8 ವರ್ಷಗಳಲ್ಲಿ ಅತ್ಯಂತ ಕಡಿಮೆ ಮುಂಗಾರು ಮಳೆಯ ಹಾದಿಯಲ್ಲಿದೆ ಭಾರತ: ವರದಿ
ಪ್ರತೀ ವರ್ಷದಂತೆ ಈ ಬಾರಿ ಮುಂಗಾರು ಶದಲ್ಲಿ ನಿರೀಕ್ಷಿತ ಮಟ್ಟದಲ್ಲಿಲ್ಲ. ಹೀಗಾಗಿ ಮುಂದಿನ ಬೆಳೆಗಳಿಗೆ ಇದು ಭಾರೀ ದೊಡ್ಡ ಹೊಡೆತ ನೀಡುವ ಸಾಧ್ಯತೆ ಇದ್ದು, ಅಗತ್ಯ ವಸ್ತುಗಳ ಬೆಲೆ ಹೆಚ್ಚಾಗುವ ಆತಂಕ ಎದುರಾಗಿದೆ.
ಹೌದು... ಕಳೆದ ಎಂಟು ವರ್ಷಗಳಲ್ಲೇ ಭಾರತದಲ್ಲಿ ಅತ್ಯಂತ ಕಡಿಮೆ ಮುಂಗಾರು ಮಳೆ ದಾಖಲಾಗಿದೆ. ದೇಶದಲ್ಲಿ ಆಗಸ್ಟ್ ನಂತರ ಸೆಪ್ಟೆಂಬರ್ ಮಳೆ ಕುಂಠಿತವಾಗಿದೆ ಎಂದು ಎಲ್ ನಿನೊ ಹವಾಮಾನದ ವರದಿ ಹೇಳಿದೆ. ಈ ಮಳೆಯ ಕೊರತೆಯಿಂದಾಗಿ ಸಕ್ಕರೆ, ಬೇಳೆಕಾಳುಗಳು, ಅಕ್ಕಿ ಮತ್ತು ತರಕಾರಿಗಳಂತಹ ಅಗತ್ಯ ವಸ್ತುಗಳ ಬೆಲೆ ದುಬಾರಿಯಾಗುವ ಸಾಧ್ಯತೆ ಇದೆ.
ಭಾರತದ 3 ಟ್ರಿಲಿಯನ್ ಆರ್ಥಿಕತೆಗೆ ಮುಂಗಾರು ಪ್ರಮುಖವಾಗಿದೆ. ದೇಶದ ಬೆಳೆಗಳಿಗೆ ನೀರುಣಿಸಲು, ಜಲಾಶಯಗಳು ಮತ್ತು ಜಲಚರಗಳನ್ನು ಪುನಃ ತುಂಬಿಸಲು ಅಗತ್ಯವಿರುವ ಸುಮಾರು ಶೇಕಡ 70ರಷ್ಟು ಮಳೆಯನ್ನು ಈ ಮುಂಗಾರು ನೀಡುತ್ತದೆ. ವಿಶ್ವದ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ಭಾರತದಲ್ಲಿ ಸುಮಾರು ಅರ್ಧದಷ್ಟು ಕೃಷಿ ಭೂಮಿಗೆ ನೀರಾವರಿ ಕೊರತೆಯಿದೆ.
ಹೀಗಿರುವಾಗ ಎಲ್ ನಿನೋ ಆಗಸ್ಟ್ನಲ್ಲಿ ಮಳೆ ತೀರಾ ಕಡಿಮೆಯಾಗಿದೆ ಎಂದು ಹೇಳಿದೆ. ಇದು ಸೆಪ್ಟೆಂಬರ್ ಮಳೆಯ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಎಂದು ಭಾರತೀಯ ಹವಾಮಾನ ಇಲಾಖೆಯ (IMD) ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಮಾಧ್ಯಮಗಳಿಗೆ ಮಾಹಿತಿ ನೀಡಲು ಅವರಿಗೆ ಅಧಿಕಾರವಿಲ್ಲದ ಕಾರಣ ಅವರು ಗುರುತಿಸಲು ನಿರಾಕರಿಸಿದರು.
ಭಾರತದಲ್ಲಿ ಜೂನ್-ಸೆಪ್ಟೆಂಬರ್ ಮುಂಗಾರು ಮಳೆ ಕನಿಷ್ಠ 8% ರಷ್ಟು ಮಳೆಯ ಕೊರತೆಯೊಂದಿಗೆ ಕೊನೆಗೊಳ್ಳುವ ಹಾದಿಯಲ್ಲಿದೆ. ಇದು 2015ರಲ್ಲಿ ದಾಖಲಾದ ಅತ್ಯಂತ ಕಡಿಮೆ ಮಳೆಯಾಗಿದೆ. ಆದರೆ ಈ ಬಗ್ಗೆ ಹವಾಮಾನ ಇಲಾಖೆಯು ತಕ್ಷಣ ಪ್ರತಿಕ್ರಿಯಿಸಲಿಲ್ಲ.
