ಹೆಚ್ಚಿದ ಬೇಡಿಕೆ! ಜೂನ್‌ನಲ್ಲಿ 660 ಹೆಚ್ಚುವರಿ ರೈಲುಗಳ ಸಂಚಾರ

ನವದೆಹಲಿ, ಜೂನ್ 20: ದೇಶದೆಲ್ಲೆಡೆ ಕೊರೊನಾ ಸೋಂಕು ತಗ್ಗುತ್ತಿರುವ ನಡುವೆಯೇ, ಭಾರತೀಯ ರೈಲ್ವೆಯು ಸಾರ್ವಜನಿಕರಿಗೆ ಪ್ರಯಾಣಿಕ ಸೌಲಭ್ಯ ಒದಗಿಸಲು ಮುಂದಾಗಿದೆ. ಈ ನಿಟ್ಟಿನಲ್ಲಿ ದೇಶದ ವಿವಿಧ ಭಾಗಗಳಿಗೆ ಹೆಚ್ಚಿನ ಸಂಖ್ಯೆಯ ವಿಶೇಷ ರೈಲುಗಳನ್ನು ಓಡಿಸಲು ಕ್ರಮ ಕೈಗೊಳ್ಳುತ್ತಿದೆ. ವಲಸೆ ಕಾರ್ಮಿಕರು ಮತ್ತು ರೈಲು ಪ್ರಯಾಣಕ್ಕೆ ಕಾಯುತ್ತಿರುವವರ ಪಟ್ಟಿ ಏರಿಕೆ ಕಾಣುತ್ತಿರುವುದರಿಂದ, ಭಾರತೀಯ ರೈಲ್ವೆಯು ರೈಲುಗಳ ಸಂಚಾರ ಸಂಖ್ಯೆಯನ್ನು ಹೆಚ್ಚಿಸುತ್ತಿದೆ.

ಕೋವಿಡ್-19 2ನೇ ಅಲೆ ಕಾಣಿಸಿಕೊಳ್ಳುವ ಮುನ್ನ ದೇಶಾದ್ಯಂತ ದಿನನಿತ್ಯ ಸರಾಸರಿ 1768 ಮೇಲ್/ಎಕ್ಸ್‌ಪ್ರೆಸ್ ರೈಲುಗಳು ಸಂಚರಿಸುತ್ತಿದ್ದವು. ಜೂನ್ 18ಕ್ಕೆ ಅನ್ವಯವಾಗುವಂತೆ, ದಿನನಿತ್ಯ ಸುಮಾರು 983 ಮೇಲ್/ಎಕ್ಸ್‌ಪ್ರೆಸ್ ರೈಲುಗಳು ಕಾರ್ಯಾಚರಣೆ ನಡೆಸುತ್ತಿವೆ. ಕೋವಿಡ್-ಪೂರ್ವದ ಮಟ್ಟಕ್ಕೆ ಹೋಲಿಸಿದರೆ ಶೇಕಡ 56ರಷ್ಟು ಪ್ರಮಾಣ ಇದಾಗಿದೆ. ಆದರೆ ಇದೀಗ ಬೇಡಿಕೆಗೆ ಅನುಗುಣವಾಗಿ ರೈಲುಗಳ ಸಂಖ್ಯೆಯನ್ನು ಗಣನೀಯವಾಗಿ ಹೆಚ್ಚಿಸಲಾಗುತ್ತಿದೆ.

01.06.2021ಕ್ಕೆ ಅನ್ವಯವಾಗುವಂತೆ, ಸುಮಾರು 800 ಮೇಲ್/ಎಕ್ಸ್‌ಪ್ರೆಸ್ ರೈಲುಗಳು ಕಾರ್ಯಾಚರಣೆಯಲ್ಲಿವೆ. 01.06.2021ರಿಂದ 18.06.2021ರ ವರೆಗೆ ಹೆಚ್ಚುವರಿ 660 ಮೇಲ್/ಎಕ್ಸ್‌ಪ್ರೆಸ್ ರೈಲುಗಳ ಕಾರ್ಯಾಚರಣೆಗೆ ಅನುಮೋದನೆ ನೀಡಲಾಗಿದೆ.

ಸ್ಥಳೀಯ ಪರಿಸ್ಥಿತಿ, ಟಿಕೆಟ್‌ಗಳ ಬೇಡಿಕೆ ಮತ್ತು ಈ ಪ್ರದೇಶದಲ್ಲಿನ ಕೋವಿಡ್ ಪ್ರಕರಣಗಳನ್ನು ಗಮನದಲ್ಲಿಟ್ಟುಕೊಂಡು ರೈಲುಗಳನ್ನು ಶ್ರೇಣೀಕೃತ ರೀತಿಯಲ್ಲಿ ಮರುಸ್ಥಾಪಿಸಲು ವಲಯ ರೈಲ್ವೆಗೆ ಸೂಚಿಸಲಾಗಿದೆ ಎಂಬುದು ಗಮನಾರ್ಹ ವಿಷಯವಾಗಿದೆ. ವಲಯವಾರು ರೈಲುಗಳ ವಿವರ ಇಲ್ಲಿದೆ..

ಜೂನ್‌ನಲ್ಲಿ ಹೆಚ್ಚುವರಿ ರೈಲುಗಳ ಸಂಚಾರ
ಕ್ರಮ ಸಂಖ್ಯೆ	ರೈಲ್ವೆ	ಮೇಲ್/ ಎಕ್ಸ್‌ಪ್ರೆಸ್ ರೈಲು	ರಜೆ, ವಿಶೇಷ ರೈಲು	ಒಟ್ಟು
01	ಕೇಂದ್ರೀಯ ರೈಲ್ವೆ	24	2	26
02	ಕೇಂದ್ರೀಯ ರೈಲ್ವೆ	10	8	18
03	ಕೆ.ಎಸ್.ಈಶ್ವರಪ್ಪ	ಪೂರ್ವ ರೈಲ್ವೆ	64	4	68
04	ಉತ್ತರ ಕೇಂದ್ರೀಯ ರೈಲ್ವೆ	16	0	16
05	ಈಶಾನ್ಯ ರೈಲ್ವೆ	32	6	38
06	ಈಶಾನ್ಯ ಪ್ರಾಂತೀಯ ರೈಲ್ವೆ	28	0	28
07	ಉತ್ತರ ರೈಲ್ವೆ	158	0	158
08	ವಾಯುವ್ಯ ರೈಲ್ವೆ	32	2	34
09	ದಕ್ಷಿಣ ಕೇಂದ್ರೀಯ ರೈಲ್ವೆ	20	64	84
10	ಆಗ್ನೇಯ ಕೇಂದ್ರೀಯ ರೈಲ್ವೆ	16	0	16
11	ಆಗ್ನೇಯ ರೈಲ್ವೆ	44	16	60
12	ದಕ್ಷಿಣ ರೈಲ್ವೆ	66	4	70
13	ಪಶ್ಚಿಮ ಕೇಂದ್ರೀಯ ರೈಲ್ವೆ	28	0	28
14	ಪಶ್ಚಿಮ ರೈಲ್ವೆ	14	2	16

English summary

As the demand increases, Indian Railways approves 660 more trains in June 2021. he number of trains is being enhanced gradually as per demand and commercial justification.