have left an indelible mark in the history of humankind. They continue to inspire generations. I urge you to write about some women who inspire you. #SheInspiresMe

— Narendra Modi (@narendramodi) March 8, 2018

ನಾರಿಶಕ್ತಿಗೆ ಅಗ್ರಸ್ಥಾನ

ನವಭಾರತ ನಿರ್ಮಾಣದಲ್ಲಿ ನಾರಿಶಕ್ತಿಗೆ ಅಗ್ರಸ್ಥಾನ. ಮಹಿಳಾ ದಿನದ ಶುಭಾಶಯಗಳು ಎಂದು ಟ್ವೀಟ್ ಮಾಡಿದ್ದಾರೆ ಪ್ರಧಾನಿ ನರೇಂದ್ರ ಮೋದಿ. ತಮ್ಮ ಅಸಾಮಾನ್ಯ ಕೆಲಸದಿಂದ ಕೆಲವು ಮಹಿಳೆಯರು ಮನುಕುಲದ ಅಮೂಲ್ಯ ವ್ಯಕ್ತಿತ್ವವಾಗಿ ಉಳಿದಿದ್ದಾರೆ. ಅವರು ಹಲವು ಪೀಳಿಗೆಯ ಜನರಿಗೂ ಸ್ಫೂರ್ತಿಯಾಗಿದ್ದಾರೆ. ನಿಮ್ಮ ಬದುಕಿನಲ್ಲಿ ಸ್ಚಫೂರ್ತಿಯಾದ ಮಹಿಳೆಯರ ಬಗ್ಗೆ ನನಗೆ ಬರೆದು ಕಳಿಸಿ ಎಂದು ಸಹ ಪ್ರಧಾನಿ ಮೋದಿ ಟ್ವಿಟ್ಟರ್ ನಲ್ಲಿ ಮನವಿ ಮಾಡಿದ್ದಾರೆ. ಈ ಮನವಿಗೆ ಸ್ಪಂದಿಸಿರುವ ಹಲವು ತಮ್ಮ ತಮ್ಮ ಬದುಕಿನಲ್ಲಿ ಸ್ಫೂರ್ತಿಯಾದ ಮಹಿಳೆಯರ ಬಗ್ಗೆ ಬರೆದುಕೊಂಡಿದ್ದಾರೆ.

ಇದರೊಂದಿಗೆ ಸರ್ಕಾರ ಮಹಿಳೆಯರಿಗಾಗಿ ಪರಿಚಯಿಸಿದ ಕಾರ್ಯಕ್ರಮಗಳ ಬಗ್ಗೆಯೂ ಮೋದಿ ಹಲವು ಟ್ವೀಟ್ ಗಳನ್ನು ಮಾಡಿದ್ದಾರೆ.

Array

ಮಹಿಳೆಯರಿಂದಲೇ ಬಲ

ಕೃಷಿಯಿಂದ ಕೈಗಾರಿಕೆವರೆಗೆ, ಶಿಕ್ಷಣದಿಂದ ಸಂಶೋದನೆವರೆಗೆ ಹೊಸ ಕರ್ನಾಟಕವು ಮಹಿಳೆಯರಿಂದ ಪ್ರತಿದಿನ ಬಲಪಡೆಯುತ್ತಿದೆ. ನಾವು ಹೇಳಿದಂತೆ, ಸಮಾಜದಲ್ಲಿ ಮಹಿಳೆಯರಿಗೆ ಸಮಾನ ಅವಕಾಶ ಕಲ್ಪಿಸಲು ಬದ್ಧರಾಗಿದ್ದೇವೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಟ್ವೀಟ್ ಮಾಡಿದ್ದಾರೆ.

ನಮ್ಮ ಸರ್ಕಾರ ಮಹಿಳಾ ಸಬಲೀಕರಣಕ್ಕೆ ಬದ್ಧವಾಗಿದೆ. ಅವರು ಹೊಸ ಕರ್ನಾಟಕದ ನಿರ್ಮಾತೃರು. ಒಂದನೇ ತರಗತಿಯಿಂದ ಸ್ನಾತಕೋತ್ತರ ಶಿಕ್ಷಣದವರೆಗೆ ವಿದ್ಯಾರ್ಥಿನಿಯರಿಗೆ ಉಚಿತ ಶಿಕ್ಷಣದ ಯೋಜನೆಯನ್ನು ಪರಿಚಯಿಸಿದ ಏಕೈಕ ಸರ್ಕಾರ ನಮ್ಮದು ಎಂದು ಅವರು ಟ್ವೀಟ್ ಮಾಡಿದ್ದಾರೆ.

