ಸೇನಾ ದಿನಾಚರಣೆ: ನಾಗರಿಕರಿಗಾಗಿ ಭಾರತೀಯ ಸೇನೆಯಿಂದ ವಿವಿಧ ಸ್ಪರ್ಧೆ
ನವದೆಹಲಿ, ಡಿಸೆಂಬರ್ 25: ಸೇನಾ ದಿನದ ಆಚರಣೆಯ ಸಲುವಾಗಿ ಭಾರತೀಯ ಸೇನೆಯು ವಿವಿಧ ಸ್ಪರ್ಧೆಗಳನ್ನು ಆಯೋಜಿಸಿದೆ.
2019ರ ಜನವರಿ 15ರಂದು ಭಾರತೀಯ ಸೇನೆಯು ಸೇನಾ ದಿನವನ್ನು ಆಚರಿಸುತ್ತಿದೆ. 'ದೇಶ ಮೊದಲು' ಪರಿಕಲ್ಪನೆಗೆ ನಾವು ಬದ್ಧರಾಗಿರುವುದನ್ನು ಆಚರಣೆ ಸೂಚಿಸುತ್ತದೆ.
ಆರ್ಮ್ಡ್ ಫೋರ್ಸಸ್ ಫ್ಲ್ಯಾಗ್ ಡೇ: ಯೋಧರಿಗಾಗಿ ನೀವೇನು ಮಾಡ್ತೀರಾ?
ಭಾರತೀಯ ಸೇನೆಯು ತನ್ನ ದಿನದ ಸಂಭ್ರಮದಲ್ಲಿ ಜನಸಾಮಾನ್ಯರನ್ನು ಸಹ ಒಳಗೊಳ್ಳುವ ಉದ್ದೇಶದಿಂದ ಸಾರ್ವಜನಿಕರಿಗಾಗಿ ವಿವಿಧ ಸ್ಪರ್ಧೆಗಳನ್ನು ಆಯೋಜಿಸಿದೆ.
ಆನ್ಲೈನ್ ಪೈಂಟಿಂಗ್, ಛಾಯಾಗ್ರಹಣ, ಘೋಷವಾಕ್ಯ ಮತ್ತು ವಿಡಿಯೋ ಸ್ಪರ್ಧೆಗಳು ನಡೆಯಲಿವೆ. ಈ ಸ್ಪರ್ಧೆಗಳು ಈಗಾಗಲೇ ಆರಂಭವಾಗಿದ್ದು, ಜನವರಿ 9ರವರೆಗೂ ನಡೆಯಲಿದೆ.
ಯಾರು ಭಾಗವಹಿಸಬಹುದು?: ಭಾರತದ ನಾಗರಿಕರಾದ ಯಾರು ಬೇಕಾದರೂ ಸ್ಪರ್ಧಿಗಳಾಗಬಹುದು.
ಸ್ಪರ್ಧೆಗಳು: ವಿಡಿಯೋ ಮೇಕಿಂಗ್, ಚಿತ್ರಕಲೆ, ಘೋಷಣೆ ಬರವಣಿಗೆ. ಭಾರತೀಯ ಸೇನೆಯ 'ದೇಶ ಮೊದಲು' ಥೀಮ್ ನಲ್ಲಿ ಸ್ಪರ್ಧೆಗಳು ನಡೆಯಲಿವೆ.
ಹೇಗೆ ಅರ್ಜಿ ಸಲ್ಲಿಸುವುದು?: ನಿಮ್ಮ ಫೇಸ್ಬುಕ್ ಖಾತೆಯಿಂದ ಲಾಗಿನ್ ಆಗಿ, ನಿಮ್ಮ ಫೇಸ್ಬುಕ್ ಪುಟದಲ್ಲಿ ನಿಮ್ಮ ಪ್ರವೇಶದ (ಛಾಯಾಚಿತ್ರ/ಪೈಂಟಿಂಗ್/ವಿಡಿಯೊ/ಘೋಷಣೆ) ಬರೆದು ಎಡಿಜಿಪಿಐ-ಭಾರತೀಯ ಸೇನೆಯ ಫೇಸ್ಬುಕ್ ಪುಟವನ್ನು ಟ್ಯಾಗ್ ಮಾಡಿ.
On 15 January 2019 #IndianArmy celebrates Army Day. It is celebration of commitment to idea of Nation First. This #ArmyDay participate in online Painting, Photography,Slogan & Video competitions. Competitions are open from 4 Dec 2018 to 9 Jan 2019.
— ADG PI - INDIAN ARMY (@adgpi) 24 December 2018
Click https://t.co/fSUHdeuoIN pic.twitter.com/S5EPg8HEYC
ಅತ್ಯುತ್ತಮ ಪ್ರವೇಶವು ಎಡಿಜಿಪಿಐ-ಭಾರತೀಯ ಸೇನೆಯ ಫೇಸ್ಬುಕ್ ಪುಟದಲ್ಲಿ ವೀಕ್ಷಣೆಗೆ ಲಭ್ಯವಾಗಲಿದೆ.
ಪ್ರವೇಶಾರ್ಥಿಗಳು ತಮ್ಮ ಪ್ರವೇಶದ ಸಾಫ್ಟ್ ಕಾಪಿಗಳನ್ನು ಹೆಸರು, ವಿಳಾಸ, ವಯಸ್ಸು, ಜನ್ಮದಿನಾಂಕ ಮತ್ತು ಮೂಲನಿವಾಸದ ಪ್ರಮಾಣಪತ್ರದ ದಾಖಲೆಗಳನ್ನು [email protected] ವಿಳಾಸಕ್ಕೆ ಕಳುಹಿಸಬೇಕು.
ಕೊನೆಯ ದಿನಾಂಕ: 2019 ಜನವರಿ 9. ವಿವರಗಳಿಗೆ ಭಾರತೀಯ ಸೇನೆಯ ವೆಬ್ಸೈಟ್ ಅಥವಾ indianarmy.adgpi ಫೇಸ್ಬುಕ್ ಪುಟವನ್ನು ಸಂಪರ್ಕಿಸಬಹುದು.