ಭಾರತೀಯ ಹವಾಮಾನ ಅಧಿಕಾರಿಗಳು ಸೆಪ್ಟೆಂಬರ್ ಮುನ್ಸೂಚನೆಯನ್ನು ಆಗಸ್ಟ್ 31 ರಂದು ಪ್ರಕಟಿಸುವ ನಿರೀಕ್ಷೆಯಿದೆ. ಈ ಹಿಂದೆ ಪೂರ್ಣ-ಋತುವಿನ ಮುನ್ಸೂಚನೆಯಲ್ಲಿ ಮೇನಲ್ಲಿ 4%ರಷ್ಟು ಮಳೆಯ ಕೊರತೆಯನ್ನು ನಿರೀಕ್ಷಿಸಿತ್ತು.
ಎಲ್ ನಿನೊ ಪ್ರಕಾರ ಪೆಸಿಫಿಕ್ ನೀರಿನ ತಾಪಮಾನ ಏರಿಕೆಯಾಗಿದ್ದು, ಇದು ಸಾಮಾನ್ಯವಾಗಿ ಭಾರತೀಯ ಉಪಖಂಡದಲ್ಲಿ ಶುಷ್ಕ ಪರಿಸ್ಥಿತಿಗಳೊಂದಿಗೆ ಇರುತ್ತದೆ. ಭಾರತದಲ್ಲಿ ಶತಮಾನಕ್ಕಿಂತಲೂ ಹೆಚ್ಚು ಶುಷ್ಕ ಆಗಸ್ಟ್ನಲ್ಲಿ ಸಾಗುತ್ತಿದೆ ಎಂದು ಹವಾಮಾನ ಇಲಾಖೆ ಅಧಿಕಾರಿಗಳು ಈ ತಿಂಗಳ ಆರಂಭದಲ್ಲಿ ತಿಳಿಸಿದ್ದಾರೆ.
ಪ್ರಸಕ್ತ ಮಾನ್ಸೂನ್ ಅಸಮವಾಗಿದೆ. ಜೂನ್ ಮಳೆಯು ಸರಾಸರಿಗಿಂತ 9% ರಷ್ಟು ಕಡಿಮೆಯಾಗಿದೆ. ಆದರೆ ಜುಲೈ ಮಳೆಯು ಸರಾಸರಿಗಿಂತ 13% ಗೆ ಮರುಕಳಿಸಿದೆ.
ನೈಋತ್ಯ ಮಾನ್ಸೂನ್ ಸಮಯಕ್ಕೆ ಸರಿಯಾಗಿ ಅಥವಾ ಸೆಪ್ಟೆಂಬರ್ 17 ದಿನಾಂಕಕ್ಕಿಂತ ಸ್ವಲ್ಪ ಮೊದಲು ವಾಯುವ್ಯ ಭಾರತದಿಂದ ಕಡಿಮೆಯಾಗಲು ಪ್ರಾರಂಭಿಸುತ್ತದೆ. ಅದಾಗ್ಯೂ ಕಳೆದ ನಾಲ್ಕು ಸೆಪ್ಟೆಂಬರ್ಗಳಲ್ಲಿ ಮುಂಗಾರು ತಡವಾಗಿ ಹಿಂತೆಗೆದುಕೊಂಡಿವುದರಿಂದ ಸರಾಸರಿಗಿಂತ ಹೆಚ್ಚಿನ ಮಳೆಯಾಗಬಹುದು ಎನ್ನಲಾಗುತ್ತಿದೆ.
ಸೆಪ್ಟೆಂಬರ್ನಲ್ಲಿ ಉತ್ತರ ಮತ್ತು ಪೂರ್ವ ರಾಜ್ಯಗಳು ಸಾಮಾನ್ಯಕ್ಕಿಂತ ಕಡಿಮೆ ಮಳೆಯನ್ನು ಅನುಭವಿಸಬಹುದು ಹವಮಾನ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ಚಳಿಗಾಲದಲ್ಲಿ ಬಿತ್ತಿದ ಬೆಳೆಗಳಾದ ಗೋಧಿ, ರೇಪ್ಸೀಡ್ ಮತ್ತು ಕಡಲೆಗಳಿಗೆ ಸೆಪ್ಟೆಂಬರ್ ಮಳೆಯು ಪ್ರಮುಖವಾಗಿದೆ.
ಆಗಸ್ಟ್ನಲ್ಲಿ ಅಲ್ಪ ಪ್ರಮಾಣದ ಮಳೆಯಿಂದಾಗಿ ಮಣ್ಣಿನ ತೇವಾಂಶದ ಮಟ್ಟ ಕಡಿಮೆಯಾಗಿದೆ. ನಮಗೆ ಸೆಪ್ಟೆಂಬರ್ನಲ್ಲಿ ಉತ್ತಮ ಮಳೆ ಬೇಕು, ಇಲ್ಲದಿದ್ದರೆ ಚಳಿಗಾಲದ ಬೆಳೆಗಳ ನಾಟಿಗೆ ಪರಿಣಾಮ ಬೀರುತ್ತದೆ.
Click it and Unblock the Notifications
Sign in with Google