Women are the guiding force of our society and they lead the way to our nation’s development. Remembering the unparalleled contributions of women, I express my greetings on International #WomensDay.

— Manohar Parrikar (@manoharparrikar) March 8, 2018

ಸಮಾಜದ ಮಾರ್ಗದರ್ಶಿಗಳು

ಮಹಿಳೆಯರು ನಮ್ಮ ಸಮಾಜದ ಮಾರ್ಗದರ್ಶಿಗಳು. ರಾಷ್ಟ್ರಾಭಿವೃದ್ಧಿಯ ಪಥವನ್ನು ಮುನ್ನಡೆಸುವವರು ಅವರೇ. ಜಗತ್ತಿನಲ್ಲಿ ಮಹಿಳೆಯರ ಅನಂತ ಕೊಡುಗೆಯನ್ನು ಈ ದಿನ ಸ್ಮರಿಸೋಣ. ಎಲ್ಲ ಮಹಿಳೆಯರಿಗೂ ಅಂತಾರಾಷ್ಟ್ರೀಯ ಮಹಿಳಾ ದಿನದ ಶುಭಾಶಯಗಳು ಎಂದು ಟ್ವೀಟ್ ಮಾಡಿದ್ದಾರೆ ಗೋವಾ ಮುಖ್ಯಮಂತ್ರಿ ಮನೋಹರ್ ಪರಿಕ್ಕರ್. ಅನಾರೋಗ್ಯದಿಂದ ಬಳಲುತ್ತಿರುವ ಪರಿಕ್ಕರ್ ನಿನ್ನೆ ತಾನೇ ಹೆಚ್ಚಿನ ಚಿಕಿತ್ಸೆಗಾಗಿ ಮುಂಬೈನಿಂದ ಅಮೆರಿಕಕ್ಕೆ ತೆರಳಿದ್ದನ್ನು ಇಲ್ಲಿ ಸ್ಮರಿಸಬಹುದು.

A society is only as strong as its women. I wish all women a very happy #WomensDay.
Let us celebrate the achievements of women in social, cultural, economic, and political spheres and commit ourselves to real gender parity.#CitizenMukherjee

— Pranab Mukherjee (@CitiznMukherjee) March 8, 2018

ಮಹಿಳೆಯಿಂದ ಮಾತ್ರ ಈ ಸಮಾಜ ಶಕ್ತಿಯುತವಾಗಿದೆ!

ಮಹಿಳೆಯಿಂದ ಮಾತ್ರವೇ ಈ ಸಮಾಜ ಶಕ್ತಿಯುತವಾಗಿದೆ. ಎಲ್ಲ ಮಹಿಳೆಯರಿಗೂ ನಾನು ಅಂತಾರಾಷ್ಟ್ರೀಯ ಮಹಿಳಾದಿನದ ಶುಭಾಶಯ ಸಲ್ಲಿಸುತ್ತೇನೆ. ಈ ದಿನ ಸಾಮಾಜಿಕ, ಸಾಂಸ್ಕೃತಿಕ, ಆರ್ಥಿಕ ಮತ್ತು ರಾಜಕೀಯ ಕ್ಷೇತ್ರದಲ್ಲಿ ಮಹಿಳೆಯರು ಸಾಧಿಸಿದ ಸಾಧನೆಯನ್ನು ಮೆಲುಕು ಹಾಕೋಣ ಎಂದು ಮಾಜಿ ರಾಷ್ಟಪತಿ ಪ್ರಣಬ್ ಮುಖರ್ಜಿ ಟ್ವೀಟ್ ಮಾಡಿದ್ದಾರೆ. ಪ್ರೀತಿ ಗಾಂಧಿ, ಅನುಷ್ಕಾ ಶರ್ಮಾ, ಕಾಜಲ್ ಅಗರ್ವಾಲ್, ಸುರೇಶ್ ರೈನಾ, ಟ್ವಿಂಕಲ್ ಖನ್ನಾ, ಜೂಹಿ ಚಾವ್ಲಾ, ತಮನ್ನಾ ಭಾಟಿಯಾ ಸೇರಿದಂತೆ ಇನ್ನೂ ಹಲವರು ಮಹಿಳಾ ದಿನಕ್ಕೆ ಶುಭಹಾರೈಕೆ ಸಲ್ಲಿಸಿದ್ದಾರೆ.

English summary

From agriculture to industry, education to innovation, the world is powered by women, everyday. World is celebrating international womens day today(March 08). Here are twitter reactions.